Friday, November 10, 2017

Nubbi čálus jagis 2017.

Ná nu blogga. Gusto bođii áigi árvvoštallat maid galggan "duinna" dahkat. Beare muital iežat jurdagiid maid "ieš" jurddašat "munno" oktavuođa birra, mun de loahpas dagan mearradusa. Muhto ale vuordde boahtte jáhkái. Mus ii leat nu olu áiggi. 

Lean mielas rievtti mielde sihkkut eret go in oaidne šat ávkki juste dan bloggas. 

Dearvvuođat,
mun ieš

P.S. blogga bázii jurddašit... 

P.P.S. Dus geas lea maid lohpi buktit oaivviliid. Mun in leat nuuu garas. 😊😎

Tuesday, June 20, 2017

Jagi 2017 vuosttaš čálus

Beare diehtun dahje muitun. Odne, 18. beaivvi geassemánu miehta Murmánskka guovllu lea leamaš muohtti. Murmánskái muohta ollii eahkedii. Lujávrris ja eará báikkiin muhtii iđđida rájes. 

Dálkki birra lei ge dán jagi vuosttáš čálus. 


Monday, May 25, 2015

Instagram

Álgen Instagram konttu: somasmun namman.  :) 

https://instagram.com/somasmun/  


Monday, May 4, 2015

Boasta

Otná jurdda. iige dušše Ruoššas boasta lea nu njoazit, muhto Norggas maid. 
Mannan vahkkus diŋgojin moadde diŋgga. Okta Amazonas USAs galgá boahtit, nubbi fas Norgga neahttabuvddas. 

Vássan meastá vahku dás rájes go diŋgojin. Amazona páhkka lea jo ollen Norgii odne, muhto norgapáhkka lea ain Ušlus, terminalas. 

Goabba páhkka de olle Guovdageidnui jođaneabbo? ;)  

Wednesday, April 22, 2015

"ON-beivvit"

Árbevirolaččat cuoŋŋománu loahpageahčen  sápmelaš johtá ja budalda New-York gávpogis álgoálbmot áššiid lokten ja čálmmustahttin dihtii Bistevaš Forumas. 

Ja árbevirolaččat ge NRK Ođđasat​ dahje muđui ge sámemediat čuvvot dán sápmelaš johtima duon bealde ábi.

De das ge jurddašan filosofalaččat, iigo son dasto heivešii kálendariidda merket lássi merkabeaivin, dahje olles mearkavahkun dan vahkku go sápmelaš johtá Bistevaš Forumas? Ii dárbbat politihkkii čatnat, muhto báicce dálkái dahje jáhkeáigodahkii.  Dán vahkkus sáhttašii leat namma  "ON-beivvit" (FN-dagene) ja oanehis čilgehus sullii ná: "Go leat ON-beivvit, de mearkkáša dat ahte fárgga giđđa-geassi  ja ruonas boahtiba Sápmái" 

Friday, March 20, 2015

Guokte

Aiddo odne gullen ahte bloggen šattai dološ lágan vuohkin ovdanbuktit/juogadit jurdagiid. Ná... dahje nu mo livččii dadjan dáža: "tja..." 

P.S. Livččii gusto somá diehtit gallis eai leat almmuhan govaid otná beaivvi dáhpáhusas namalassii go sevnnjodii beaivváš. Mun goit in leat dahkan dan. In ge govvejin. In ge ollu beroštin dán dáhpáhusas. 





Monday, March 9, 2015