Tuesday, November 30, 2010

Art pics

Oba fiina govat dat leat. Oba erenoámaš govat. Liikon daidda jo dan dihte go ieš in livččen buoret dahkat. Hutkanvuođa haga gal livččii oba váivvi eallit. Mainna olmmoš sáhtášii návddašit jus eai livččii musihkka, daiddága, girjelašvuođa jna?  Váttiš govahallat dan.   Muhto baicce geahčá daid daiddagovaid. :D








   









































áigiguovdilis video

Guoska baicce journalisttaide :D Álbma militerakursa čájehuvvo dán videos.

Monday, November 29, 2010

Mun ja olmmái

Dan gova ferten gal bidjat bloggái. Oba somás govva šattái. Liikon dasa. :D

No hangover

Muhtumin ieš imaštallan go oainnán man láhkai ruoššaolbmot leat čeahppi fuobmát juoidá, hirbmát hutkalaš olbmot. Dán govas lea muhtin ruošša vodka maid oainnán ieš vuosttaš háve. Ja namma das lea ge NO HANGOVER RUS. ha-ha.   Muhto gal juhkat ii leat ge nu somá.

Guolit

he-he! Vaikko lean jo badjel jagi bloggemin, de ii leat nu visot ortnegis bloggas. Dál lean ordnen "vuoiŋŋastan diŋga". Dá leatge guolit. Daid galgá oidnot vuollabealde,  Dus han lea vejolaš borahit daid. Don galggat dušše deaddilit sáhpanboalu. Ja guolit álget borrat. Mun jáhkkan guolit galget sturrot beaivvis beaivái.  Vahku geahčen mun oainnán movt lea dilli daiguin, jus eai oba ge šaddet stuorit, de válddan eret daid guoliid.

Sunday, November 28, 2010

reaŋgat

Livččii oba buorre, jus mus gal livčče dakkár reaŋgat eksámen čállima dihte. Amma? Mun sáhtášin dušše lohkat sunnoide mii galgá čállit :D

Saturday, November 27, 2010

Hm.

 Leago son álbma nammagálba? Vai leago soames photoshopas jouidá bargan? Muhto gal lea veahá somá.

Meat-fashion?!

Máilbmi lea oba jálla. Go servodagas dohkehuvvo nu vázzit. Leago son buohcci?







































Friday, November 26, 2010

Otná jurdagat

Vuoi-vuoi! In sáhtte eará sániiguin čilget makkár dovdut leat dan skuvlaeksámeniin. Jus dus livčče muhtin buorre cavgileamit kulturjuornalistihka birra, de beare sáddes munnje daid. Oainnát dát mii lea váttis, dá lea bággu čujut pensumii, muhti ii son gávdna sámegillii. Makkár pensumii galggan čujuhit?

Muhto ii fal dan birra háliidan čállit. Ikte eahkedis fuobmájin ahte mu olmmái ja blogger Ville leage maid čeahppi musihkkar. Lei somá guldalit su musihkkaprošeavttaid "The ođđasat" ja nubbi in muitte namma das, muhto dá lea dakkár jazzprošeakta. Lea hirbmat buorre go olmmoš duostá nu ollu bargat iešguđet suorgiin.

Gii diehtá soaittan munge ieš álggan musihkkasuorgis juoidá bargat, galgá dušše bidjat eambbo návccaid dasa. Ii son lea nu várálaš, várra... :D

Massive Attack

In dieđe manne, muhto álo liikoijn dakkár musihkii.

Thursday, November 25, 2010

govva-portfolio

Ráhkkadin iežan govva-portfolio. Bidjen dasa 20 gova. In meidne eambbo bidjat dohko. Muhto várra galggan vel dárkileabbo váljet govaid. Sihkkarit muhtin govaid válddan eret ja bijan áibbas earát. Lea hui álkes neahtačujuhus: http://sapmelash.500px.com/

In leat juste dál stuorra vuordamušaid dan govva-portfolios, go in leat ain ámmatgovvejeaddji. Lea ollu maid galggan ovddanit, oahppat vai buoredit iežan máhttu. 

Muhto juste dál ja vissa boahtte golbma vahku siste lean hui, hui busy. Leat eksámenat mat galggan čállit. Sávvamis birgen daiguin bures, vaikko eai leat nu ollu fágagirjji journalistihkas sámegillii. Lea bággu ohcat girjjit dásto ruoššagillii. Dá lea maid ollu barggu. Ii fal álo lea neahtas vejolaš gávdnat buot girjjit digitala hámis.  Muhto in mun vuollána. Dá gal lea dušše smávva hástalus nu go lea olles min eallin. :D 

Vi snakes

Tuesday, November 23, 2010

Giddagasas

Leamašan geahččame Giddagasas čájalmasa Sámi teahteris odne eahkedis. In sáhtte eará dadjat go dan ahte dá lei áibbas buorre. In leat vuordán dán. Sihke Anitta Suikkari lei čeahppi neaktit ja mainna lágiin lei hábmejuvvon lávdi, ja musihka dáfus. Buot oasit ledje heivehuvvon nu mo galgášii leat.  Maiddái eŋgelasteksta doaibmai hui bures. 

Váikko dat čájalmas bisttii meastá beannotdiimmu, de inge ledjen dolkán čájalmasas.  Lean duhtávaš go ollejin teahterii odne. 




















Eanet govaid mu facebookprofiila vuolde
he-he! mo lei vejolaš govvet dan? ;)

virus?

Vuoi-vuoi... mii bat geavai dan ija mu facebooka profiilain? Soames geahččalii suoládit mu profiila. Sáddii dievva dieđu mu olbmáide. Lei baggu rievdadit beassansáni odne.

http://mariuveren.wordpress.com/

Dá lea buorre neahtasiidu dahje blog eŋgelasgillii mii veahkeha oahpásnuvvat álgoálbmogiiguin Ruoššabealde.

Monday, November 22, 2010

Cleaning women

Diet suomajoavku jo vásihin 3-4 jagi áigge Girkunjárggas, BarentsSpektakl Festivála oktavuođas. Dá lei oalle earenoamáš dovdu go lávdi alde ledje dievddut nissonbiktasiin badjelis. Seammás musihkka lei hui earenoamáš iige pop-stiila, iige rock-stiila... Ieš in dieđe makkár stilii sin musihkka galgášii gullot. Dát lei nu miellagiitevaš ahte njuolgga máŋŋil sin konsearta osten CD-skearru "AELITA". Dál dan joavkus lea boahtán ođđa CD-Skearru "U". In leat gullan dan vel.  Ja okta diŋga lea maid oalle miellagiitevaš - čuojanasat mat sii ieža ledje ráhkkadan.

Dá lea sin ruovttusiidu.

22 november












Dán fiina gova ožžon ikte. Okta olmmái Murmanskas gii sárgui dán.
Muhto giitu buohkaide lihkku sávvaldagaid ovddas!

Saturday, November 20, 2010

bla-bla-bla

Ja-ja... na dat gal goit várra manai bures sihke ievtta ja otná min saddagiiguin mii lei vejolaš geahčat nilut.no vuolde dahje samiskhs.no vuolde. Ihttin (sotnábeaivve) lea fas diimmu 14.00s.

Suddu go ieš in beasa oaidnit movt dat orru go lea neahtas dat satta. Na ii son lea nu várálaš. Ja musge lea jáhku ahte eai lean nu máŋgasat geat ledje čuovvun min sáddagiiguin. Mu mielas ledjen hui čuorbes prográmmajođiheaddjin odne. Ollu álkit ja suohttáseabbo leahkit kameraolbmán  dahje reportárin. Muhtto ii fal prográmmajođiheaddjin.

Odne eahkedis ii lea eará plána go fitnat Bottus lea miella dánsut odne.

Thursday, November 18, 2010

Wimme vs Máddji

Álggos eará jurdagiid birra. :D
Fuobmájin go in leat čállime bloggai, de blokka lohkiidlohku fáhkka gáhčča vulos. Na ii son lea nu váralaš. Mu mielas goit.

Ihttin mis han álgá njuolggasáddagat Nilut cupa oktavuođas. Muitibehtet fal čuovvut 18.40 rájes. Muhto in gal dieđe makkár neahta siidu vuolde: www.nilut.no dahje www.samiskhs.no Dán háve lean govvejeaddjin. Eará in sáhtte muitalit dán birra. Baicce čuovvu min sáddagiin. ;D Oainnát, galgá leat somá geahččat!

Ikte fas guldalin Wimme CD-skearru "Mun". Oktii vel sáhtán dadjat Wimme lea čeahppi! Hui liikon lávlagii "Paris".
Máiddái guldalin Máddji CD-ckearru "Dobbelis". Várra dá lei goalmmát geardde dán rájes go osten skearru.
Fiinna musihka sus maid. Muhto in duosta namuhit goappa lea buoret. Máddjis gal lea čielga pop-musihkka. Mu oaidnu mielde goit. Wimmes lea fas áibbas eará stiila. Mun lean hutkan iežan namma su stiilii - psycho-electro joik.  
Muhto lea oktasaš diŋga masa liikon hui ollu. Soai guovttos leaba lávlume sámegillii. Dat gal lea máilmmi buorre.
Sámi musihka lea juogá eará, masa várra álohii liikon. 







   

Wednesday, November 17, 2010

Vuoi, diet bánit...

Livččen suorganit jus oaidnašin dakkár bániid. Mo lea vejolaš orкut dakkár bániiguin? Mun balan dan.


































Govaid vižžen dás.

Guopparburger

Dán mun vásihin go ledjen Ođđa-Yorkas. Divrras gal lei, muhto ii fal lei borrahahtti. Vuoi-vuoi.





















Tuesday, November 16, 2010

feara mii

29 b. geahčen gearggan dán jienasteamiin. Dásto válddan bajás muhtin eará fátta.

Birru lea galmmas ruovttus. Ja dakkár "fálaldaga" ovddas mun han ferten jo máksit SSO:oi. Uff. 

Ja máŋimuš maid smihten dadjat dutnje lea mu riegadanávvudoaluid burra. In gille dán jagi ávvudit iežan riegadan beaivi, go ferten duon beaivi bargat Nilut cupa oktavuođas , in beasa álbma ládje ráhkkanit.  Muhto dieđus dus gal lea lohpi oastit muhtin drinka munnje jus deaivvat mu dalle olgun. :p

JIENASTEAPMI

Easke ordnejin "jienasteapmi" mii gávdno juste olgešbealde. Dakko bokte háliidan diehtit mo mu lohkit jurdašit  blogga birra. Áidna maid in sáhttán rievdat lei boallu. Dáđibáhabut dat lea ruoššagillii - ГОЛОСОВАНИЕ, mii mearkkáša JIENASTEAPMI. Deaddil dan boalu, jus háliidat jienastit suohttása dihte.

Giitu! :p

Monday, November 15, 2010

UN deklarašuvdna

Canada lea dohkkehan álgoálbmogiid UN deklarašuvnna nu gullui easke NRK Sámi radioin. Goas bat Ruošša dohkkeha dan deklarašuvnna? Lea buorre jearraldat. Muhto ii leat nu álki oažžut vástadusa dasa. Go lean leamaš Ođđa-Yorkas (New-York) jearrahállamin ovtta ruoššaeisseválddi, de dálle son vástidii munnje ahte lea riikalágaid bokte lea ordneame álgoálbmogiid rievttiid.

Govva vai photoshop?

Ikte eahkedis mus gal lei buorre ságastallan govvema birra. Dahje lea go dárbu átnit photoshopa vai buoridit gova. Mu olbmá oaidnu mielde dat gal lea dárbu átnit photoshopa go geavvat digitalakamera.
In mun leat áibbas ovttaoaivilis suinna. Mu oaidnu mielde lea ahte jus don bijat gova photoshopii, de don jo áiggut čájehit mo don leat čeahppi photoshopet, muhto ii fal govvet.

Muhto seammás in mun jáhkke ahte lea boasttut go geavvat photoshopa. Dan dihte go photoshopa bokte don dagat báicce dáiddálašgovat. Ja de lea jearraldat lea go dakkár govain seammá árvu go photoshopakeahtes govain?

Suohttása dihte mun maid láven photoshopet, muhto in goassige sáhtán vuovdit dakkár govaid. Go eai son leat álbma govat mat livčče govvejuvvon.

Photoshopa govaid sáhtát geahčat mu facebookprofiila vuolde das.

Sunday, November 14, 2010

Govaiskadeapmi

Odne ovdal gaskkabeaivvi rievtti mielde galgášin govvet ovtta olbmo. Muhto muhtin sivvaid dihte in mun šattan  govvet su. Muhto govvejin áibas eará. Iskadeapmi dihtii. Dan dihte go in goassige ovdal in leat govven makroobjeaktiivain. Dá lei čoaskkis olggun, mu mielas goit. Maiddái in leat válddán štatiiva mielde. Dá lei váttis govvet dakkár diliin. Muhto dá lei dušše iskadeapmi.
Dakkár govat ledje šattan.











































































Friday, November 12, 2010

7 wonders of the Finno-Ugric and Samoyed peoples

Ávžžuhan  du veahkehit guoladágasámiide jieanasteamis ovtta gilvuin. Du jietna sáhttá veahkehit. Dás lea eanet dieđu dan birra eaŋgelasgillii. Maiddái duon siidus dus lea vejolaš oahpásnuvvat kultuvraiguin eará álgoálbmogiid.

Čižžit

Ovtta ruoššabloggain gávdnen dakkár miellagiiteváš gova. Dá nissonolmmoš lea Korejas. Dakkár bivttasiiguin sii gárvojedje sullii áigodagas 1800-1900 .

Dál

Ollu barggu šadda dán vahku ja boahtte vahku. Ja olles boahte vahku fas bargat Nilut cupa oktavuođas. Inge beassa ávvudit riegadanbeaivi. Vuoi-vuoi.
Gii bat fuobmái lágitit Nilut cupa seamma beaivvi iežan riegadanbeivviin?
Muhto dás lea maid buorre munnje - seaisttán ollu ruđa go in beassa ávvudit! :D

Thursday, November 11, 2010

Indigenous People NOT for sale

Facebooka bokte serven ovtta neahtta akšuvdnas
















Dan akšuvnna birra sáhtát lohkat dás.

Wednesday, November 10, 2010

TV star

Dál eske ledjen geahččame Murmanska guovlu ođđasiid. Ja oidnen iežan ovtta áššis Sámi allaskuvlla birra. Dat gal lei veahá somá! :D Ihttin galggan maid leat mielde ovtta áššis biepmu birra.

TV-produkšuvdna álgá

Dán ja boahtte vahku galgat ráhkkanit Nilut cupii. Seammás go diibma mii lágidit Nilut cupa spábbačiekčankampaid neahta badjel. Dá lea veahá bargu. Muhto lea somás bargu.
Várra beasat čuovvut min sáddagiida nilut.no siidu vuolde.

Tuesday, November 9, 2010

Guovdageainnu Sámiid Searvi

Odne ožžon bovdejupmi šaddat miellahttun Guovdageainnu Sámiid Searvvi. Hm, movt galggan bargat dainna? Galggango searvat?  Maiddái GSS evttohii mu goalmmádin stivrra varrelahttun. :D  

Monday, November 8, 2010

Guksi

Lean duddjome guvssi. Lea jáhku geargan dainna dán jagis. Muhto ii mus lea álo ásttu duddjot.

Fiina govat


























































































































































Daid fiina govaid vižžen neahtas, ovtta ruoššablokkas. Bloggar čálii dušše ahte dat govat lea National Geographic govven. Muhto goit leat oba fiina govat. Musge lea miella vuolgit duottarii govvema dihte. Háliidan govvet badjeolbmuid, duottara ja bohccuid. 

Flickr

Mus nogai nuvttá sádji flickr:is. Dá lea 200 Mb. Várra ferten oastit moatti jáhkái premium account vai bidjalit eanet govaid. Muhto in vel mearridan dan, galggan smiehttat.

Sunday, November 7, 2010

Jarŋŋa

Buorre musihka lea Jarŋŋa joavkus. Áidna báiki gos guldalin sin lea Márkomeannu feastivála. Doaivvumis beasan vel guldalit sin fiina musihka.

Guksi

Vuolggán duddjot. Galggán gárvistit guvssi. Doaivvumis dán mánu geargan dainna.  

Thursday, November 4, 2010

Ságat

Dá lea oba guhkes beaivi! Muhto lihka somás beaivi lei. Fas bessen ruošša TVai. Dán háve mun lean čájehán man čeahppi lean ráhkedemis biepmu. :D Otne ráhkadin suovasbierggu, buđehat ja muhtin sáláhta. Šaddá somá oaidnit TVas dán. Seammás ledjen dulkomis sidjjide go ledje jearahállame Sámi allaskuvlla rektora.

Maiddái mus lei ástu hárjehállat, muhto šattái 50 minuhtta. Dasa lásiin lei ástu bargat jakutskanieiddauguin. Olles dán mánu galggan jo bargat sudnuin giellaveahkkin.

Ja viimat dál beassan veahá vuoiŋŋastit. Muhto gal lea vel skuvlabargu, maid galggan ihttažii čállit.

Vi snakes!

Buorre iđđit Sápmi!

Odne gal lea áibbas buorre beaivi. Várra odne searvván jearrahallámis Ruošša TVai. Sis ga lea stuorra miella jearahállat mu dan birra mo lea vázzit Sámi allaskuvlla, jna. Dasa lásiin sii áigot filbmet mo moai Denisain leatne ráhkadeame muhtin erenoamáš biepmu ruovtus. Šáddá somá maŋŋá oaidnit dan TVas. Dieđus šattan neahta bokte geahččat dan. 


Wednesday, November 3, 2010

Njam-najm :D

In mun astan ikte čállit dan kohkema birra. Gal lei ollu barggu. Muhto dál musge lea buorre dilli čállit movt moai Denisain leimme rahkadan earenoamáš biepmu. Dá lea oalle earenoamáš juste dan dihte go ii leat nu dávjá go letne ráhkadeame diekkár biepmu. Dahje ii leat nu dávjá go átne dakkár biepmoráhkadanvuogit.

Dan biepmus lea dieđusge namma mii sáhttá jorgalit omd. "Biergu franskastiilain". Mu evttohus goit lea nu.
Don dárbbašat čuovvovaš biepmuin ja diŋggain jus háliidat geahččalit ráhkadit dán "Biergu franskastiilain".
1. Ordnešuvvon ommana dahje doaibmaommana
2. Gusabiergu okta kilo (ean munnos leamašan eará biergu dan beaivvi)
3. lávki -  okta
4. buđehat okta kilo
5. majonesa nu ollu vai livččii doarvái
6. vuostá - sullii 200 grámma    

Dál go dus ge lea visot main dárbbašat, de sáhtát beare álgit. Daga nu:
Váldde gusabierggu galmmihanskábes. Divtte orrut dan unnimus moadde diimmu dan dihte vai maŋŋa livččet álkibut čuohpastit gusabierggu smávva bihttážiida. Geahča gova.










Daid čuohpajuvvon gusabierggu bihtáid galgá bidjat dan stuorra lihti ala mii dábálaččat olmmoš bidja ommana sisa. Geahča gova.





 













De dan maŋŋa gusabierggu sáhtát "bihporastit".












Lea áigi čuohpastit lávki ja buđehat.


















 Álggos bija lávkki gusabierggu ala dainna lágiin vai deavdit olles lihti.
 











Dan maŋŋa sáhtát bidjalit čuohppajuvvon buđuhat badjelis. Geahča gova. Galgá šaddet golbma geardi: gusabiergu, lávki ja buđuhat.










Dasto berret .....baicce geahča gova. Ja bija lihti ommanii. Ommana siste galgá leat 150 lieggagráda. Divtte orrut diet biergu ommanis beannot diimmu.











Beannot diimmu maŋŋa váldde eret ommanis dan lihti. Juste die proceassa in mun oaidnán go ledjen hui hui busy eará sájis. Danin eai leat govaid maid livčče čájehán maid galgá bargat viidaset. Muhto don galggat bidjalit majonesa dainna lágiin vai deavdit olles lihti. Majonesa ala galggat bidjalit čuohppajuvvon vuostá. Čuohpat nu vai šaddáše hui unna vuostábihtážat. Maŋŋa go dagat nu, bija fas ommanii diet lihti ja divtte orrut 20 minuhtta. Luohppas galgá šaddat sullii nie.
 
Dieđus dan govas oidno ahte oalle stuorra bihttá lea čuohppan. ;D  Šattái oba njálggat.