Showing posts with label sámegiella. Show all posts
Showing posts with label sámegiella. Show all posts

Thursday, November 29, 2012

Presideanttaevttohasii guoskeavaš giellamáhtu várás dikta-ávžžuhus

Sámás, presideanta! Presideanta, sámás! 
Sámas, presideanta! Presideanta, sámás!
Sámás, presideanta! Sámás! 

              Sámás ruovttus, sámás dieppe, sámás doppe
Sámás juohke áidna beaivi. 
Presideanta, sámás Sámedikkis! 

Presideanta govvan lea ge, lea ge sámeservodaga speadjalus 
Presideanta ovddagovvan lea ge, lea ge dážaservodagas ofelaš

              Sámás ruovttus, sámás mánáidesiiguin.
              Dáppe, doppe, duoppil, dieppil, duoppil - 
              Juohke áidna sajis - sámas! 
              Presideanta, sámás Sámedikkis! 

Presidenta, oaččut hupmat dahje hallat, 
Vai soatit háliidivččet ságastit dahje "supsnestit"?
Ieš dieđát maid don liikot eambbo...
hupmat, hallat, ságastit...
Muhto sámás, presideanta! 
Sámegiella gal lea dehálaš ja mávsolaš!
Sámegiella gal lea ge gollegiella! 


             Sámás, presideanta! Presideanta, sámás! 
             Sámas, presideanta! Presideanta, sámás!
             Sámás, presideanta! 


Sámás.


:) 

Sunday, October 28, 2012

Bloggema ja giela birra

Mun jáhkkán dat sosiála mediat sihke Facebook, Twitter ja earát billistit mu movtta danne go in veaja šat blogget álbmaládje nu mo ovdal. Bloggen ii geassut šat mu nu mo ovdal.  Vissa dan dihte go meanddo ollu ja meanddo dávjá lean dáin iešguđetge sosiála mediain online. Muhtumin lean dieppe oktanaga. Dá válddo ollu áiggi, fámut... lohkat dáin mediain váikko man birra. Leat sihke somás ja váives áššit.  Dávjá juoidá gesnu čállistan, iežan oaivvila čállistan, jearaldaga sáhtán jearrat, jna. 

Dávjá čálán sámegillii, in dieđe manne, muhto mu mielas lea dehálaš doallahit giela, ja giela galgá leat oidnosis ii dušše dábálaš sámemediain, muhto maiddái sosiála mediain. Mun ipmirdan dahje ádden bures daid sámiid geat eai máhte sámastit iešguđet sivaid dihte. Ja sidjiide vissa váivi lohkat dan maid mun čálán sámegillii. Dahje soaitit sii eai obage beroš das makkár gillii mun čálán ja man birra.   Muhto diehtalas mun in leat nu jállat čállit dušše sámegillii sosiála mediain.   Mus lea baggu čállit máŋga gillii dan sivas ahte mus leat "olbmát" miehta máilmmi. Sin dihte mus lea baggu dehálaš, dahje áibbas dábálaš jurdagiid čállit maiddái ruoššagillii ja eŋgelasgillii. Dáhje  dárogillii, váikko in leat vuos máhttán nu bures hupmat\hállat ja čállit. Dát lea maid giellahárjehallan čállit dárogillii sosiála mediain. Ja mun ge in beroš vuos goit lean go čállime riekta vai in dárogillii. Dássažii goit ii oktage divvustan mu dárogiela.  Soaitit mun bloggegoađán dárogillii maid muhtin beaivi. 

Juo, go muitán galggan namuhit. Odne ledje sátnejođđiheaddji válggat Lujávrri suohkanis dahje gielddas. Dán háve lei nubbi vuorru. Vuosttáš vuorru birra lea vejolaš guldalit Haloo Sápmi nammasaš prográmmas. Nubbi tuvrras leigga guokte evttohasa. Okta dáin lei ovddeš nubbisátnejođiheaddji ja nubbin evttohasan  fas lei gávpeolmmái. Dássažii eai leat vuos čielgan visot, muhto gáskaboddosaččat vuoitobealde lea gávppeolmmái guhte ovddasta opposišuvnna bellodat "Spravedlivaja Rossija". Dán dáfus lea oba buorre, muhto nubbi dáfus lea váttis árvvoštallat makkár boahtte áigi lea Lujávrri suohkanis. Mun livččen jienostit nuppi evttohasa.. Muhto ja-ja...boahtte háve jienástan go lean Lujávrris. 

Buorre idja, iđit, beaivi! 



  www.facebook.com\gavrilovmedia      

    

Thursday, August 30, 2012

Putin!? Putin?? Putin...

Putin!? Putin?? Putin. Puu-tin...
Ruošša presideantta vai Ruošša gonagas son lea...
Birru Putin. 
Gullo, oidno, čállo juohke áidna beaivi, livččii jearaldat
Riekta, birru Putin dát lea, livččii dása vástádus. 

Putin, Puu-tin. 
Maid? Leat go presideanta don? 
Gii bat jienastan du ovddas?
In gal mun. 

Putin, birru, ale šat stoahkat dego dihtorspealuin lávejit stoahkat soapmasat. 
Putin, heite fal! Dá ii heive dutnje  presideantta virgis leahkit.  

Putin!? Putin?? Putin...Puu-tin...
In boađe vájálduhttit  namma du...

Putin dáppe, Putin dieppe, Putin barggus, álo barggus..
Vuoi dan Putin barga, barga juohke beaivi.
Mátkoštalla, borra, oađđá, bágadalla, ráđđedalla, álo barggus.
Álbmogiid birra smiehtasta...
Dieppe fitna, doppe fitna...álo čáđa áigiid álbmogiid birra smiehtasta. 
Ii dá máhttá Putin vuoiŋŋastit, ii son ásta vuoiŋŋastit
Putin barggus birru lea. 

Putin!? Putin?? Puu-tin...
Maid son galgat vuordit mii? 
Ođđa lágat hutkojuvvojit juohke beaivi...
Na don oažžu bargat, na it oažžu...
báicce nie don galggat bargat...
ávžžuha presidenta lágaid bokte.
Jienas Putin namma ovddas go leat fas dát válgat. 
Dalle don oainnát man buorre šadda. 
Muhto dál gal fertet vuordit..jahki, guokte, golbma... 
ovdal go mun ieš dieđán...
Návddaš eallima, sápmelaš! 
ale beroš, ale stresse! Mii gal ordnet dutnje buriid. 

Putin! Manna birru eret. 






















P.S. Buorre idja! In leat man ge ládje separatista. Baicce veahá idialista :p

Monday, January 31, 2011

Maŋimuš beaivi dán mánus ja maŋimuš čálus dán mánus.

Juo, de gal lea nohkame maŋimuš beaivi ođđajagimánus. Oalle jođanit dát mánu nogái gal. Ja lea ge dovdu ahte in ge lean álgán bargat maidege dán jagis. Muhto veahá feara maid mun lean goit bargan. :D 

Ja odne mun ge lean leamaš ovtta deháláš čoahkkimis. Muhto in gal sáhtte maidege dán čoahkkima birra muitalit. Dán háve goit. 

Eará diŋga fuobmájin otne go veaháš  surfejin "sámi neahtas" . Já dán fuomášumis bođii olggos jearaldat: Manne bat ii gávdno oktasaš media neahttasiiddu gos livččii vejolaš gávdnat ođđasiid  mat leat dáhpáhuvvan  miehta Sámi? Ja válddogiella gal dán neahttasiiduin berrešii leat SÁMEGIELLA. Dahje dieđus sáhttá leat ja máŋgagielaidsiidu: sámegiella+dárogiella dahje ruoŧŧagiella + suomagiella + eaŋgalasgiella.  Muhto dát gal leat juste dál dušše niegut. Várra dasa ge leat duođálaš sivat ja ákkat  otna "sámi mediamailmmis". Várra jus livčče návccat ja vejolaš, de gal várra juo dál livččii oktasaš media neahtta siidu. Eará ášši lea fás gilvu dahje konkuranse sámi mediaid gaskas. 

Dála áigi gal mu mielas goit buorin neahtasiidun sámegiela ektui leat YLE Sápmi  ja Ávvir-neahtasiidu. 
Suddu, muhto NRK Sápmi ii nágot áin ordnet iežas neahtta-siiddu seamma  malle dahje vuogi mielde nu go YLE Sápmi lea bargame sámegiela ektui.  Ale fal váldde dán nu lahka iežas váibmui, NRK Sápmi journalista! :)

Thursday, December 16, 2010

dadjamuš

Sámi journalistagiella
Studeanta galgá:
Hárjánit árvvoštallat vejolašvuođaid geavahit sámegiela minoritehta ja álgoálbmotgiela fáddán journalisttalaš barggus.

Mo du mielas dát orru? Ja mii galgá dás ipmirdit?

Muhto odne gal mun logan hui ollu miellagiddevaš girjjiid sámegiela birra ja sámegiela servodagas.

Ovdamearka dihte dát orrot hui miellagiddevaš jurdagat.
"Go nissonolbmot fárrejit, de nohká giella"
"Gielas galgá leat "giellamárkanis" árvu ja ávki."
"Jus giella jávká ruovttuin, de gal oažžut vuollánit"

Dáid cealkamušaid lean váldán ovtta čállosis, mii lea čállán Ole Henrik Magga juo 2000 jagis muhtin konfearansa oktavuođas.

Livččen čállit iežan komentáraid dása, muhto galggan fitnat hárjehallamii. Guhkes áigái in leat viehkan... Odne gal ferte, vai bures nohkát ovdal sámi journalistagiela eksámen álgá.

Juo. Moadde sáni jienasteapmi birra. Ikte dát nogái. Ja bohtosat čájehit, ahte máŋgasat liikot lohkat mu blokka.
Seammás leat lohkkit geat lohke ahte ferten ovdanit blokka. Maiddái ledje geat lohke ahte mu blogga dohke. Ja ledje geat lohke ahte lea váivvi lohkat blokka. Vuoi-vuoi. :D

Muhto dus han lea komentára bokte čilget maid mun galggan ovdanit dahje manne lea vaivvi lohkat, dahje manne lea somá lohkat. Livččen giitevaš dutnje jus buvttat iežat oainnu.

Wednesday, December 1, 2010

bargobihta

Dá lea okta oassi máhpabarggu. Galggan dasa gávdnat vástadusa, muhto eai buot sánit orro oahpasat.
"Čállán okto dahje bárrabargun 2-3 siidosaš journalisttalaš teavstta dahje esseija mas suokkardallá sámegiela(-id) sajádaga servodagas álgoálbmotgiellan ja gielalaš minoritehta giellan"

Maid dat máksa: suokkardallá sámegiela sajádaga servodagas álgoálbmotgiellan ja gielalaš minoritehta giella.
Livčči buorre čielgadit dan. Go juste dál mus eai oba ge leat evttohusaid\árvalusaid....

Giitu, jus gillet čilget dan.

Saturday, October 16, 2010

Ođđa diŋga

Ikte eahkedis lean bidján ovtta ođđa diŋga blokkái. Dá lea "Visitors" čájehá guđemus riikain leat fitname olbmot mu blokkas. Orru hui somá! Ja vuosttaš maid fuobmájin dá ledje olbmot Brazilias ja Dávvi-Amerihkas ja eará riikain gos lea várra váttis gávdnat olbmuid geat máhttit bures sámegiela. Vái leat go dien riikain sámegielačeahpit? :)

Saturday, October 9, 2010

feara mii

Dán vahku fuobmájin dasa ahte lea albma čákča boahtán Guovdageaidnui. Gal šáttái veahá čoaskkis olgun. Várra lea áigi molssut muhtin biktasiid. Vai galggango veahá vuordit dassažii go muohta álga? Juste dál ii orru nu čoaskkis, muhto biegga lei goit dán vahku mii meastá nogái. Dan vahku mii álga juo sáhttá nie vážžit nugo odne. Muhto dan maŋŋil sihkkarit ferte gárvodit buorebut.


Muđui odne lea nubbi beaivi go lean bargame jakutskanieiddaiguin. Mun galggašin juo áigga álgit bargat sudnuin, muhto álgen ikte ja  dás ii leat mu sivva. Dál mun hui buorre dieđan Norgas bargošiehtadusa haga bargogoahtit ii obage gánnáha. Go du gieđain lea bargošiehtadus, de dieđus gánnáha bargat. Diibma munnos Denisain gal lei diekkár báhavásahus giellakursa oktavuođas, go allaskuvlas lohke: "Doai bargi! Bálkka ja visot mii soabat maŋŋil". Dan maŋŋa mearrideime ii goassige bargat nie. 

Ja ihttin miehta Ruošša leat iešguđetláganat válggat. Ja munge juo goalmmát jagi go in leat jienastan. Ii fal dan dihte go in háliit, muhto dan dihte go lean meastá álo Norgas...Vuoi-vuoi. Muđui gal háliidivččen jienastit. Mu mielas dat gal lea deháláš jienastit. 




Monday, October 4, 2010

Sátnegirji

Dál easke ruoššafacebooka bokte gávdnen neahtta sátnegirji: Sámi-English, English-sámi. Dán sáhttá viežžat dás. Sávan ahte soames oažžu ávki dán sátnegirjis.

Wednesday, September 29, 2010

in cevzen

Dat gal lea loahppa. In mun gille šat eambbo moivvet allaskuvlas. Juo lean dolkan dakkár oahpahusas. Odne in mun cevzen máhppaeksámen sámegielas. Logaiga guovttos mus lea beare heajos čállálašgiella. Várra seammá ja njálmmálašgiella ii orru dohkkehuvvot.Manne galggan givsidit iežan dakkár oahpahusan? Lean nu vuollánan juste dál.

Muhto juste dál boađan oahppoháldahusii ferten čállit váidalusa. Mu oaidnu mielde mun čálen visot riekta dán máhppaeksámenis.  Dál duođai háliidan dadjat: Sámi allaskuvla lea máilmmi jallasskuvla!!! 

Vuolgašin baicce ruoktot, Lujávrái. 

Tuesday, September 28, 2010

Giela jearaldat

Viimat lean geargan čoahkkimiin odne. Dál lea veahá áigi lohkat ihttá njálmmálaš sámegieleksamenii. Áidna diŋga sámegielgrammátihkas mii orru oalle eahpečielgas mu oaidnu mielde lea passiivahámi-vearbbat geavaheapmi. 

Mun muittan ahte juo lean čállán bloggas dán birra. Muhto goitge namuhastan fas. Mii lea earáhus diekkár passiiva geahčosiid gaskas: 
- juvvot 
- hallat
- šuvvot 
Vai leago daid gaskas seammá mearkašupmi ja geavaheapmi?  
In dieđe manne lea nu, muhto fuobmájin dasa ahte sámegielčeahpit muhtuimin leat oalle čuorbi čilget mii lea passiivahápmi ja mii lea earáhus daid geahčosiid gaskas maid namuhin easke. In mun gávdnan dakkár oahppogirji mas livčče buore sihke čilgehus ja ovdamearkat. Suddu lea. 

Muhto juste dál viegan hárjehállamii. :D