On the road

Lean jođus Ruššii. Odne lean Kárašjogas. Ihttin plána mielde galggan leat Murmanskas. Sotnábeaivvi vuolggan viidáset Moskvai. Guhkes áigái in leat fitnan doppe. Dál lea miella gálledit ustibiid ja dieđus, oahpásnuvvat ođđa olbmuiguin. Muhto ii fal dušše suohtása dihte vuolggán Moskvai. Seamás go návddašan eallimin ja vuoiŋŋástan doppe, lea plána fitnat Mari Boine konseartas. Mii galgá leat 31 b. dan mánu. Áiggun oaidnit movt moskvalaččat váldet vuostá Mari Boine. Ja muđui ge Riđđu-Riddu áigu ráhpat iežas kantuvra Moskvas. Doaivvun beasan govvet dalle.

Ja maiddái mun in leat vájaldahtan skuvlabarggu. Lean čállime. Gávccat siidu jo lean čállime. Galgá vel sullii seammá ollu.

Na juo. God natt! :)    

Vuoi, dat muhtin nieiddat in gal sáhtte ipmirdit daid. Muhtin beaivvi dán ovdal čállen ahte lea plána vuolgit olggoriikkii   Muhto fáhkka plána lea rievddan. Ii fal mu dihte, nieidda dihte. Ii son hálliit šat vuolgit gosage. Ii ge čilgen manne.... Na dat lea maid su riekti dahkat maid son ieš háliida.

Ná mun goit lean vuolgime farga  Ruššii. Dat gal lea sihkkarit. Ovdal go vuolgit galggan dahje dál jo ferten čáligoahtit dan dutkanbarggu. Lihkkus, muhtin muddui gávdnen neahtas girjjiid ruoššagillii. :D Ii leat eará go čáligoahtit! :D

Eurovision 2011

Vuoi dát Eurovision! Várra 10 SMSa sáddejin iešguđetlágan artistaid ovddas. Eanáš oasi sáddejin nieiddaid ovddas. Mus gal lea leamaš dakkár njuolggadus: jienastit čáppa nieidda ovddas. Ná mun goit geahčalin dahkat. Váikko sáddejin dievva SMS, de gal eai dát váikkuhan nu olu obbalaš jienasteapmái. 

Ja muđui geat dát leat jienastan, go leat šaddan dakkár bohtosat? Árvideamis dát ledje mánát ja nuorat. 

Mu mielas galgášii báicce Slovenia vuoitit! Dahje Ukraine, dahje Moldova. Juo, Modovas eal lean nieiddaid dán juovkus, muhto buorre lávla ja buorre šovva! 

Muhto goit sávan lihkku Azerbajzanii. :) 

 

Váivvástuvvan

Leat máŋga áššit maid háliidivččen čállit dán bloggái, muhto...Várra lean váibban. Dárbbašan ođđa vásáhusaid vai moktá livččii buoridan. Geahččalan máŋga jagit heivehit iežan Guovdageaidnui. Ii fal dán lahkái ahte mus lea miella fárret deike. Muhto geahččalan orrut seammá vuogi mielde go báikalaš olbmot. Sidjiide várra lea lundolaš go ii dáhpáhuvva ii fal ii maidege dáppe Guovdageainnus. Muhto mun han ain in gal sáhtte dadjat ahte munnje dát lea lundolaš. Háliidan muhtin lahkái "action". Vájlahan dán sosiálalašvuođa.  Hárjehallat mun álgen ii fal dan dihte go liikon dasa, muhto baicce dan dihte vai livččii muhtin hommá. Jus in livččen hárjehallame muhtin beivviid, de gal in dieđe maid galgašin bargat daid beivviid. Čáđa gollahit áiggi Facebookas? Ná dat gal lea máŋimus ášši. In áigo dádjat ahte facebook unohas diŋga..Dát lea buore diŋga muhtin lahkái. Muhto baicce váljen eallinságastallama go ságastallan facebooka bokte.  

Čávččat go dáppe ledje jakutskastudeanttat, de gal lea leamaš muhtin lahkái "action". Sii lávejedje fitnat guosis meastá juohke beaivi. Váikko muhtumin in gal ipmirdin sin oppanasiige, jurddašanvuogi jna. Muhto goit lei somá. 

Dál mun vájlahan váikko diekkár vásáhusa. 

Na in mun gille eambbo čállit váivvesdiŋgaid. Soaitát dus lea buorre dilli! :)

 

Skuvlabargu

Galggan 3 b. boahtte mánui čállit dutkanbargu. Lean juo veahá smihtten dán guvlui: maid sáhtášin čállit jna. Iđđes fitnen allaskuvlagirjerádjosii iskadeapmi dihte. Dieđus in gal gávdnán maidege. Juo, dát ledje girjjit dárogillii...in mun dán háve gáibidin sámegielgirjjiid dán fáttas, muhto goit eŋgelasgillii galgaše leat. Eai lean diekkáriid. Hm...
Nu go álo dakkár dilis šattan ohcat neahtas girjjid. Mun gal juo veahá dolkan...

Čálbmelasset

Dát gal leat boahtán! De gal fas oaidnán visot bures! :)

Dán liŋka vuolde sáhttá geahčat makkár dát leat čálbmelasset. :)
http://www.ray-ban.com/russia/products/optical/RB8667?var=1000

9 beaivi miessemánu

Dat lea várra dát beaivi mii sáhttá ja ferte gohčodit feastan dahje bássin. 9 b. miessemánu 1945 jagis nogái vearrámus ja stuorrámus soahti Duiska vuosttá. Soviet Lihtu  vuitii. Olbmot viimat besse ráfis eallit, dahje sii álge hukset ođđa eallima.

Miehtá Ruošša, juohke gávpogis, gillažis jna. olbmot ávvudit dán beaivi, muhto seammás dát lea morašbeaivi go ná ollu olbmot leat jápmán dán soađi geažil. Giitan min otná ádjaid ja áhkuid geat dalle go ledje nuorran leat birgen duiskalaččaid vuosttá.  Duođái giitan, go in dieđe mii livččii dáhpahuvvan jus dalle jagis 1945 livččii vuoitán Duiska? ...

Mun in gal riekta dieđe maid lea bargan dalle mu áddja. Muhto goit dieđe ahte oalle máŋga sápmelaččat leat leamaš dán soađis. Ja várra ge mu áddja maid. Go oidnen su oalle ollu iešguđetlágan medaljaid sullii seammálágan go oidno dán govas.

 Nubbi ášši. Lohken odne ovtta dutkančállosa ruoššagiela birra. Oalle artegis dutkančálus. Dutki ávkkastálla manne lea ná stuorra erohus ruoššagiela ja ukrainskagiela gaskas ja eará. Ja son čállá ahte ukrainskagiella lea báicce dát álbma ruoššagiella. Danne go Kiev dát lea leamaš dološ áigge oaivvegávpogin ja Moskva dalle leamaš smavvá gillažin. Jna. Lohká ahte báicce Ukrainas ja Vilgesruoššas leat álbma ruoššat go otná Ruoššas. Na mun galggan veahá smiehtat dán čállosa birra.

In áigo dán birra eambbo čállit. Lea dovdu ahte dát dutkančállus lea dego ruskačállus....

Sámi journalisttasearvi jáhkečoahkin

Juo, odne dat álgán čoahkin. Ja miellagiddevaš fádda lea leamaš "Sámi medialogut". Dán birra muitalii Johan Ailo Kalstad. Ihttin lea loahpalaš beaivi čoahkimis.

Váttisvuođat dulkoma :)

Movt dán berrešii dulkot dahje ipmirdit? Dát govva lea váldon Thailandas. Okta oahppes nieida lea fitnan doppe.

Hárjehallamii

Juo, mus lea leamaš guhkes boddu. In lean leamaš hárjehallamis. Dál lea áigi álgit fas. Ferten oaidnit movt dát lihkkastuvva. Juste dál vuolggán oanehis hárjehallamii. Ovtta diimmu dán háve goit.

Niehku dahje plána lea :)

Lean pláneme mátki olgoriikii. Vuos smihten Amsterdama birra, livččii dieđus somá doppe fitnat. Muhto ii fal dán háve. Muhtin eará háve sihkkárit finan. Dál mus leat jurdagat fitnat Barselonas. Ovddit vahku lea leamaš doppe okta oahppes nieida ja nu lei movttet ja illus go finái doppe. Ja musge šattái miella dohko!  Moadde beaivi juo lean  studereme hotellaid, olgobáikiid, muđui gosa sáhttá ja galgá fitnat. Dieđus ii fal okto vuolggan dohko, muhto ovtta čáppa nieiddain. :) Dá galgá šaddat dego dakkár romántalašmátki. :) Jus visot ordnešuvvo, de gal dán mánu máŋimuš vahku mielde vuolggan návddašit fiina dálkin, vuojadit lieggamearas jna. :)

Muhto dát gal lea veahá boahtteáigi. Dássažii galggan bargat skuvlabargguid. :)

Sapmi sessions

Easke gehččen dán ođđa prográmma "Sapmi sessions". Orru hui miellagiddevaš. Muhto galggan čáđa geahččat buot 6  prográma ovdal go sáhtán  árvvoštallat ja bukutit iežan jurdagiid. Dál juo sáhtán deattuhit ahte nuppi prográmmas boađus - lávla "Háliidivččen" orru leamen ahte Niko Valkeapaa stiila mielde dáhkon. Soaitán mun boastut jurdašan, go nuppi olbmo -Kristian Anttila in mun gal goassige gullan ovdal, inge dovdan su musihka. Galggan veahá googlestit su birra. Soaitá sus lea maid sullii seammá stiila go Nikos. Gii diehtá dán...   :)