Viimmat mus lea muhtin muddui fridjaáigi. Olles mánnu bargen giellaveahkkin Ruoššabeal studeanttaide. Dasa lásiin bargen Indigenous Film conferánsas govvejeaddjin ja filbmejeaddjin. Dát gal manái bures. Mun jáhkán. 

Muhto govvet ja filbmet measta oktanaga lea veahá váttis. Ná dá gal lei maid vásahus. Boahtte háve soaitán válddán govven dahje filbmen barggu. Goabšagat leat somás ja miellagiddevaš barggut. 

Odne fas govvejin preassagovaid Buletjávris. Ihttin galggan geahčat mo dát šadde. In gille juo odne dainna bargat. 

Juo, ovddeš čállosis mus ledje veahá váives ságat. Muhto dál gal dá ášši čoavdašuvvo. Ášši lei nu ahte mun in lean regestrerejuvvon Loatnakássas kvotastudeantan. Mun in dieđe manne nu lei, muhto goit dál juo dieđán fárgga oaččun  loana dahje stipeanda. Beasan dievva vealgiid máksit. :p 

Somás dáhpahus geavái Diehtosiidas odne ovdal gaskabeaivvi. In dieđe mii lei sivvan dasa, muhto fáhkka buot uvssat ledje gitta. Sihke olggouksa ja siskobealde Diehtosiida. Lihkkus dát ii ádjanii go vihttanuppelot minuhta. Ná juo, elekrovnalaš ođđaáigasaš vuogadagat muhtumin sáhtet bartidit, nu mo čájáhii otna dilli. Dilalašvuohta čájehii boares dábálaš uvssat sáhtet leat ollu buoret  omd. buollima oktavuođas. 

Odne fas vuoiŋŋastin veahá ruvvejeaddjistuolus. Diehtalas albma ruvvejeaddji lea duhat geardi buoret go makkáš stuollu. Muhto go ii lean ruvvejeaddji, de massajestuollu ferte maid dohket. :p 

 Man áigá dá lei juo go min luohka finái Ođđa-Yorkas. Ovtta vahkui livččii somá fas fitnat dieppe. Dán gova sárgui okta ruoššaolmmoš.  

Vuollanan

Mun lean juo vuollanan dainna Loatnakássain. Guokte mánu stipeanda haga, ja muđui makkárge ruđaid haga. Dušše reikegat leat boahtime álo. Odne bođii reive Loatnakássas, ii leat makkárge somás reive. Doaivvumis goit Juovlaide mun oaččun dán stipeandda dahje loana. De beasan máksit buot vealgiid. Dahje vissa galggan áibbas vájálduhttit oasttimis biila. Ash, juste dán dillái in gal liiko. Geahččalan ohcat juogá positiiva, muhto ii leat ovttage positiiva jurdaga. Na, maid mun imaštallan dat gal lea Norgaburokratija mii lea seamma stuoris go Ruoššas. Oh, yeah...

Fiina dálki lea olgun :p 

Fárgga mátkái

Guđát beaivi skábmamánus vuolggán Petrozavoskii, mii lea Karjalas, Ruoššas. Dieppe galgá lágiduvvot MediaCamp 2011 nuoraid váras. Ožžon bovdehusa doallat logaldallama  sámimediaid birra. Maiddái dohko galget boahtit eará čeahppes olbmot, čeahppes journalisttat ja govvejeaddjit.

Dál lean ráhkaneamin dasa vai livččii maid muitalit 15 min. siste. Ferten válljet man birra muitalit. Guhkes áigái in lean muitalan, in ge doallan logaldallamiid.

Ferte oaidnit mii šadda.

Dagan pelmeni

Odne viimmat dagan pelmeni. Dát lea arbevirolaš boramuš Ruoššas. Guhka lean smiehtan rahkadit dakkár borramuš, muhto dušše odne ollašuvvai smavvá niehku. :)

Jus háliidat rahkadit dan, de don dárbbašat 1 kg jaffuid, salti, 2 lasse čázi ja 1 pahkka biergudáiggi. Vuos galgá rahkadit dábálaš dáigi. Vissa seamma ládje go pizzadaigi. Váttis čilget, muhto gal govain oainnát mo galgá bargat. Ovdal go vuoššat daid smavvá biergogahkkuid ferte bidjat galbmaskabii. Go dat leat galbmon, de sáhttá vuoššat. Sullii 15 min. :)

Somás speallu

Don galggát deaddilit daid diŋgaid mat leat gurut ja olgeš bealde. Ja de oainnát mii dáhpáhuvva. 

Rohkki Steve Jobs lea šaddan "gudnjejahtton udmurtan". Udmurtat lea álgoálbmot Ruoššabealde. Sii ledje áigá jo smiehtán namuhit dahje "dahkat" Steve Jobs:a  udmurtan. Sis ledje plánat maiddái bovdehit su vai almmolaččat dahkat dan. Muhto... dušše go jamii Steve Jobs, de šaddai son "gudnejahtton udmurtan".
Ovdal jo leat ožžon dakkár "státusa" máŋga dovddus olbmuid. Omd, Jurij Gagarin, Albert Einstein, Emir Kusturica, jna.

In dieđe, leago Sámis dakkár árbivierru namuhit muhtin olbmo "gudnejahtton sápmelažžan"? Juo, lea dego árbivierru gárvodit muhtin dovddus olbmuid dahje konagas-bearraša sámi biktasiidda.

In mun jáhkke ahte sámeservodat livččii dohkkehan dakkár árbivierru, nu mo lea udmurtain.  

Dalvigovva otna beaivvi

Ja-ja..

Bargat vahkuluohppa lea veahá artet. Artet bargat olgobáikis, go buohkat juhket, ja don fas galggat leat áibbas  čilggas. :)  In dieđe vuos man galle vahkuluohpa nágodan dainna lágiin bargat. In gal dan dihte barggan vai dinet hirbmat olu.  Mun lean jo maŋga vahkku smiehtame biila bira. Háliidan Juovlaide dahje maŋŋel Juovlaid oastit Toyota Corolla. Ii fal ođđa, báicce diekkár dábálaš boares Toyota Corolla. Vuosttaš biilla galgá leat veahá boares, vai oahpat álbma ládje vuoddjit. Mus lea goit doaivvu ahte nágodan oastit. Šadda ollu álkit mátkoštit. Ja muđui biilla lea oba vuogas diŋga. 

Muhto várra vuos galggan vuodjinkoarta oažžut. Diehtalas dán mun dagan Murmanskas go dieppe lea ollu hálbbit go Norggas. In gille máksit badjel 20 duhat ruvnno vuodjinkoarta ovddas. Dat gal lea oalle stuorra supmi.   

 Muhto juste dál háliidan vuoiŋŋastit. Lean váibban. Livččii máilmmi buorre jus muhtin gillešii ráhkadit biepmu munnje,  go jur dál in orru nágodeame dahkat ieš dán. Juo, mun lean veahá láikkes diŋga juste dál. :p  

Ok, na gal mun ferten juoga álkkes biepmu ráhkadit. Hás mun basán čuovža. Ii dát galgá ádjanit nu guhka. 

Jeep. Vi snakkes. God smake til meg, og god natt til deg. :p 

   

Noen tanker om literatur

Lea dovdu ahte vájalduhtišgoađan muhtin ruoššasániid. Muhtumin šadda váttis gávdnat rievttis sániid vai nágodit bures čilget dahje muitalit. Bággu eambbo lohkat ruoššagielgirjjiid. Ja muđuige galggan eanet ja eanet lohkat.

Ruošša mediain lei sáhka ahte ruoššanuorat eai viššal šat lohkat girjelašvuođa. Lohke ahte logi jagi das ovdal gaskkamearalaš nuorra olmmoš olii lohkat 40-50 girjji ovtta jagis. Dál lea buorre jus nuoraidskuvllain okta oahppi lohká 10 girjji jagis. Áššedovddit ákkastallet  dainna lágiin ahte interneahtta dihte nuorat eai obage gille šat lohkat dábálaš girjjiid. Mun ieš in leat dakkár olmmoš gii láve lohkat girjji juohke beaivvi.  Dat gal lea váivvi, mu mielas goit. Juo, mun logan aviisaiid, artihkkaliid interneahtas, muhto eai dat nágot dahkat olbmo "rikkisin". Juo, dát veahkkehit viežžat muhtin dárbbášlaš dieđuid vai čállit skuvlabarggu dahje juoga eará. Muhto eai dakkár dieđut leat "fundamentála", bissovaččat.

Na, gal áigi mielde oainnán masa mun ieš boađán.