Várra lea boahtán áigi go ferte molsut skuovaid. Ja muđui ferte jo dál gárvodit buorebut vai ii galbmot. Sullii diimmu geahčen vulge Denisain Áltái su iežas biilain.

Vi snakes! :p

Govva govas

Dán gova govvejin geasset Riddu Riđđus. Mu mielas oba buorre govva šattái. Dahje sáhttášii šaddat vel buorebut jus Niilas Holmberg guhte lea duogabealde  (son lea dán govas) oaidnašii olislaččat, go oidno oaivi maid.  Muhto da lei váttis oažžut visot mielde. Ii musge lea leamaš ollu áiggi jurdilit movt govvet. Ja iige livččii riekta jus mun dajašin dan nissonii, guhte gieđain lea kamera, ahte gillešitgo doallat guhkibut kamera? Dat gal livččii jo áibbas eará govva. Muhto in sáhtte dalle namuhit dakkár gova reportášagovvan.    
Dieđusge mun átnen manualstivrejupmi govvemis nugo álo lávven dahkat.  Várra in  sáhte eará dán gova muitalit odne. Muhto jus dus leat jearaldagat, de beare jearra fal! :D
P.S. Ja jus don oainnát čállinmeattáhusaid, de seammás čujut munnje gokko leat.

Nyheter fra meg

Nu jođanit nogai dát vahku. Ihttin jo lea lávvordat. Jus ii livččii nuorvu mus, de jo ikte vuolgašin Noereh! jahkečoahkkimii. Muđui lea šaddame ollu skavllabarggu. Goas ásttat visot? Manne jandoris leat nu unnán diimmu?  Dá leat dakkár jearraldagat masa in goassige sáhtán gávdnat vástadusaid.

Iđđida lávvordahkkii ožžon bovdehusa govvet mánáidkoara, go sii galget álmmuhit CD-skearru. Galgá leat somá. Dan maŋŋa munnos Denisain lea pláná fitnat Áltás. Doppe ruoššastudeanttat lágidit Helloween feasta.
Dan oktavuođas jurdilan veahá mo galgášin gárvodit vai buohkat suorganivčče. :D na ieš mun dájun.  Ii dat lea nu dehálaš munnje, leago mus dien bási oktavuođas erenoamáš biktas vai ii. Muhto dieđusge dat gal livččii oba somá juoga hutkat.  

Maiddái gullen ahte galgá sirdit diimmut lávvordagas sotnábeaivvái. Leago duohta?
Ja ávžžuhan du gii máhttá sámegiela buorebut go mun, čujuhit gokko mus leat meattáhusat. :) Go ieš in máhtte fuobmát daid.

Vi snakes! :D

Millitery

Odne Ruošša-mediain gullo hui ollu sága millitery birra. Váldojurdda dain lea ahte militeras ferte rievdat eallindilit soaldáhttaide. Ievtta beaivi rájes juohke váhnen sáhttá čuovvut iežas bártni gitta millitarii ja oaidnit makkár diliin ferte orut olles jagi su bárdni. Maiddái lea mearriduvvo ahte máŋŋa gaskabeaivi juohke soaldáhtas lea riekti oađđit 2 diimmu. Dasa lásin juohke vahkkoluohppii soaldáhta sáhttá fitnat márkkanis suohtása dihte. Ovdal dan ii lean leamaš dakkár vejolaš. Dušše várra oktii mánnui lei. Maiddái dál lea lohpi átnit mátketelefuvnaid soaldáhttáide go leat militeras.

Muhto seammás lea ollu sága ruoššablokkain ahte stáhta áigu guhkidit mileteraáiggi. Dál mileterii dohkehuvvojit nuorat geat leat 18 ja 27 gaskas jagi boarasat. Muhto stáhta áigu bidjat ođđa ahki 18 ja 30 gaskkas, leat čállime ruoššabloggárat.

Kakaos

Dál mii leat geahčame dološ muhto ain áigeguovdilis prográmma Kakaos-TV. Dat gal lea máilmmi somás prográmma. Muhto manne dan prográmma ii oidno šat TVas? Livččen čuovvut juohke prográmmii. Suddu veahá lea go ii gávdno dálá aigi dakkár prográmma TVas, sámeprográmma.

Mollet på TV

Somá lei oažžut dieđu ahte Mollet band lea čuojáhan Ruoŧŧa TVas odne. Don sáhtát geahčat ja gávdnat  sihke sin lávlagiid ja jearahállama dás. Lea hirbmat buorre go Norgga ja Ruoŧŧa TVain oidno nu dávjá sámeartistaid.

Oslo tuvra

Leimmet luohkain Oslos golbma beaivvi. Dieppe finaimet Norga stuoremus TV-kánalaide, NRK1 ja TV2. Váikko eanaš dieđut maid gulen ledje dárogillii, de viehka ollu ožžon mielde, ollu ohpen dan tuvras. Dá lei somá fitnat válaštallan TV-prográmii "Golden goal" (Juoga lágan dakkár namma dán prográmain lei. Ja vuosttaš mii lei oba imáš munnje goitge, progámma-studios fálle vuollaga áibbas nuvttá.

Dán prográmmas guossin lei dovddus biatlonista  Liv Grete Skjelbreid Poirée.

Maiddái leimmet fitname ja geahčame mo TV2 ráhkada "God morgen Norge" prográmma.  Dieppe oktan guossin lei Smokie joavkku. Ieš in obage dieđe makkár joavku dát lea.

Prográmmajođiheaddjit guovttos.

Olles lávvordat leimmet NRK1:is. Dahje gehčaimet mo NRK1 lágida spábbačiekčankamppa. Dán háve lei kámpa Våleranga-Lillestrom. Guoktenuppelot kámeraiguin sii dáhket dan barggu. Rievtti mielde duon lávvordaga mus ge lei vuosttaš gearddi go fitnen álbma spábbačikčanšiljus.

Ovtta ášši mii galggan muitalit dá lea man divras lea lágidit TV-sáddega (spábbačiakčankámppa). Oslos dakkár lágideapmi máksa sullii 400 duhaha ruvnno, muhto Romssas fás 900 duhaha ruvnno!!! Muhto NRK1 dine go vuovdda dakkár sáddegiid TV2:oi dahje eará kánálaide.

Mii oččoimet preassalihpuid daiguin lei vejolaš fitnat váikko gosa. Ja musge lei miella govvet Lillestrom joavku fánaid. Dá lei veahá hástalus beasat dohko gos ledje diet fánat. Mun galgásin manat kontrolla čáđa gos ledje dievva politijja. Lihkkus mus lei dat preassalihpu mainna bessen sisa.

Dat gal lei oba somás mátki Osloi.
Dálkki birra.  In mun sáhtte dadjat ahte lei issoras čoaskkis go leimmet Oslos, muhto iige lei liegga dálki. Muhto goit Oslos lei ain čákča.

Muhto mus lea ain nuorvu dál. In dieđe riekta makkár dálkas galgášin oastit vai buorranivččen. Osten Repsils   ikte, muhto ii orru veahkkiheame nu bures.

Lea dovdu ahte lean buohcci dál. Dan dihte in sáhtte muitalit min Oslo mátkki birra.

Gdgus

Man buorre boahtit fas davas, Guovdageidnui. Dál ferten vuoiŋŋástit go orun hui váibbas. Tuvrra birra dieđus čálán blokkái , muhto maŋŋel.

Osloi

Ihttin vuolggán Osloi. Dieppe mii galgat oahppat mo NRK1 dahje TV2 lágida  spábbačiekčansáddegiid. Šadda somá oaidnit movt barget profat :D  Dieđus muđui šadda miellagiitevaš tuvra Osloi. Lea plána deaivvadit muhtin sápmelašustibiiguin. Muhto šaddágo feasta dieppe? Dan in dieđe vel... ieš mun dájun :D

Jeep, ikte mus lei maŋimuš bargobeaivi. Vahku lea fridja, muhto lea skuvla dieđus. Vahkku máŋŋit lea fas bargu.
Sámi radio neahtta-siiduin oainnán odne ollu sáhka skatt (vearro?) birra. Jus máhtášin buorebut dárogiela, de várra ipmirdivččen man oktavuođas lea ollu sáhka skatta birra. Soaitát don dieđat?

Gova birra 

Na dán gova lean válddán dan jagi Riddu-Ruđđus. Govas leat vepsanissonat ja muhtin olmmoš gii geahča daidda guovtto-nissoniidda. Dá govva lea báicce reportášgovva, go galgá čájehit dilalašvuohta, mii dáhpahuvva. Mun iešge liikon báicce reportášagovaide. Dakkár govat buktet eanet beroštupmi  áššái, go dábálaš "portreahtagovva". Suddu lea go oainnán ollu portreahtagovat sámi mediain. Ii son portreahtagovva buktá nu ollu beroštupmi áššái.

Sacred Fire

Odne iđđes ožžon e-boasta bokte reive ovtta bláđis, Sacred Fire magazine Dávvi-Amerihkas. Dá áigu átnit mu gova iežas bláđis go sis galgá boahtit ášši Ande Somby birra. Dat gullo áibbas somá, vaikko in oažžu mávssu dan ovddas. Muhto das mun oažžun baicce iežan reklame, go ávžžuhin sin čállit sihke mu namma ja mu flickr-siidu. Lea buorre dovdu go olbmot beroštit mu govaide.  

Ikte leaba boahttán vel guokte studeantta Jakutijas. Soai galgaba vázzit duodjeoahppui Sámi allaskuvlas.
Lihkkus, sudnuin  mun in dárbbaš bargat. Muđui dat livččii oba lossat birget, go mus lea sihke skuvla ja bargu giellaveahkkin jakutskanieiddaide. Dát lea doarvái munnje.

Muhto maid mun smiehtán. Sámi allaskuvlas olles oahpahus lea sámegillii. Ja dat studeanttat eai obage máhtte sámegiela. Sámi allaskuvla dan oktavuođas bivdá veahkkin mu ja mu olbmá. Muhto jus moai eat leat leamaš dáppe, movt allaskuvla sáhttášii čoavdit dan ášši? Dieđus allaskuvla sáhtášii bivdit muhtin ammatdulká dan oktavuođas. Muhto leago dá čoavdus?

Mu mielas Sámi allaskuvla berre háldašit muhtin faga eŋgelasgillii maid. Jus áigu rekruteret eambbo olgoriikastudeantaid. Dainna lágiin Sami allaskuvla sáhtášii seastit ollu ruđa, seammás sáhtášii "ráhpat uvssat" máilmmái. Danin go dál sámeservodat lea oale konsearvatiivalaš. Sápmelaččat eai liiko go sin vuostá ráhkadit áššit, dáččamediat ovdamearka dihtii. Mun gal jáhkkán Sámi allaskuvla sáhtášii hukset sápmelašgova earáide, olgoriikalaččaide, dáččaide. Muhto ferte hukset muhtin kurssat eŋgelasgillii jna.

Gova birra

Dán govvii liikon ollu. Lean válddán dán Beasašfeastivála oktavuođas, Guovdageaidnus. Dan jagi. Govas lea Áiloš dahje Ingor Ante Áilu Gaup. In mun sáhtášin váldit dakkár gova, jus átnášin AUTO setings (Mii livččii dan sáni sámegillii? ). Jus átnášin dalle AUTO, de sihke duogaš ja ieš Áiloš livččiiga áibbas čielgas ja bures oidno, muhto Áiloš orrušii dalle dego mun ávžuhin su: "čuožžu nie", dá livččii gielis. Danin lean átnan MANUAL setings. Ja govva šattái dego eallingovva. Áiloš lea njuikeme, govas lea "action". Dán govva galgá baicce muitalit man ollu enerjjia bullii dan eahkeda mielde Áilošis. Man ollu fámut son lea "mássen". Ja man lossa barggu sáhtá leat sus. Ja  ieš ivnnit šáddejedje nugo ledje dalle Bákteharjis.  Doaivvun don ipmirdat maid mun meinnen.

Ođđa diŋga

Ikte eahkedis lean bidján ovtta ođđa diŋga blokkái. Dá lea "Visitors" čájehá guđemus riikain leat fitname olbmot mu blokkas. Orru hui somá! Ja vuosttaš maid fuobmájin dá ledje olbmot Brazilias ja Dávvi-Amerihkas ja eará riikain gos lea várra váttis gávdnat olbmuid geat máhttit bures sámegiela. Vái leat go dien riikain sámegielačeahpit? :)

Fitnen Áltás

Ikte fáhkkestaga diibmu 11.00 sáddii dieđut olmmái giehtatelefuvdna bokte: "Vuolgge mielde Áltái! Vuoján dál ovttamánu". Váikko munge áiddo lihkken bajas dalle, inge ásttan boradit, muhto njuikejin biillii. Áigga jo mus lei miella fitnat Áltás vai oastit eará jáhkka. Dahken dan, muhto osten guokte jáhkka, ii fal ovtta. Gal dat leat buorre jáhkat mat sáhttá sihke čákčat ja giđat átnit. Ollejin Guovdageaidnui jo eahkes diimmu 19.00. Muhto 19.30 leadjen jo barggus oahppame jakutskanieiddaid. Váikko munge lea veahkkiheame sudnoide, de mun oainnán lea váttis sudnos sámegielain. Lea váttis ipmirdit giela struktuvra, oahpat vearbat, substantiivvat jna. Boahtte vahkkus sudnos lea jo eksámen. Doaivvun soai birgeba dainna.

Muhto dál ferten juoidá bargat vai lihkkat álbmaládje. :D Galggango hutkat plána otná beaivái? Vai galgágo leat áibbas spántanna beaivi? Na, ferte oaidnit.

Dán gova lean válddan manan giđa. Moai olbmuin leimme guollebivdus dalle. Dá lea olbmá beana. Suddu lea, muhto in muite das namma. Liikon dan beatnagii. Dá orru hui siivus ja ráfálaš beana. Lea čáppat. Iigo lea čáppat? :D Boahtá miella guoskadit su, veaháš jeđđet... In dieđe mii vel sáhtášin dál lohkat dán gova birra.

saami.su

Buorre ođđasat leat mus. Guoladágasámiid neahtta-siidu fas doaibma, muhto jo áibbas eará hámis!
Muhto in dieđe vuos leago eŋgelasgielveršuvnna nugo lei ovdal. Jáhkkan aiggi mielde ordnešuvvo visot dan siidus. Bures boahtin! :D

Dárogiella

Nu don leat várra fuobmájit ahte lean geahččaleame oahpat dárogiela. Muhto musge leat ain muhtin váttisvuođat dainna.  Leago dárogiealas vearbbaidsojáheamis muhtin sistema nugo sámegielas leat barastavvalvearbbat, barahisstavvalvearbbat ja kontrakšuvdnavearbbat mat sojáhit sierra vuogi mielde. Naba dárogielas?
Mii bat livččii buorre oahponeavu dasa?

Giitu veahkkis!

Question

Dál veahá smiehtan man birra rievtti mielde galgá leat blogga? Juo, váldosivva manne mun bloggen, dieđan bures.  Giella dihte bloggen dahje vai buoridit giella.  Muhto dál go lean jo nubbi jagi bloggime, de lunddolaš   jearraldat lea man birra galggan blogget? Go mun lohken dan maŋimuš áiggit oalle ollu blokkat. Muhtimat lávejit beare bidjat iežas govaid blokkai, nuppit fas lávejit bidjat hui ollu iešguđetláganat filmmat. Ruoššablokkat leat dego "reakšuvdna" stáda politihkkii. Ruošša bloggerat leat berošteaddjjit searvodagas. Blogga Ruoššas muhtumin lea áidna báikki gos olmmoš sáhttá muitalit vissot politihkka birra, mo Ruošša lea rievdan jna.  Mun ieš ge oalle dávjá čálán ruoššabloggas iežan oaidnut politihkka birra.  Muhto mii galggan čállit dás?  Vaikko man birra? 

Dán čállusa ávžžuhan du kommenteret vai gávdnat rievttes geaidnu. :D

ovtta nieidda birra

Dahje ovtta duođalaš dilálašvuođa birra mii lei ovtta mu olbmáin.

Muhtin bárdni lea ráhkásnuvvan ovtta čáppa niidii. Nieida ii diehtán dan. Muhto olles mánnu geahččalii diet bárdni juoidá bargat vai dá nieida fuobmái su. Oktii, guktii bárdni lea jearran sus "Leago irgi dus?" 

Nieida álo vástidii "ii leat"

De jurddašii bardni: "De gal lea buorre dilli juoga geahččalit ovttastállat dainna nieiddain". Ja barggai nie vai nieida fuobmášii dan, su miella. 

Fáhkkestaga nogai mánnu. Bárdni lea dolkan go nieida iige áiggu fuobmát su. 

De dan maŋŋá bárdni čállá reive gos čilge vissot ja jearra nieiddas "leago son vejolaš leahkit mielde? jna.." 

Dasa bođii vástadus: "ii leat vejolaš, go mus ge lea ráhkis bárdni, geasa ráhkásnuvvan hui ollu" ...

Dál ge mus lea jearraldat. Movt dahje mainna lágiin nieida jurddaša go álgus lohka sus ii leat irgi, muhto seammaš maŋŋil lohka sus lea ráhkis?  Iigo lea buot álkemus ja buoremus álgorájes dadjat čielgas: De leat dahje ii leat. 

Várra in goassige sáhttán ipmirdit movt son nieida jurddaša. 

Buorre iđđit Sápmi!

Olles ija in lean oađđán. Čállen ovtta skuvlabarggu "Guorahallan dulkoma ja jorgaleami čuolmmaid journalisttalaš barggus". Muhto dál jo gergen dainna. Jugan gáfe, juhken olu gáfe dán ija. In goassige juhken nu ollu gáfe ovdal go dán ija. Dieđan ahte dá lea hui várálaš dearvašvuhtii, muhto go lea bággu oalle gárrasii bargat earenamažii ihkku, def ferte juoidá juhkát vai stimuleret oaivi. :D

Dál ferten veahá boradit ja dan maŋŋá skuvlii. 

Govva

Soammes (Hermann Hannsen) váldii govva mus. In mun gal dihten dan. Easke olmmái lea teggen mu facebookas ja de oidnen dán gova. Birrasis leat dušše paparazzit! :D vuoi-vuoi! Muhto mun ieš ge lean dál dego papparazzi:  olmmoš gii meastá álo vázzá govvenaparahtain.

Vuosttaš muohta

Oalle máŋŋit lihken bajas odne. Vuosttaš maid oidnen olgun lei muohta. Mun gal liikon dasa. Dalvi boahtá fargga. Buot buoremus áigi mu mielas goit. Áigo go eai gávdno čuoikaid, iige lea nu báhkka go geasset láve leat. Álggan illudit dálveáigi boahtimis. Dieđus dát vuosttaš muohta sáhttá odne juo suddut (leago riekta dán sáni čálan?). Muhto dá lea buorre mearkka - muohta! :D

Maiddái odne lea boahtán Š-bláđđi gos oidnen iežan guokte govva. Dá leat ođđa ofelaččaid govat. Dát gal lea maid somá. Dá lea juoga mii duođašta ahte mu govvenbarggus dahje govvenástoáiggehomemis lea ávki. Dieđus dat govat eai gal šaddán dego dáiddalašgovat, muhto baicce portreahtagovat. Dain mun gal maid illudan. 

Muhto juste dál mun ferten čállit ovtta skuvlabarggu "Guorahallan dulkoma ja jorgaleami čuolmmaid journalisttalaš barggus". Jus mun riekta ipmirdin dán barggu, de galggan čállit báicce iežan oaidnu dasa. 

Jus dus, gii lohká dán, leat tipsat, gal berre dadjat du evtohusat. :D 

Giitu, ja buorre bargovahku! 

Odne lea áibbas buorre beaivi! Mu oambealli riegadii nieiddaža! Sávan buot buoremusa sidjiide! Lihkku nieiddaččain!  

Geahča dán filmma :D

feara mii

Dán vahku fuobmájin dasa ahte lea albma čákča boahtán Guovdageaidnui. Gal šáttái veahá čoaskkis olgun. Várra lea áigi molssut muhtin biktasiid. Vai galggango veahá vuordit dassažii go muohta álga? Juste dál ii orru nu čoaskkis, muhto biegga lei goit dán vahku mii meastá nogái. Dan vahku mii álga juo sáhttá nie vážžit nugo odne. Muhto dan maŋŋil sihkkarit ferte gárvodit buorebut.

Muđui odne lea nubbi beaivi go lean bargame jakutskanieiddaiguin. Mun galggašin juo áigga álgit bargat sudnuin, muhto álgen ikte ja  dás ii leat mu sivva. Dál mun hui buorre dieđan Norgas bargošiehtadusa haga bargogoahtit ii obage gánnáha. Go du gieđain lea bargošiehtadus, de dieđus gánnáha bargat. Diibma munnos Denisain gal lei diekkár báhavásahus giellakursa oktavuođas, go allaskuvlas lohke: "Doai bargi! Bálkka ja visot mii soabat maŋŋil". Dan maŋŋa mearrideime ii goassige bargat nie. 

Ja ihttin miehta Ruošša leat iešguđetláganat válggat. Ja munge juo goalmmát jagi go in leat jienastan. Ii fal dan dihte go in háliit, muhto dan dihte go lean meastá álo Norgas...Vuoi-vuoi. Muđui gal háliidivččen jienastit. Mu mielas dat gal lea deháláš jienastit. 

veahá váiban

Odne juo ii mus leat šat fámut čállit blokkai. Soaitán maŋŋa go gearggan vuoiŋŋasteamis. Dál áiddno bohten barggus. Fas barggan gielaviehkkin daidda jakutskanieiddaide.

Gallis mii leat?

Fargga juo álga Ruoššas riikkaolmmošlohkureikenastin (rievtti mielde in gal dieđe mo dán galgá čállit) . Muhto doaivvumis don ipmirdat maid mun meinnen.  Ja dás mun ja maŋga eará olbmot oaidnit stuorra čuolbma dahje eahpesihkkarvuođa. Dá lea man ollu šaddet álgoalbmot dán jagi Ruoššas. Váttisvuođain dás lea váilevaš čielgadeapmi. Riika lága mielde juohke olmmoš sáhttá dadjat vaikko mii iežas identiteahta birra. Leago son sápmelaš, dahje ruoššalaš, dahje nenetcalaš jna. Mun in muite juste juohke sáni dan birra mii lea lágas. Muhto goitge orru nu ahte jus olmmoš ieš dovda iežas sápmelaččan de son sáhtta leat sápmelaččan. Ja dás vuolga stuorra váttisvuohta. Mu mielas goit. Suddu lea, muhto Ruoššas ain váillu sierra lága mii livččii čilget ges lea vuoigatvuohta námuhit iežas sápmelaččan dahje eará álgoalbmogin.

Ja nubbi jurdda musge lea. Beasan go mun ieš dán riekenastimii go lean Norgas?

Ruhta, ruhta... lávlui Abba-joavku

Lean geahčan ođđasat ikte. Lei ollu sáhka bušeahta birra. In mun sáhtta várra dál ipmirdit sámepolitihkkáriid ja daid olbmuid geat oaivvildit ahte Norggastáda lea juolludan unnán ruđa sámedoaimmaide. Meastá 900 milliovna norggaruvnnu lea bušeahta! 66 milliovna juolluduvvo Sámi allaskuvlii, jna. Dá lea buorre supmi. Mii bat sáhttašii rievdat jos oččošii Sápmi eanet go dán supmi?

Norgabealde Sámis leat hui buorre ruđalaš dilit. Mu mielas goit. Muhto ii fal visot sáhtá buoredit ja rievdat juoga ruđaiguin. Maŋga áššit sáhtá ja ferte čoavdit politihkalaččat. Ja dakkár vuoigatvuođat leat Sámedikkis.

Nubbi maid smiehtan ahte ii son gálgá gáibidit Stádas ruhta, muhto geahččalit ieža dinet. Leago Sámedikki smiehtan nu: ássahit fitnoga mii galggašii dinet sámedárbuide?  Vai áigugo dušše stádaruđaiguin birget?

Mu mielas Norggabeal polithkárat gálget illudit go leat nu buorre dilit. Go stáda nu bures doarju sámedárbut ruđalaččat.

Bássi lea

Oahpaheaddjjibeaivi lea odne Ruoššas. Dá lea dego sierra suorgis ámmatbassi, mii ávvuduvvo jáhkosaččat juohke báikis miehta Ruošša. Muđui gal leat hui ollu diekkáriid ammatbásiid Ruoššas várra juohke bargosuorgiin. Muhto ii fal dat mearkaša ahte dakkár básit leat dego riikabásit, nugo Riikabeaivi dahje Ovccat beaivi miessemánu go nogai Nubbi máilmmi soađi. Dá leat našunála básit. Muhto diekkáriid maid leat ollu.

Muhtimin in obage ipmirda manne ruovttoriikas leat nu ollu básit? Leago son dan dihte go Ruošša lea hui stuorra riika geográfalaččat? Vai leago son dan dihte go muhtin stádapolitihkkár fuobmái:"Háliidan ássahit muhtin bássi nugo buot mu ovdal dahkke dan?"

Ja dasa lásiin leat maid Internošánala básit! Vuoi-vuoi!

Sátnegirji

Dál easke ruoššafacebooka bokte gávdnen neahtta sátnegirji: Sámi-English, English-sámi. Dán sáhttá viežžat dás. Sávan ahte soames oažžu ávki dán sátnegirjis.

Lihkku beivviin, Murmansk!

Odne Murmansk lea deaivan 94 jagi. 1916s jagis lei ássahuvvon Murmansk oaivvegávpogin Guoládatnjárggas. Dan rájes álgii sturrot sihke gávpot ja olmmošlohku. Jus 1916s jagis ledje sullii 14 duhaha olbmo olles Guoládatnjárggas, de juo 1980s jagis ledje milliona olbmo lágabui Guoládanjárggas. ja áigi mielde sápmelaččaidlokhu šattái unnit olles olmmošlohku ektui. Dál Murmanskas orrot sullii 400 duhaha olbmo. Murmansk gal lea hui nuorra gávpot, mii ovdaná oalle bures áššedovdiid oaidnuid mielde. Ja juste dán beivvit Murmanskas lea Internotionála ekonomálaš forum.

Muhto goitge Lihkku beivviin, Murmansk!

Muđui gal lei buorre beaivi odne. Dál fargga vuolggan hárjehállamii.

Kom i Kautokeino. Bohten Guovdageainnui.

De dál lean fas Guovdageaidnus. Lean buori mielas. Ledje buori beaivvit Kárašjogas ja Beaskenjárggas. Dieđus ii fal buot skihpariiguin deivven dieppe. Soapmasat ledje Oslos, Tromssas, Snoåssas, Fredrikstadas ja sarvvabivdus. Muhto lihká buore áigi lei. Livččen várra vahku dahje moadde vahku leahkit dieppe.

Muhto dál lean fas Guovdageaidnus. Ihttin fas lea skuvlla. Denis mu olmmái gal lea juo ruovttus, iežas eamida luhtte. Vahkku galggan okto dáppe moivvet. Vuosttaš maid dagan dál, de ráhkkadan biepmu. Ja ihttin várra, jus boahtá miella, de doallan čorgenbeaivvi.

Juo, galggan várra dadjat ahte álgen dárustit veahá. Ovdamearka dihtii:
Jeg kom fra Karasjok til Kautokeino i kveld. Jeg skal kjøp å bok "Mu vuosttaš duhat sánit dárogillii". :D

Muhto dál bijan johtui ruoššaođđasat neahtta bokte. Dan gal ferten dahkat vai diehtit mii dáhpáhuvvai Ruoššas. :D