Showing posts with label govat. Show all posts
Showing posts with label govat. Show all posts

Sunday, October 28, 2012

Bloggema ja giela birra

Mun jáhkkán dat sosiála mediat sihke Facebook, Twitter ja earát billistit mu movtta danne go in veaja šat blogget álbmaládje nu mo ovdal. Bloggen ii geassut šat mu nu mo ovdal.  Vissa dan dihte go meanddo ollu ja meanddo dávjá lean dáin iešguđetge sosiála mediain online. Muhtumin lean dieppe oktanaga. Dá válddo ollu áiggi, fámut... lohkat dáin mediain váikko man birra. Leat sihke somás ja váives áššit.  Dávjá juoidá gesnu čállistan, iežan oaivvila čállistan, jearaldaga sáhtán jearrat, jna. 

Dávjá čálán sámegillii, in dieđe manne, muhto mu mielas lea dehálaš doallahit giela, ja giela galgá leat oidnosis ii dušše dábálaš sámemediain, muhto maiddái sosiála mediain. Mun ipmirdan dahje ádden bures daid sámiid geat eai máhte sámastit iešguđet sivaid dihte. Ja sidjiide vissa váivi lohkat dan maid mun čálán sámegillii. Dahje soaitit sii eai obage beroš das makkár gillii mun čálán ja man birra.   Muhto diehtalas mun in leat nu jállat čállit dušše sámegillii sosiála mediain.   Mus lea baggu čállit máŋga gillii dan sivas ahte mus leat "olbmát" miehta máilmmi. Sin dihte mus lea baggu dehálaš, dahje áibbas dábálaš jurdagiid čállit maiddái ruoššagillii ja eŋgelasgillii. Dáhje  dárogillii, váikko in leat vuos máhttán nu bures hupmat\hállat ja čállit. Dát lea maid giellahárjehallan čállit dárogillii sosiála mediain. Ja mun ge in beroš vuos goit lean go čállime riekta vai in dárogillii. Dássažii goit ii oktage divvustan mu dárogiela.  Soaitit mun bloggegoađán dárogillii maid muhtin beaivi. 

Juo, go muitán galggan namuhit. Odne ledje sátnejođđiheaddji válggat Lujávrri suohkanis dahje gielddas. Dán háve lei nubbi vuorru. Vuosttáš vuorru birra lea vejolaš guldalit Haloo Sápmi nammasaš prográmmas. Nubbi tuvrras leigga guokte evttohasa. Okta dáin lei ovddeš nubbisátnejođiheaddji ja nubbin evttohasan  fas lei gávpeolmmái. Dássažii eai leat vuos čielgan visot, muhto gáskaboddosaččat vuoitobealde lea gávppeolmmái guhte ovddasta opposišuvnna bellodat "Spravedlivaja Rossija". Dán dáfus lea oba buorre, muhto nubbi dáfus lea váttis árvvoštallat makkár boahtte áigi lea Lujávrri suohkanis. Mun livččen jienostit nuppi evttohasa.. Muhto ja-ja...boahtte háve jienástan go lean Lujávrris. 

Buorre idja, iđit, beaivi! 



  www.facebook.com\gavrilovmedia      

    

Sunday, March 11, 2012

De lei veahá "action"

Odne olles beaivi lean leamaš govvenbarggus. Muhto ii fal dušše mun govvejin, muhtun govaide mun ieš bessen.











Tuesday, March 6, 2012

Boradanboddu

Ikte eahkedis fas ledjen ráhkkadeame borramuša ommana siste. Maŋimuš áige liikon olu ráhkkadit biepmu ommana siste. 


Dađibahábut ii mus lean bohccobierggu... danin fertejin atnit dat bierggu maid osten Remas.  


Jus háliidat ráhkkadit diekkár borramuša, de don dárbbašat:
1. Sullii 1 kg bierggu 
2. 2 shampinjona
3. 1 lávki 
4. salti ja bihppor
5. Omman ja elravdnji 


Dás oainnát muhtin "steps". 


Dá leat bihppor ja "Kjøtt&Grill krydder" 


 Dás oainnát juo čuhppojuvvon bierggu unná bihtáidde. Go leat čuohppan, de bija dáid biergobihtáid lihttái maid dábbalaččat anát ommana siste. Dieđusge dan muttus go bijat dáid lihttái, de galggat muitit sálttet, bihpporasit  ja grydderastit.  


 





Go leat jo sáltten, bihpporastin ja grydderastin, de galggat čuohppastit ovtta lávkki ja guokte shampinjonga. Mun gal liikon shampinjongaide olu, danin dávjá biepmu rájkkadeamis anán dáid. 


Go leat bidjan buot lihtái, de oaččut gokčat lihti foliin. Bijat ommanii dan. Ja sullii 1,5 dii. doalla dan ommanis. Galgá leat sullii 170 liegga gráda ommanis. 
De 1,5 dii. maŋŋá borramuš lea giksan. Muhto muite fal garnira ráhkkadišgoahtit sullii 20 min. ovdal go biergu galgá giksat. 
Dán háve gárnira mus lei rissi.  


Leage buorre! :)
Bon Appetit! :)

Thursday, February 2, 2012

Okta-guokte-golbma...

Mun in goassige govvejin guovssahasaid.  Dieđus mun lean máŋgii oaidnán dáid sihke ruovttuguovlluin ja dáppe Guovdageainnus. Muhto in goassige govvejin. Váikko dál lean veahá oahppan mo galgá govvet, de liikka  mus eai leat guovssahasaid govaid. 

In mun gal dan dihte stresseluvvon, dahje váivvašuvvon. Muhto lea juogá iežan oaivvi čihkosis maid dego savkala: 

"Ná, goas  vuolggát govvet daid guovssahasiad? Orut olles eallima davviguovlluin ja ii leat makkárge gova..."   

De fas lea eará dego jietna maid savkala áibbas nuppeladje: 

"Na manne bat don galggat govvet daid guovssahasaid? Don gal leat máŋgii oaidnán dáid iežan eallimis. Maiddái neahttas leat váikko man ollu guovssahasa govaid..."    

Hm, hm.... Manne bat mun álgen guovssahasaid čállit? Iigo gávdno eará man birra livččii vejolaš muitalit?  Juo-juo. 


Jurdagat gal jorret oaivvis nu go álo, ja nu go buohkkain...   

Na juste fal! odne gal mus leat guokte buorre ođđasa. Vuosttaš - mun ožžon stipeandda, nubbi - bođii Rica Hotealla miellahttukoarta. Juste dál in gal áibbas sihkkar man dávjá boađán atnit dan koarta go in gal láve nu dávjá bissánit Rica hoteallain ja muđuige hoteallain... 

Diibmu lea juo badjel gávcci iđđida. Fárgga diibmu ovccis galggán skuvlii, čoahkkimii... 

Ja-ja...Buorre iđđit dutnje gii gillejit lohkat dán jierbmakeahtes čállosa :) 






Tuesday, September 20, 2011

Dološ govvamuittut






























Dát govva vissa lei govven jagis 2003s. Dalle go mun jo vázzen Murmánska Universitehtta.
Várra mii leimmet ávvudeame Halloween. :D

Friday, August 26, 2011

Diet gal lea somá!

Odne beaivi mielde ožžon facebooka bokte dieđu ovtta ruošša journalistas: " Hei! Min aviisas lea miella álmmuhit 4 du gova..." Dán gal mun oalle guhká lean vuorddan. Dás ii lea sáhka ruđa birra, muhto baicce dan birra ahte vejolaš mu govaid álmmuhit Ruoššas, Moskvas.Ii goassige ovdal Ruoššas álmmuhuvvojit mu govaid.

Mus lea vahku vai váljet buorre 4 gova ja sáddet Moskvái.  

Muhto odne eahkkedis sullii 20.00 lea plána vuolgit hárjehallat. :) 

Thursday, May 5, 2011

Váttisvuođat dulkoma :)

Movt dán berrešii dulkot dahje ipmirdit? Dát govva lea váldon Thailandas. Okta oahppes nieida lea fitnan doppe.


Thursday, January 27, 2011

Tuesday, January 25, 2011

Govva iskadeapmi

Odne eahkedis ledjen olggun govvema dihte. Fertejin iskat mo lea govvet olggun eahkedis. Go lea nu seavdnjat olggun, de gal statiiva haga ii son livččii obanassiige vejolašvuođa govvet.  Muhtin láhkái lean duhtavaš dainna mo dát govvenproseassa manái. Sullii guokte diimmu ledjen olggun. Loahpas lei dovddu ahte lea ge veahá buolaš olggun odne. Ja sihke mun ja govvenapparahta leimme veahá gálbmon loahppa loahpas. Ihttin lea plána fas olggun govvema dihte, fas eahkedis maŋŋil skuvla, muhto ovdal hárjehallama.

Dakkárat dát leat šaddán govat.
 




 




   


















Dieđus dáid govaid stuoradat mun heivehin neahttii. Muhto originála gova "deaddu" lea sullii 60 Mb. Lea áigumuš čállit olgos muhtin daid govaid A3 formatas.    Áidna jearaldat mus lea: guđemuš govva lea buoret: ivdnejuvvon dahje ivdnekeahtes govva?  

Saturday, January 22, 2011

From Murmasnk

Has dá lei somás mátki Ruššii. Dán gova lean ožžon ikte eahkedis. :) Olgešbealde mu buorre olmmái guhte lea jo náitalan. Muhto šattái goit somás govva. Dalle mii leimmet bowlingas. Leimmet ávvudeame ođđa jahki.  :)

Tuesday, January 18, 2011

Diet čálmmit!

Dáidda čálmmiide liikon olu! Ráhkkis čálimmit!

Monday, December 20, 2010

reportášagovat

Dán siidu mielde  dát govat leat buoremusat reportášagovat dán jagis. Muhtin govaide ieš liikon hui bures. Dát govat buktet dovdduid váikko eai lean govven dáppe Sámis. Dáin govain lea ge oktasaš fádda, mas lea namma lihkuhisvuohta.