Mun in goassige govvejin guovssahasaid. Dieđus mun lean máŋgii oaidnán dáid sihke ruovttuguovlluin ja dáppe Guovdageainnus. Muhto in goassige govvejin. Váikko dál lean veahá oahppan mo galgá govvet, de liikka mus eai leat guovssahasaid govaid.
In mun gal dan dihte stresseluvvon, dahje váivvašuvvon. Muhto lea juogá iežan oaivvi čihkosis maid dego savkala:
"Ná, goas vuolggát govvet daid guovssahasiad? Orut olles eallima davviguovlluin ja ii leat makkárge gova..."
De fas lea eará dego jietna maid savkala áibbas nuppeladje:
"Na manne bat don galggat govvet daid guovssahasaid? Don gal leat máŋgii oaidnán dáid iežan eallimis. Maiddái neahttas leat váikko man ollu guovssahasa govaid..."
Hm, hm.... Manne bat mun álgen guovssahasaid čállit? Iigo gávdno eará man birra livččii vejolaš muitalit? Juo-juo.
Jurdagat gal jorret oaivvis nu go álo, ja nu go buohkkain...
Na juste fal! odne gal mus leat guokte buorre ođđasa. Vuosttaš - mun ožžon stipeandda, nubbi - bođii Rica Hotealla miellahttukoarta. Juste dál in gal áibbas sihkkar man dávjá boađán atnit dan koarta go in gal láve nu dávjá bissánit Rica hoteallain ja muđuige hoteallain...
Diibmu lea juo badjel gávcci iđđida. Fárgga diibmu ovccis galggán skuvlii, čoahkkimii...
Ja-ja...Buorre iđđit dutnje gii gillejit lohkat dán jierbmakeahtes čállosa :)
Jierpmákeahttái gal ii lean, mu mielas. Lei baicce somá ja buorre. Go čálát guovssahasaid birra, de ferten dovddastit ahte mus maid lea váttisvuohta daid hárrái. Sáhtán gal geahččalit govvet daid - go mun dieđán ahte mun in máhte govvet. Muhto mun in sáhte čállit divttaid daid birra. Lean muhtun háve geahččalan, ja dat ii mannan nu bures. Heiten. Ja dál go don čálát ahte it leat govven guovssahasaid, de jurddašan ahte dat lea veaháš seamma ášši, várra. Guovssahasat leat erenoamážat, ja danin šaddet govvadusat dieđusge váilevaččat. Jus dat lea nu?
ReplyDelete