Showing posts with label Jurdagat. Show all posts
Showing posts with label Jurdagat. Show all posts

Friday, January 18, 2013

GÁLLÁBÁRTNIT-árvvoštallan


Lyrihkalaš ovddasátni árvvoštalli barggu ektui   
Nu mo lohpidin ikte FB:as de ovdan buvttan juoga mii dávjá gohččodit “árvvoštallan –čálusin”. Nu ahte lean mahkáš árvvoštalli juste dál. Lean ovdal ollu lohkan iešguđetge árvvoštallamiid girjjiid, CD-skearruid, teáhterčájálmasaid, filmmaid birra. Ja álo jurdilin gii bat lea dát olmmoš guhte árvvoštallá juoidá? Dán ge vel almmuhuvvo gos nu. Dasto lohkki lohkka, guldaleaddji guldala, geahčči fas geahččá ja guldala dán mahkáš árvvoštallama. Ferte go dien árvvoštallis leat sierravuođat, earenoamášvuođat?
Juo, dies berrešii leat erenoamášvuođat goit dán dáfus ahte máhttá čállit, lohkat, čilget, guldalit, analyseret, veardidit, muitalit duohta, leahkit kritihkalažžan ja objektiivvalažžan ákkastallama bokte. Maiddái jáhkkán árvvoštallis berre leat rikkis kulturduogáš ja máhttu. Jus dát ii livččii dehálaš, de jáhkkán VG dahje Aftenposten livččii baicce almmuhan “árvvoštallama” maid čálášii koahkka, boastaolmmái dahje leansman. (Dies dá in leat áibbas sihkkar makkár duogáš lea dáin olbmuin maid barget VG:as, Aftenpostenis jna.). Muhto goit jurddašan ahte berrešii leat nie.   Maiddái soaitit Sámis lea earálágan mearaštállan dán ektui. Leago Sámi median obbage ámmátárvvoštallit?
  
Nubbi dáfus árvvoštallis ii leat mange ládje erenoamášvuođa go dát gal lea maid olmmoš nu mo mun dahje don. Ja juohke olmmoš sáhttá leat goit oktii eallimis leahkit beallalažžan. Dahje muđui olbmoluondu lea duolle dalle bargat boastut, čállit boastut, ipmirdit boastut, jna.
Nu ahte lea olbmo duohken man láhkai luohttit árvvoštallamiidda ja árvvoštalliide. Olmmoš gal ieš mearrida luohttá go ollislaččat vai lohkat: Die gal lea baikka!   
Nu ahte dá mearkkaša diet čuovvovaš jurdagiid bihtá oaččut lohkat muhto gal ieš de mearridat movt de viidáset dágat. :) 

  -  SÁPMÁI gal várra dohkke!
Nu logašin várrugasat ođđa CD-skearru “Gállábártnit” birra maid guovdageaidnulaš Sančuari joavku doaimmahii 2012 jagi loahppas. Vuos go mediain (Sámemedian) beaggigođii ahte Sančuari lea bargame ođđa CD-skearruin, de lei álgoreakšuvdna: “Na viimmát!”.

Guldalin olles CD-skearru golbma dahje njeallje gearddi iige dan dihtii ahte: -Šoš, man coolas lávlagat ja šuoŋat leat! Baicce nubbeládje! Guldalin vai gávdnat dán man dihtii berrešii guldalit dán CD-skearru.
Juo, mu mielas, persovnnalaččat dan ođđa CD-skearrus ii leat mihkkige man dihte mu galggašin oastit dán 198 ruvnno ovddas! Dušše danne go dá lea sámemusihkka? Háloo! Dakkár ákkastallama in goassige boađán dohkkehit. Lihkkus válden girjerádjosis dan CD-skearru, nu ahte seastin olles 198 ruvnno.

Manne mun in liiko dan CD-skerrui?
-  - Dát lávlagat ja šuoŋat eai nagot dahkat dien maid gohččodit “átmosfeara”.  Dá lea dat go don bijat johtui čuojanasa mas lea ođđa CD-skearru, ja vuosttáš  lávlaga rájes gitta maŋemuš lávlagii don návddašat, govvidat dáid sceanaid man birra lávlut.  “Our lot in life”  (nummir 12) lávlá gal  irritere eanemustá! Gal dát lea stuorámus fiásko dan CD-skearru! Soaitit jus livčče veahá earálágan dáhkon diet mastering ja programming livčče várra dohkkenláhkái.

    - 11 jagi lea oalle áigi. Dan áigodaga siste gal lea baggu doaimmahit buori CD-skearru. Suddu, muhto GÁLLÁBÁRTNIT CD-skearru ii leat dakkár.

 - Šuoŋat mat leat skearrus, ovtta ládje muittuhit  boares málle Sančuari, duon áigge go otná 40 jahkásaččat ledje veahá nuorabut go dál. Ja diehtálas mun ieš ge leamašan nuorabut go odne. Juste dalle in leat sihkkár dihten go obbanasiige Sančuari birra maidege.  

    Muhto odne mun ieš baicce háliidan guldalit ođđa šuoŋaid, iige juoga maid dahká keyboard + juogan. Juo, Sančuari geahččala dan dahkat, buoridit šuoŋaid. Ovdamearka dihte joavku lea váldán mielde luonddujienaid (čázi, ealu, skávli). Maiddái muhtin lávlagis leat oba buorit gitára oasit. Dahje omd., Asia fiinuhat lávlagis lea buorre elektrovnnalaš oassi, muhto fas lea juoga maid billida dán lávlaga.  Seammás dá elektrovnnalaš oassi muitohastá veahá Wimme musihkka. Dá lea maid ii leat buore dovdomearkka. Mastering ja programming váikkuhit ollu loahpalaš veršuvdnii. Dát gal sáhtášii leat buoret.
  

REASPEKTA oassi.
Sančuari gal lea ovtta ládje leandára joavkku jo dán dáfus ahte máŋgalot jagi Beassášdoaluid vuolde nagodii čoaggit  olbmuid suohtastallat ja dánsut Báktehárjái boares lávlagiiguin. In jáhke ahte oarjemáilmmi násti livččii nie bures birget dán dáfus.  Maiddái galggan dadjat ahte leat lávlagat omd., “Ole Thomas” maid lea dánsunláhkái lávlla ja mii lea 100% Sančuari stiilla ja man dihte olmmoš konseartas boahtá lávdi ovdii vai čuovvut Sančuari mielde. Mu mielas dá lea ovtta dáin lávlagis CD-skearrus maid lea oba bures dáhkon.  Soaitit juste dakkár dánsunlávlagiid dihte Sančuari lea cevzen bures dassážii.  Maiddái jáhkkán otná 40 jahkásaččat guldalit mielain dán ođđa CD-skearru goit danne go dát han muitohastá sidjiide sin nuorravuođa. Otná nuorat gal soitet maid juoidá gávdnat dán skearrus. Mun ieš baicce boađán konsertii, go konsearta han dahká musihkkagova mihá buorebut go buoremus čuojanas.         

LOAHPPALAŠ jurdda.
Nu mo lohken álggo rájes de dát CD-skearru soaitit dohkke báikkálaš dásis Sápmái, muhto ollet dobbelii gal dainna musihkain obba váttis.  Muhto gal movt ollet dobbelii gal sáhttá várra eará háve digaštallat. ;)

Monday, January 14, 2013

Barggu ja básiid birra.

Lean šaddan golbma mánui Sámi arkiiva mielbargin. Dá lea eambbo oasseáigge bargu, go mun berren maiddái bargat skuvlabargguid. 

Muđui lean duhtávaš go fidnejin dakkár barggu. Lea somá juoiddá ođđa oahppat. Maiddái dá lea lássi čuogga CV:ii, mii lea oalle dehálaš maid. 

Mii vel? Jua, ikte ávvudeadje Ruoššas "Boares Ođđa jagi"! Boares mállekálendara mielde ikte livččii leamaš 1 b. Ođđajagimánu. Dan áigge Ruoššas lea seammá kálendar nu mo eará riikkain, muhto árbivierru ávvudit dán beaivvi lea báhcán. Danin ge Ruoššas dávjá olbmot ávvudit 2 bási, 2 ođđajagiruohta. :) 

  

Friday, December 28, 2012

ZzzZzz


Várra ovdal Ođđa jagi berrešii veahá árvvoštallat mo manai dan jagis. Sihke dan dáfus mo manai muinna ja muđuige. Muhto in gal vuos gille dán birra čállit. Soaitit juste ovdal Ođđa jagi čálán dan birra. 

Na... galggan oaidnit makkár mielas lean.... Soaitit in obbage gillenge árvvoštallat ... 

Na juo... Buorre idja!  :) 

Friday, November 30, 2012

"Ja dát koloniserenpolitihka dagahii dan, ahte Sápmi dego luoddanii guovtti oassái: Danmárku Sápmái ja Ruošša Sápmái." 

Oassi iezan easseja čállosis masa fuobmái Steinar Pedersen árvoštallamis barggu. 

Wednesday, November 14, 2012

RAIPON ášši ektui jurdagat.

Lea issoras mii dáhpahuvva maŋimuš áiggiin Ruoššabeal eamiálbmot máilmmis. Dát dilli suhtada mu, ja suhtada dá ahte mun persovnnalaččat in sáhte  dasa mange ládje váikkuhit. Ruošša stáhtá lea stuorramášiidna mii ii beroš ieža álbmogiin maid ásset miehtá Ruošša. Dá leat iešguđet ge álbmogat. 

Lea issoras ja duođalaš dilli. Iige imaš manne dan birra eai jietnat maidege ruoššamediat. Sii han leat maid ožžon direktiivvaid. Eamiálmogiid mediat eai leat nu fámus vai olihit ruošša eisseváldiid. Ruošša riikkamediat mu ipmárdusa mielde eai goassige  muitališgoahtit dakkár áššiid birra no mo dan áiggi dáhpahuvva RAIPON orgánisašuvnnain. Muhto dát ášši lea unná binnaš oasi dán "stuorra gahku váttisvuođaid". Miehtá Ruošša leat láhkorihkomat, eamiálbmogiid vuoigatvuođa rihkomat, jna. Dieppe stuorra gárddin, Kremlinas dušše muitalit man buorre barggu sii leat bargame álbmogiid váras. Dát gal lea njuolgga gielisvuohta. 

Lihkus lea interneahta dán áigge man bokte olmmoš oažžu ođđasiid dávjimusat maŋimuš áiggiin. Lihkus gávdno maiddái RAIPON ášši birra muhtun artihkáliid, oaivviliid, jna. Muhto stuorra ruošša interneahta ektui dát čállosat leat uhcán oassi mediamáilmmis. 

Dain beivviin RAIPON ášši lei maiddái fukusis Sámimediain ja Barentsguovlu median. Erenoamažii odne Ođđasiin lei čielgga signála. Ruoššaeisseválddi ieš ii boahtá maidege komenteret ášši ektui. Bállu? Direktiiva? Dahje leago sutnje áibbas seamma? Muhto buorre go olgoriikkamediat ovddidit dakkár áššiid. Doaivvumis áiggi mielde mii beassat guldalit ruošša eisseváldiid oaidnu RAIPON ášši ektui.   

Ruoššas ásset sullii 140 milliivdna olbmo, daid gaskas álgoálbmogat leat sullii 300 duhát olbmo. Dá lea vuolel 1%. Mo de eamiálbmogat Ruoššas galget nágodit muitalit ieža oaivviliid Ruošša mediaide, Ruošša servodahkii? 

Dá livččii vejolaš diehtálas rievdadit dili, muhto go Ruoššas stivre Putin ja Medvedev lea dego su dohka gieđas. Jáhkku ja doaivva dakkáviđe suddada oaivis. 

Muhto dan ovdal Čečenija guovlu álbmot ledje doarun ieža rivttiid ovddas. Muhto man ladje sii leat doarrun? Heivešii go son dakkár vuohki álgoálbmogiidda odne? Namalassii váldit gieđaide niibbiid, vearjuid, bissuid jna. Dakkár vuohki ii heive, munnje persovnalaččat goit dá ii heive. Bargat demokrahtalaččat, čállit ovtta ladje breavvaid eisseváldiide. Dás ii leat nu ollu ávki...  

Miellačájuhusaid, njealggunákšuvnnaid lágidit seamma ládje nu mo 1978-80 jagiin ledje dahkan sápmelaččat Norggabealde. Hm..hm.. Unná binna Norggas dá livččii vejolaš. Naba stuorra Ruoššas, mo dieppe? Livčče go lihkkastuvvan dakkár daguid dihte álgoálbmogat Ruoššas? Livčče go rievdan ieža oainnuid ruošša eisseválddit eamiálbmogiid ektui?   

Dán dilis in dieđe mo  galggan jurddašit positiivalaččat ja objektiivallaččat RAIPON ášši  ja muđui ge eamiálbmogiid dili ektui. 

P.S.De dál fas áigi máhcan eksámenbárgui. 
P.P.S. Jus fuobmát muhtun čállinmeattahusa, de logat munnje. Dahje čujut gokko dá lea. :) 




     

Sunday, October 28, 2012

Bloggema ja giela birra

Mun jáhkkán dat sosiála mediat sihke Facebook, Twitter ja earát billistit mu movtta danne go in veaja šat blogget álbmaládje nu mo ovdal. Bloggen ii geassut šat mu nu mo ovdal.  Vissa dan dihte go meanddo ollu ja meanddo dávjá lean dáin iešguđetge sosiála mediain online. Muhtumin lean dieppe oktanaga. Dá válddo ollu áiggi, fámut... lohkat dáin mediain váikko man birra. Leat sihke somás ja váives áššit.  Dávjá juoidá gesnu čállistan, iežan oaivvila čállistan, jearaldaga sáhtán jearrat, jna. 

Dávjá čálán sámegillii, in dieđe manne, muhto mu mielas lea dehálaš doallahit giela, ja giela galgá leat oidnosis ii dušše dábálaš sámemediain, muhto maiddái sosiála mediain. Mun ipmirdan dahje ádden bures daid sámiid geat eai máhte sámastit iešguđet sivaid dihte. Ja sidjiide vissa váivi lohkat dan maid mun čálán sámegillii. Dahje soaitit sii eai obage beroš das makkár gillii mun čálán ja man birra.   Muhto diehtalas mun in leat nu jállat čállit dušše sámegillii sosiála mediain.   Mus lea baggu čállit máŋga gillii dan sivas ahte mus leat "olbmát" miehta máilmmi. Sin dihte mus lea baggu dehálaš, dahje áibbas dábálaš jurdagiid čállit maiddái ruoššagillii ja eŋgelasgillii. Dáhje  dárogillii, váikko in leat vuos máhttán nu bures hupmat\hállat ja čállit. Dát lea maid giellahárjehallan čállit dárogillii sosiála mediain. Ja mun ge in beroš vuos goit lean go čállime riekta vai in dárogillii. Dássažii goit ii oktage divvustan mu dárogiela.  Soaitit mun bloggegoađán dárogillii maid muhtin beaivi. 

Juo, go muitán galggan namuhit. Odne ledje sátnejođđiheaddji válggat Lujávrri suohkanis dahje gielddas. Dán háve lei nubbi vuorru. Vuosttáš vuorru birra lea vejolaš guldalit Haloo Sápmi nammasaš prográmmas. Nubbi tuvrras leigga guokte evttohasa. Okta dáin lei ovddeš nubbisátnejođiheaddji ja nubbin evttohasan  fas lei gávpeolmmái. Dássažii eai leat vuos čielgan visot, muhto gáskaboddosaččat vuoitobealde lea gávppeolmmái guhte ovddasta opposišuvnna bellodat "Spravedlivaja Rossija". Dán dáfus lea oba buorre, muhto nubbi dáfus lea váttis árvvoštallat makkár boahtte áigi lea Lujávrri suohkanis. Mun livččen jienostit nuppi evttohasa.. Muhto ja-ja...boahtte háve jienástan go lean Lujávrris. 

Buorre idja, iđit, beaivi! 



  www.facebook.com\gavrilovmedia      

    

Friday, October 26, 2012

Twitter vuohki čállit

#Leaollumiidáhpáhuvvaeallimisahteinásttámaidegečállitdásdahjejuogaditjurdagiid. :p 

Tuesday, October 2, 2012

...

Hallo! Lean fas dáppe  Guovdageainnus. Ledjen beannot vahku eret. Áigi lea čállit dahje ráhkkanišgoahtit  skuvllii. Ferten dan lohkanbájis gárvvet bacheloroahpu journalistihkas. Dát ii leat nu ollu maiguin galggan bargat, muhto dá lea eará dáfus lossát.  Lea lossát ieš álddis  lohkagoahtit daid girjjiid vai bures lahkai birget daiguin eksámenaiguin maid galggan váldit dán lohkanbájis. Muhto ja-ja.. 

Muđui...Odne vihken 5 km. Dá ii leat gal ollu, muhto dan geažil go mus lei beannotvahkosaš vuoiŋŋástan boddu, de lei baggu álgit viehkat 5 km:is.  
Boahtte háve fas lea áiggumuš 8 km viehkat. Galggan oaidnit mo dovddan ieža juolggiid ja muđui gorruda.   
   
Na juo, dát gal lei visot otnážii :p


Tuesday, September 18, 2012

Fearan

Háliidin juoidá čállistit dasa, muhto fas vájálduhttin  jurdaga...De in gille šat čállit. Soaitit maŋŋit. Fárgga fas galggan Thon hoteallas fitnat. Dieppe lea okta deaivvadeapmi. Muđui eai leat mus  beare ollu áššit man birra sáhttá dahje oažžu muitalit. 

Juo. Ovtta ášši goit sáhtán namuhit. Dá giellaoahppagihpa mainna lean bargame galgá leat boahtte vahkku gárves sisdoallu ektui goit. Hápmi gal soaitit rievdaduvva. 

Na de gal lei vissot otnážii. 

P.S. Dát Sámi Stuoramus Bufea mii lágiduvvui mannan vahkkoluohpa galgášii baicce gohčodit Sámi Stuoramus Vuordináigin. :) 

          

Sunday, September 2, 2012

Putin - oanehis dikta

la-la-la
tra-la-la
tro-lo-lo
tro-lo-lo
tra-lja-lja
tra-lja-lja

Putin, manna birru eret! :p 













P.S. Mun in leat lahkage separátista. Baicce lean idealista. :)
Dá lea várra máŋemuš dikta Putina birra. 

Thursday, August 30, 2012

Putin!? Putin?? Putin...

Putin!? Putin?? Putin. Puu-tin...
Ruošša presideantta vai Ruošša gonagas son lea...
Birru Putin. 
Gullo, oidno, čállo juohke áidna beaivi, livččii jearaldat
Riekta, birru Putin dát lea, livččii dása vástádus. 

Putin, Puu-tin. 
Maid? Leat go presideanta don? 
Gii bat jienastan du ovddas?
In gal mun. 

Putin, birru, ale šat stoahkat dego dihtorspealuin lávejit stoahkat soapmasat. 
Putin, heite fal! Dá ii heive dutnje  presideantta virgis leahkit.  

Putin!? Putin?? Putin...Puu-tin...
In boađe vájálduhttit  namma du...

Putin dáppe, Putin dieppe, Putin barggus, álo barggus..
Vuoi dan Putin barga, barga juohke beaivi.
Mátkoštalla, borra, oađđá, bágadalla, ráđđedalla, álo barggus.
Álbmogiid birra smiehtasta...
Dieppe fitna, doppe fitna...álo čáđa áigiid álbmogiid birra smiehtasta. 
Ii dá máhttá Putin vuoiŋŋastit, ii son ásta vuoiŋŋastit
Putin barggus birru lea. 

Putin!? Putin?? Puu-tin...
Maid son galgat vuordit mii? 
Ođđa lágat hutkojuvvojit juohke beaivi...
Na don oažžu bargat, na it oažžu...
báicce nie don galggat bargat...
ávžžuha presidenta lágaid bokte.
Jienas Putin namma ovddas go leat fas dát válgat. 
Dalle don oainnát man buorre šadda. 
Muhto dál gal fertet vuordit..jahki, guokte, golbma... 
ovdal go mun ieš dieđán...
Návddaš eallima, sápmelaš! 
ale beroš, ale stresse! Mii gal ordnet dutnje buriid. 

Putin! Manna birru eret. 






















P.S. Buorre idja! In leat man ge ládje separatista. Baicce veahá idialista :p

Thursday, June 7, 2012

Juo, dá gal oažžu dadjat lea leamaš produktiiva beaivi, ja ii ge leat vuos nohkkan.  Rievtti mielde lei ollu ášši maid čáđahin. 


Fitnen Seaistin Baŋkus, dilli koartain dakkaviđe čielgai. Osten muntin dárbbašlaš osiid sihkkelii. Dál lea dego áibbas eará sihkkel mus. Suddu go lea árvi, livččen sihkkelastit gosanu dáppe.  


Veahkehin olbmui ovtta áššiin. Maiddái odne čielgai eará ášši. Dá lea barggu Sámi arkiivas oktavuođas. Dá bargufálaldat sirdašuvvui čákčabeallái. 


Dál ii leat eará go vuordit vástádusa NRK Sámis. 


Eahketbeallái lea plána guovlustit Duodječájáhusas maid lágiduvvo Diehtosiidas, ja álgá dii. 18.00 odne. 


Sullii nie.  

Friday, March 9, 2012

Ikte mus lei oalle ollu govvenbarggu. Govvejin dansejeaddjjiid. Loahpas galget šaddat "pressebilder" ja plakahtagovat. Galgašin vel odne govvet, muhto dálki geažil ii šaddan odne govvenproseassa. Go odne lea plána olggun govvet. 


Ikte maiddái vuosttaš geardde lea filbmejin iežan lei miella filbmaža bokte sáddet lihkkusávaldagaid buot nissoniidda ja nieiddaide. Suddu go ráhkkadin dán ruoššagillii dušše. Boahtte háve galggan sámegillii juoidá hutkat, omd. go lean ráhkkadeame borramuša. :p 


Maid vel? Na juo. Dán mánus ilbmai máilbmái Š-bláđđi. Leat oalle miellagiddevaččat muhtun artihkkalat. Maiddái fuobmájin muhtun sániid maid in leat gullan ovdal. Dá lea buorre álo juoidá ođđa oahppat. Muhto in mun sáhtte dadjat ahte Š-bláđđi lea mu fávorita bláđđi. Juo, 4-5 jagi das ovdal go mun vuosttaš geardde oidnen dán bláđi de mun smihten "man buorre go lea dakkár bláđđi! Man coola dat lea!" Dalle mun álo vurden ođđa nummira bláđis. Muhto dál lean vissa ieš rievdan. Ii mus gal lea dál seammá reakšuvdna go ovdal. Juo, dat lea buorre go lea dakkár bláđđi ja čáđa sámegillii. Galgašii vel ráhkkadit neahttasiidu, dalle gal livččii máilbmi buorre dáhku! Muhto dat gal lea ruhta duohken ja eará rešursaid duohken. 


Fargga galggan vuolgit hárjehallat. Dáppe Diehtosiidas. 

Thursday, February 2, 2012

Okta-guokte-golbma...

Mun in goassige govvejin guovssahasaid.  Dieđus mun lean máŋgii oaidnán dáid sihke ruovttuguovlluin ja dáppe Guovdageainnus. Muhto in goassige govvejin. Váikko dál lean veahá oahppan mo galgá govvet, de liikka  mus eai leat guovssahasaid govaid. 

In mun gal dan dihte stresseluvvon, dahje váivvašuvvon. Muhto lea juogá iežan oaivvi čihkosis maid dego savkala: 

"Ná, goas  vuolggát govvet daid guovssahasiad? Orut olles eallima davviguovlluin ja ii leat makkárge gova..."   

De fas lea eará dego jietna maid savkala áibbas nuppeladje: 

"Na manne bat don galggat govvet daid guovssahasaid? Don gal leat máŋgii oaidnán dáid iežan eallimis. Maiddái neahttas leat váikko man ollu guovssahasa govaid..."    

Hm, hm.... Manne bat mun álgen guovssahasaid čállit? Iigo gávdno eará man birra livččii vejolaš muitalit?  Juo-juo. 


Jurdagat gal jorret oaivvis nu go álo, ja nu go buohkkain...   

Na juste fal! odne gal mus leat guokte buorre ođđasa. Vuosttaš - mun ožžon stipeandda, nubbi - bođii Rica Hotealla miellahttukoarta. Juste dál in gal áibbas sihkkar man dávjá boađán atnit dan koarta go in gal láve nu dávjá bissánit Rica hoteallain ja muđuige hoteallain... 

Diibmu lea juo badjel gávcci iđđida. Fárgga diibmu ovccis galggán skuvlii, čoahkkimii... 

Ja-ja...Buorre iđđit dutnje gii gillejit lohkat dán jierbmakeahtes čállosa :) 






Tuesday, September 13, 2011

Muhtin vásáhusat ja oaivilat

Skuvlabargu 
Dán ija olles fárttain čállen skuvlabarggu - esseja, logisiidosaš čállus "Eamiálbmogat našunála mediain". Váikko lean ožžon dán bargobihtá easká borgemánu loahpas. De ii lean vejolaš čállitgohtit dán barggu ikte. Go dán ovdal lean čállán fas eará skuvlabarggu maid galgášin rievtti meilde gárvet jo meissemánus.

In gal muite goas lei máŋimuš háve ná oanehis áigis ledjen čálleme skuvlabargguid. Vissa go lean vázzán alitoahpui Murmánskas. Dalle mis ledje juohke áidna vahku sullasaš ruovttubarggut. Maid ii sáhttá dadjat Sámi allaskuvla birra.

Muhto goit mun nágodin ja sáddejin sisa dán skuvlabarggu.


Válgat 
Seammás ikte ledje iešguđetlágan válgat. In mun leat vuos guhká orron Norggas, dan sivas ii ge leat rievtti jienástit. Ná jus livččii diekkár riekti ja vejolaš gean ovddas galgášin jienástit? Váttis dadjat. In mun ge goit oaidnán ii ovttage beallodatorográmma, ii mihkkige diekkára maid sáhttášii áddit vejolaš oahppasnuvvat bellodagaidprogámmaiguin ja sin áigumušaiguin.

Ruoššas válgakámpanijaid oktavuođas iešguđetge dásis bellodahkain ja evttohasain lea buorre diehtojuohkin, jna. Dán dáfus lea stuorra erohus mo lágiduvvojit  válgakápmanijat dáppe ja dieppe.

Soaitá stuorra gávpogiin leat iešguđetlágan diehtojuohkin doaimmát bellodahkain. Muhto dáppe davvin diekkár in oba ge vássihin.


Ođđasat
Ikte maiddái oidnen ođđa Š-bláđi. In leat vuos lohkán dán. Veahá dušše guovlustin ja oidnen ahte Niilas Holmbergis álmmuhuvvui unná skerroš guovtti vai njealle lávlagiin. Maiddái Duolva Duottar álmmuhii skearru.
In leat oaidnán dáid vuos.

Niilas Holmberg skearru mus han lea miella guldalit ja oastit. Duolva Duottar, naaaaa.... In gal gosssige lean leamaš rap-misihka stuorra fánan. Galggán vuos guldalit movt dát orru. Ja jus mun riektá ipmirdin eanáš oassi lávlagiid leat boarrasat. Na, juste dál mun in leat gearggus oastit diekkár skearru.

Muđui háliidan čađa lohkat dán Š. Seammás mus bođii millii jearraldat: manne bat ii oidno sámi allaskuvlas NUORAT bláđi studeanttiad váras? Livččii oba buorre oaidnit sihke Š ja NUORAT.

Vahkkoluohppa
Rievtti mielde galgášin čállit duon skuvlabarggu, muhto ii dat leamaš miella. In ge diehtán maid galgen čállit.
Muhto lean fitnan HØSTFEST:ii Bottus. Ná dát gal lei buorre. Diehtálas mun bohten SomBY dihte go in leat govven ovdal sin ja maiddái danne go liikon sin musihkkii. Eará jovkkuid bearjdaga in leat guldalin ge. In ge dieđe dáid jovkkuid nammaid.
Lávvordaga váikko ledje beare rap-artistat, de buori miellain vulgen Boddui. Váikko in liiko rap seamma ládje go rock ja eará šlájaid, de liikojin maid guldalin sihke Áivvan, Amoc ja SlinCraze. In ge sáhttá dadjat gii lea buoremus dain. Sii ledje buohkat čeahppit.
Livččii áinnas buorre dávjábut doallat sullasaš konsearttaid Guovdageainnus, go eai leat beare ollu ástoáigifálaldagait dáppe.

Ná sullie nie. :)

Friday, August 26, 2011

Diet gal lea somá!

Odne beaivi mielde ožžon facebooka bokte dieđu ovtta ruošša journalistas: " Hei! Min aviisas lea miella álmmuhit 4 du gova..." Dán gal mun oalle guhká lean vuorddan. Dás ii lea sáhka ruđa birra, muhto baicce dan birra ahte vejolaš mu govaid álmmuhit Ruoššas, Moskvas.Ii goassige ovdal Ruoššas álmmuhuvvojit mu govaid.

Mus lea vahku vai váljet buorre 4 gova ja sáddet Moskvái.  

Muhto odne eahkkedis sullii 20.00 lea plána vuolgit hárjehallat. :) 

Wednesday, August 3, 2011

ho-hoi

Geasseáiggi in leat beare dávjá čállime blokkái. Várra dát lea lunddolaš go geaset olmmoš galgá báicce vuoiŋŋastit, gávdnat ođđa fámuid cuovvovaš bárgo dahje oahppoáigodahkkii. Muhto fárgga geassi nohká, nu lea dovddu. Juo, árrát árvvoštallat mo dat manái. Go lea vel mánnu juoidá hutkat dahje fuobmát.

Dán bearjadga gearggan geassebarggus NRK Sámis. Dán maŋŋá vuolggán ruoktot, Lujávrái. Go oainnát mun osten Murmánskas sihkkela eadnái, ja galggán dán buktit sutnje. Eatnis lea miella sihkelastit. Ruoktotuvrra maŋŋá mun ja okta fiinna nieida Altas vulge Amsterdamii. Dál munnos leat bilehttat, hotelas diŋgojuvvon latnja. Jáhkkan šaddá somá, dieppe Amsterdamas. Maiddái moatti beaivái bissanan Oslos.

Nu leat plánat ovddosguvlui.

Thursday, May 12, 2011

Váivvástuvvan

Leat máŋga áššit maid háliidivččen čállit dán bloggái, muhto...Várra lean váibban. Dárbbašan ođđa vásáhusaid vai moktá livččii buoridan. Geahččalan máŋga jagit heivehit iežan Guovdageaidnui. Ii fal dán lahkái ahte mus lea miella fárret deike. Muhto geahččalan orrut seammá vuogi mielde go báikalaš olbmot. Sidjiide várra lea lundolaš go ii dáhpáhuvva ii fal ii maidege dáppe Guovdageainnus. Muhto mun han ain in gal sáhtte dadjat ahte munnje dát lea lundolaš. Háliidan muhtin lahkái "action". Vájlahan dán sosiálalašvuođa.  Hárjehallat mun álgen ii fal dan dihte go liikon dasa, muhto baicce dan dihte vai livččii muhtin hommá. Jus in livččen hárjehallame muhtin beivviid, de gal in dieđe maid galgašin bargat daid beivviid. Čáđa gollahit áiggi Facebookas? Ná dat gal lea máŋimus ášši. In áigo dádjat ahte facebook unohas diŋga..Dát lea buore diŋga muhtin lahkái. Muhto baicce váljen eallinságastallama go ságastallan facebooka bokte.  


Čávččat go dáppe ledje jakutskastudeanttat, de gal lea leamaš muhtin lahkái "action". Sii lávejedje fitnat guosis meastá juohke beaivi. Váikko muhtumin in gal ipmirdin sin oppanasiige, jurddašanvuogi jna. Muhto goit lei somá. 
Dál mun vájlahan váikko diekkár vásáhusa. 

Na in mun gille eambbo čállit váivvesdiŋgaid. Soaitát dus lea buorre dilli! :)

 

Sunday, May 8, 2011

9 beaivi miessemánu

Dat lea várra dát beaivi mii sáhttá ja ferte gohčodit feastan dahje bássin. 9 b. miessemánu 1945 jagis nogái vearrámus ja stuorrámus soahti Duiska vuosttá. Soviet Lihtu  vuitii. Olbmot viimat besse ráfis eallit, dahje sii álge hukset ođđa eallima.

Miehtá Ruošša, juohke gávpogis, gillažis jna. olbmot ávvudit dán beaivi, muhto seammás dát lea morašbeaivi go ná ollu olbmot leat jápmán dán soađi geažil. Giitan min otná ádjaid ja áhkuid geat dalle go ledje nuorran leat birgen duiskalaččaid vuosttá.  Duođái giitan, go in dieđe mii livččii dáhpahuvvan jus dalle jagis 1945 livččii vuoitán Duiska? ...

Mun in gal riekta dieđe maid lea bargan dalle mu áddja. Muhto goit dieđe ahte oalle máŋga sápmelaččat leat leamaš dán soađis. Ja várra ge mu áddja maid. Go oidnen su oalle ollu iešguđetlágan medaljaid sullii seammálágan go oidno dán govas.

 Nubbi ášši. Lohken odne ovtta dutkančállosa ruoššagiela birra. Oalle artegis dutkančálus. Dutki ávkkastálla manne lea ná stuorra erohus ruoššagiela ja ukrainskagiela gaskas ja eará. Ja son čállá ahte ukrainskagiella lea báicce dát álbma ruoššagiella. Danne go Kiev dát lea leamaš dološ áigge oaivvegávpogin ja Moskva dalle leamaš smavvá gillažin. Jna. Lohká ahte báicce Ukrainas ja Vilgesruoššas leat álbma ruoššat go otná Ruoššas. Na mun galggan veahá smiehtat dán čállosa birra.

In áigo dán birra eambbo čállit. Lea dovdu ahte dát dutkančállus lea dego ruskačállus....