Brazijlia - Holanda...

Govven:  ©Reuters/YVES HERMAN 
 ©Reuters/KAI PFAFFENBACH


De dál šaddá somá, go álgget VM 1\4 kampat. Smiehtan geahčat Brasilija Holanda vuostá kampa. Livččii dieđusge Ruoššas geahčat, muhto in vel ollen ruoktot. Varra vuolggan bearjadaga dahje vahkkoluohppa.  Juo, kampa birra. Lea jáhkku Holanda jovkkui ahte birge Brasilija vuostá. Muhto in leat áibbas sihkkar, go Holanda ii leat vel čájehan "good game" dan VM:as. 1-0 sáhtá vuoitit Holanda dahje 1-2 Brazilija vuoitá. :)   


Muhto dál boralit ja bargat govvaiguin, maid lean govven Sohppárfestiválas. Fargga daid bijan facebookái!     

Gearggan

áiddo dál lean gearggan dan maŋŋimuš eksámeniin. Huhu! Dat gal lea buorre dovdu! Viimat beassan iežan áššiiguin bargat.

VM

Dál juo leat meastá buot 1\8 kampat juo gearggan. VM birra lean čállán das. Sáhttán dadjat ahte buot dat joavkut mat leat váimmu lágabui ledje beassan 1\8 finálii. Dasa lásiin Holanda, Duiska ja Brasilia besse viidaset. Vuorddemin eahketkampa Spanija Portugalija vuostá.  Šaddá somá geahčat kampa Holanda Brasilija vuostá. Goabba vuoittá? Dahje goabba jovkui vehkehasta duopmar?

Maiddái seammá go ikte lean čállime ruovttueksámana. odne juo lea jáhku ahte gearggan dan barguin.    

Last examen in this school year

Dál lean bargame maŋimuš eksámeniin. Ferte čállit 7 ja 10 siidu gaskas bargu. Lea veahá váttis go leat nu unnán girjjit sámegillii media birra. Danne gálggan álo ohccat neahttas ruoššagielgirjjit, go in máhtte vel dárogiela. Dárogielkursa easká álgá čávčča rájes.

Ollu bargu dál lea. Doaivvumis nágodan  dain. Gaskavahku gálgá juo sáddet sisa. Vuoi-vuoi...

Dat gal manái bures! :)

Duorastaga iđđes lei njalmalaš eksamen. Eksamena ovddal in oba ge diehtan maid sensorat gálggaba  jearrahallat mu. Áidna maid dihten ahte vuođđun eksamana ferte leahkit máhppabargut.  Dušše eksamenis oččon čielgas govva. Nubbi oassi lei teorehtalaš journalistihka ja nubbi oassi lei journalistalaš etihká. Vuosttaš ossiin birgejin bures, muhto nubbi oassi lei váttaseabbo mu mielas. Váikko in sáhttan buot jearaldagaidde gávdnat rievttes vástadusaid, de oččon buore árvosátni! :)

Eksámena máŋŋil fas bargen gielaviehkkin. Naba juo odne maŋŋil gaskkabeaivi meinnen Ruŧŧii, Sohppár festiválii. :)   

Otná ságat

In asttá čálllistit dasa. Nu ollu bargut mat gálggan dahkat dán máŋimuš vahkku. Inge asttá čuovvut VM kampaiguin. Vuoi-vuoi. :)

Ikte fitnen bátnedoavttira luhte Altas. Vuoi diet bánit. Dál mearridin ahte go ollen Ruššii, de vuosttažettiin fitnan bátnedoavttira. Dásto sáhttan filbmet ja govvet, jus asttán. Plánat, plánat... movt daid ollahit? :)

Eahkedis fas bargat: čilget sámigrámmatihka Ruoššabealstudeantaide. Ja dieđusge gálggan asttát hárjehallamii. :)

Guossit bohtte! Hura!  :)

Man somá!

Juo ihttin eahkedis gálgget boahtit olbmát Lujávrris ja Murmánskas deike. Na dat gal lea buorre!

Gehččen otna kampat: Slovenija - USA ja England - Alzhirie. Dat legje buorit kampat mu mielas.
Dat vuosttaš kampa Slovenija -USA dán gehččen dušše vuosttaš beal. Dalle lei 2-0. Slovenija vuoittabealde. Ja vihkken hárjehallamii. Vissa bennot diimmu leamašan hárjehallamis. Ja munge jurdilin ahte juo, Slovenija ferte vuoitit dán kampas! - Ii dá sáhttán! Suddu. 2-2 lei go nogái dat kampa. Muhto nubbi kampa gehččen olles 90 minuvtta. Ii dá birgen Englanda joavku  Alžirie vuosttá!

Sáhttá ollu muitalit, ohcat sivat jna. Muhto ii fal dat lean mu bargu! Dan birra smiehtat! Dán háve mun dušše čuovvun kampaiguin. Navdašan spábbačiekččan! :)

Na juo, de oađđit! Buorre idja! Dahje buorre iđđit! :)

I need help!

Gii diehta neahttasiidut gos lea vejolaš geahčat VM kampaid? Mus ii doaibma TV juo 6 mánu. Livččen čuovvut VM, spábbačiekčangilvuin! :)

Mun in dieđe manne, muhto Ruošša kanálat eai doaibmat Norggas. Vuoi-vuoi...

Dás galgá leat namahus :)

Vuoi, Denis mu olmmái lea vuolggan ruoktot, Ruššii odne iđđes. Mun gal lean fas akto dáppe.

Muhto juo hui fargga gálgget boahtit Ruoššabealde olbmát. Sii áiggot oahppat dávvisámegiella dáppe, Sámi allaskuvlas. De fas šáddá somá!  Muhto ovdal sin boahttima deike, gálggan ráhkkadit ollu vai sidjiide šáddáše  álgit oahppat giella.

Na in áigu šat eambbo otne čállit! :)

P.S. Buorre idja! Dahje buorre iđđit mu blokka lohkkit! :)

Gii sáhttá vuoitit spábbačiekčan gilvvu Lulli-Afrihkas?

Dán vahkkoluohpa lea álggan máilmmi spábbačiekčan gilvvu Lulli -Afrihkas. Dábbalaččat mun čuovvun dakkár gilvvuiguin. Muhto dán jagi ii mus lea  sihke ollu ástu ja TV! :) Dušše oktii lean geahčan kampa dán rájes go álgge gilvvut. Dat lei kampa Mexico - Lulli-Afrihka.

Go Ruošša ii leat beassan dan gilvvuidde, mii lea oalle imáš mu mielas, de mus lea eará joavkku mii lea lágabui mu váibmui. Dat lea Nederlandat, Hollanda. Muhto in mun jáhkke ahte sii besset kvartafinalii.

Dan jagi lea buorre vejolašvuođa Duiskas beassat finalii ja Spanska joavkus. Maiddái Brasilias lea álo buorre vejolašvuohta beassat finálii.

Dat golbma joavku gálgget gilvvohallat garrasii vai beassat finálii. Eará joavkuin maid leat vejolašvuohta beassat finálii, muhto dasa in mun jáhhke. Livččii dieđusge hui bures, jus beassa Nederlanda joavkku finálii! :)

Maiddái mus lea jáhkku ahte Slovakija dahje Serbija gálgget čájehit "good game".
Govven: ©Reuters/JERRY LAMPEN

 

Ruoššariika beaivi

12 b. geassemánu lea Ruoššariika beaivi. Rievtti mielde dat lea nuorra bássi. Dan jagi  lea deavdan 20 jagi. Mu mielas dat lea eambbo politihkalaš bássi, danne  go čátnon dán áiggin go Soviet lihtu gahčái ja šadde iešguđet lágan riikat: Ruošša, Ukraina, Belarus jna.

In mun láve čuovvut buot riika bássiiguin, muhto dán beaivvi moai Denisain mearrideime grillet Ruoššabeaivvi oktavuođain.

Orru hui njalggat! :)

Ean munnos lea leamaš Ruošša vodka, muhto lea leamaš Tequila  :)

 

Eksámen

Vuoi, ihttin lea servodatfága eksámen. 6diibmosaš skuvlaeksámen dat lea. Muhto in ollen lohkat maidege ain. Váikko lea bággu lohkat, muhto ii mus lea miella.

Ođđajagimánus mun lean čállán juste seammalágan eksámen. In mun oččon buore árvoštallama. Mun ipmirdan dál manne in ožžon buore árvosáni dalle.Suddu lea. Muhto dat lea dušše eksámen. Doaivvumis ihttin mun birgen dainna eksámeniin.  Lohkat, lohkat ja lohkat ihttažii! :)  

Mollet - Ođđa oanehisfilbma

Dál easka gávdnan ođđa video Mollet joavkku. Mu mielas lea buorre video. Dieđusge lea buorre, go dat joavku čujuha rock-musihkka, iige pop.   Meidnen fitnat sin konseartii mii galgá leat Sohpar festiválas bennot vahku geahčen.     

Studeanta viessu ráhpan

Otne dii. 20.00 lea Sámi allaskuvla studeanta viessu ráhpan! Varra šaddá somá! Lea buorre go šaddá dakkár báikki gos lea vejolaš juoidda bargat boahttevaš áiggi. Dieđusge dat lea álgu. Mun jáhkkan studeantastivras leat ollu plánat studeanta vuesu ektui. :)

Lea juo nuppi vahku go lean hárjehallame. :)

In mun ástta čállit dasa eambbo. Galggan viehkkalit veahkehit dan studeanta vissui! :)  

govva

Juste dál gávdnen dat govva Murmanska Night Cluba ruovttosiidus. Báikki námma lea Sfera.  Dat lei válddan 3 b. ođđajagimánus. Lei hirbmat somás tuvra Murmanskas. Dalle mun oahpasnuvven daid nieiddaiguin: Karina ja Anna. Mis gal lea plána fas fitnat muhtin clubas go boađan Murmanskai. :)

Bargu

Odne ožžon bargu Sámi allaskuvlas. Gálggan jorgalit sámigiellas ruoššagiela Sámigiella álgokursa oktavuođas. Dat álga jo vahku 25.

Maiddái sotnabeaivi e-boasta bokte ožžon bovdehusa Márkomeannu festiválii govvet. Dat gal šaddá somá fas fitnat doppe. Lea fiinna luondu doppe: várrit, mearra. Čuoikakehtes guovllu Márko guuovllu lea! Dat lea máilmmi buorre! :)

Hárjehallan

Mánan váhku lean álggan hárjehállat. Rievtti mielde jo Beskenjárggas álgen veahá hárjehallat: sihkelastit golbmalotminuvtta meastá juohke beivvi. Dál fas álgen veaháš viehkat ja  "ruovdi" loktet, dáppe Sámi allaskuvlas.

 Maiddái lea buorre fitnat sávdnis hárjehállama máŋŋil. ;)

Vuoiŋŋastit lea buorre!

Vuoi, man buorre vuoiŋŋastit veahá! Lean oađđan vissa 4 diimmu. Šáttan áibbas eará olmmožin. Bođii miella joidda bargat. Iđđes in gillen bargat maidege. Ledjen dego billašuvvon. Áibbas in fungeren. 

 Muhto juste dál gálggan veahá borradit vai eallit ja bargat! :) 

 

Oađan

Uff,máŋimuš áiggit lea stuora miella oađđit birra jandora. Livččen dahkat nu, muhto gálggan ráhkanit eksameniidda.

Ođđa e-boasta! ;)

Lean ráhkkadan ođđa e-boasta čujuhus, mii loahpahuvvo @biegga.com. Mu mielas orru hui kuula! Maiddái sisdoallu lea juste seammalágan go @gmail.com. Dasa mun liikon!  Muhto in dieđe vuos movt álggan geavat ođđa čujuhus. Áigi mielde oaidnan movt dat šaddá, goabba šaddá válddo e-boasta čujuhusan. 

Kárašjohkii.

Vuoi, man lossa lea vuolggit gosage Guovdageidnus. Gálggan beassat Kárašjohkii. Danne go ožžon unna bargu Kárašjogas. Gálggan govvet ovtta web-siidu ovddas. Muhto vuos ferten gávdnat sáhttu dohko. Sávvamis beassan rievttes áiggi. :)

muhtin jurdagat.

Ii nu ollu jurdagat leat juste dál go lean čállime dasa. Muhto smiehtan ahte gálggan juoidda čállistit blokkai vai doallat iežan dovdu ahte dat blogga lea eallimis. Muhto rievtti mielde in leat sihkkar gii láve lohkat mu blogga?

In dieđe mii bat geavvai muhto lea lossat dovdu go bohten fas ruovttoluotta Guovdageaidnui  hárjehallama máŋŋil. In dieđe mii bat das lea sivva?

Mus gal leat muhtin arvalusat dasa.
1. Heajos dálki (ii orru boahtime geassedálki)
2. Fargga álgget eksamenat (dán rádjai ii orru buot nu čielgas nu movt gálgaš leat)
3. Aigá in leat leamaš ruovttus, Lujávrris.

Soittet leat earát sivvat maid.

Muhto juste dál lean rahkkadeame eahketbiepmu. Dakkár mii lea hui álki rahkkadit: spagetti, karbonader ja tomato! Lea dovdu ahte šaddá oba njalggat! njam-njam! :)))

Geassi álga

Vuosttaš beaivi geassemánu lea odne. Ii gal mus leat earunamaš dovduid geasseáiggi oktavuođain. Varra danne go ii vel boahtan álbmaláhkai geassi Sápmai. Maiddái olles geassemánu leat eksámenat. Ja fas skuvla álga 15 b. borgemanánus. Vuoi, orru menddo unni fridjaáiggi dán geassi. Oktiibuot beanot mánu. Dán siste gálggan ollu ásttat. Eareanamažii ollu filbmen barggut sihke ruovttoguovllus ja dáppe Norgabealde.

Dása lásiin leat plánat fitnat Riđđu-Riddus ja Márkomeannus. Háliidan govvet dán feastiválain. Maiddái gálggan ásttat veaháš bargat Sámi Allaskuvlas Sámigiella álgokursa oktavuođain go gálgget boahtit Ruoššabealde olbmot deike, Guovdageaidnui.

Goas ja movt ásttat visot? Maiddái gávdnat áiggi luomu dihte.

Vuoi-vuoi! :)