...

Hallo! Lean fas dáppe  Guovdageainnus. Ledjen beannot vahku eret. Áigi lea čállit dahje ráhkkanišgoahtit  skuvllii. Ferten dan lohkanbájis gárvvet bacheloroahpu journalistihkas. Dát ii leat nu ollu maiguin galggan bargat, muhto dá lea eará dáfus lossát.  Lea lossát ieš álddis  lohkagoahtit daid girjjiid vai bures lahkai birget daiguin eksámenaiguin maid galggan váldit dán lohkanbájis. Muhto ja-ja.. 

Muđui...Odne vihken 5 km. Dá ii leat gal ollu, muhto dan geažil go mus lei beannotvahkosaš vuoiŋŋástan boddu, de lei baggu álgit viehkat 5 km:is.  
Boahtte háve fas lea áiggumuš 8 km viehkat. Galggan oaidnit mo dovddan ieža juolggiid ja muđui gorruda.   
   
Na juo, dát gal lei visot otnážii :p

Boradanboddu

Ikte eahkedis fas ledjen ráhkkadeame borramuša ommana siste. Maŋimuš áige liikon olu ráhkkadit biepmu ommana siste. 


Dađibahábut ii mus lean bohccobierggu... danin fertejin atnit dat bierggu maid osten Remas.  


Jus háliidat ráhkkadit diekkár borramuša, de don dárbbašat:
1. Sullii 1 kg bierggu 
2. 2 shampinjona
3. 1 lávki 
4. salti ja bihppor
5. Omman ja elravdnji 

Dás oainnát muhtin "steps". 


Dá leat bihppor ja "Kjøtt&Grill krydder" 

 Dás oainnát juo čuhppojuvvon bierggu unná bihtáidde. Go leat čuohppan, de bija dáid biergobihtáid lihttái maid dábbalaččat anát ommana siste. Dieđusge dan muttus go bijat dáid lihttái, de galggat muitit sálttet, bihpporasit  ja grydderastit.  

 

Go leat jo sáltten, bihpporastin ja grydderastin, de galggat čuohppastit ovtta lávkki ja guokte shampinjonga. Mun gal liikon shampinjongaide olu, danin dávjá biepmu rájkkadeamis anán dáid. 

Go leat bidjan buot lihtái, de oaččut gokčat lihti foliin. Bijat ommanii dan. Ja sullii 1,5 dii. doalla dan ommanis. Galgá leat sullii 170 liegga gráda ommanis. 

De 1,5 dii. maŋŋá borramuš lea giksan. Muhto muite fal garnira ráhkkadišgoahtit sullii 20 min. ovdal go biergu galgá giksat. 

Dán háve gárnira mus lei rissi.  


Leage buorre! :)
Bon Appetit! :)

Jurdilan

Lea miella blogget odne. Bearjadaga eahkedis lean bargán juoidá allaskuvlas. Govvejin veahá. Govvejin dáid fiina dujiid maid leat allaskuvlas. Ja go ledjen jo vuolgime olggos, de fuobmájin ruskalihti váldouvssa luhtte. Masa lei bálkestuvvon Giddagasas teahterčájalmasa plákahta. Oanehis eallin gal lea dakkár govain. Naba dáid teahterčájálmasaid? Man guhkes eallin lea teahterčájálmasas? Ja muđui ge "kulturprodukšuvnnas"?

Ja dii várra lehpet oaidnán ahte mun álmmuhin iežan guvssi govaid. Vuoi, dát gal lea máilbmi stuora prošeakta dahkat dán guvssi. Muhto giitán mu olbmá, Denis.

Kom i Kautokeino. Bohten Guovdageainnui.

De dál lean fas Guovdageaidnus. Lean buori mielas. Ledje buori beaivvit Kárašjogas ja Beaskenjárggas. Dieđus ii fal buot skihpariiguin deivven dieppe. Soapmasat ledje Oslos, Tromssas, Snoåssas, Fredrikstadas ja sarvvabivdus. Muhto lihká buore áigi lei. Livččen várra vahku dahje moadde vahku leahkit dieppe.

Muhto dál lean fas Guovdageaidnus. Ihttin fas lea skuvlla. Denis mu olmmái gal lea juo ruovttus, iežas eamida luhtte. Vahkku galggan okto dáppe moivvet. Vuosttaš maid dagan dál, de ráhkkadan biepmu. Ja ihttin várra, jus boahtá miella, de doallan čorgenbeaivvi.

Juo, galggan várra dadjat ahte álgen dárustit veahá. Ovdamearka dihtii:
Jeg kom fra Karasjok til Kautokeino i kveld. Jeg skal kjøp å bok "Mu vuosttaš duhat sánit dárogillii". :D

Muhto dál bijan johtui ruoššaođđasat neahtta bokte. Dan gal ferten dahkat vai diehtit mii dáhpáhuvvai Ruoššas. :D