Ikte mus lei oalle ollu govvenbarggu. Govvejin dansejeaddjjiid. Loahpas galget šaddat "pressebilder" ja plakahtagovat. Galgašin vel odne govvet, muhto dálki geažil ii šaddan odne govvenproseassa. Go odne lea plána olggun govvet. 


Ikte maiddái vuosttaš geardde lea filbmejin iežan lei miella filbmaža bokte sáddet lihkkusávaldagaid buot nissoniidda ja nieiddaide. Suddu go ráhkkadin dán ruoššagillii dušše. Boahtte háve galggan sámegillii juoidá hutkat, omd. go lean ráhkkadeame borramuša. :p 


Maid vel? Na juo. Dán mánus ilbmai máilbmái Š-bláđđi. Leat oalle miellagiddevaččat muhtun artihkkalat. Maiddái fuobmájin muhtun sániid maid in leat gullan ovdal. Dá lea buorre álo juoidá ođđa oahppat. Muhto in mun sáhtte dadjat ahte Š-bláđđi lea mu fávorita bláđđi. Juo, 4-5 jagi das ovdal go mun vuosttaš geardde oidnen dán bláđi de mun smihten "man buorre go lea dakkár bláđđi! Man coola dat lea!" Dalle mun álo vurden ođđa nummira bláđis. Muhto dál lean vissa ieš rievdan. Ii mus gal lea dál seammá reakšuvdna go ovdal. Juo, dat lea buorre go lea dakkár bláđđi ja čáđa sámegillii. Galgašii vel ráhkkadit neahttasiidu, dalle gal livččii máilbmi buorre dáhku! Muhto dat gal lea ruhta duohken ja eará rešursaid duohken. 


Fargga galggan vuolgit hárjehallat. Dáppe Diehtosiidas. 

Boradanboddu

Ikte eahkedis fas ledjen ráhkkadeame borramuša ommana siste. Maŋimuš áige liikon olu ráhkkadit biepmu ommana siste. 


Dađibahábut ii mus lean bohccobierggu... danin fertejin atnit dat bierggu maid osten Remas.  


Jus háliidat ráhkkadit diekkár borramuša, de don dárbbašat:
1. Sullii 1 kg bierggu 
2. 2 shampinjona
3. 1 lávki 
4. salti ja bihppor
5. Omman ja elravdnji 

Dás oainnát muhtin "steps". 


Dá leat bihppor ja "Kjøtt&Grill krydder" 

 Dás oainnát juo čuhppojuvvon bierggu unná bihtáidde. Go leat čuohppan, de bija dáid biergobihtáid lihttái maid dábbalaččat anát ommana siste. Dieđusge dan muttus go bijat dáid lihttái, de galggat muitit sálttet, bihpporasit  ja grydderastit.  

 

Go leat jo sáltten, bihpporastin ja grydderastin, de galggat čuohppastit ovtta lávkki ja guokte shampinjonga. Mun gal liikon shampinjongaide olu, danin dávjá biepmu rájkkadeamis anán dáid. 

Go leat bidjan buot lihtái, de oaččut gokčat lihti foliin. Bijat ommanii dan. Ja sullii 1,5 dii. doalla dan ommanis. Galgá leat sullii 170 liegga gráda ommanis. 

De 1,5 dii. maŋŋá borramuš lea giksan. Muhto muite fal garnira ráhkkadišgoahtit sullii 20 min. ovdal go biergu galgá giksat. 

Dán háve gárnira mus lei rissi.  


Leage buorre! :)
Bon Appetit! :)

Earáhusat

Lea ártet guldalit ruošša ártistaid dahje  musihkariid go sii lávlogoahtit eŋgelasgillii dahje eará gielain... In dieđe manne nu. Nu mo dat beakkán ruošša juovku MUMII TROLL. 


Lea áibbas eará dovdu go dát juovku lea lávlame ruoššagillii ja de fas eŋgelasgillii. Dieđan ahte dá juovku lea hui bivnnut maiddái Japanas, go juovku vokalista máhttá vel japanagillii lávlut. Maiddái dát juovku doallai konsearta Barents Spektakelis 


Ja dat leat fas musihkavideot. Okta lea ruoššagillii, nubbi fas sámegillii  eŋgelasgillii. :p  In dieđe oainnát go don earáhusa, muhto goit mun oainnán. 

Refleksvest

Odne olbmáin ja seammás mu ránnjáin ostiime 25 mánáidrefleksvesta. Boahtte vahku olmmái buktá dáid  Lujávri mánáidgárdái. Fuobmaime odne gávpis ahte dat eai mávsse nu ollu ja ostiime daid. Mis han leat 2 mánáidgárdi. Okta dain lea jo ožžon dakkár refleksvestaid, dál lea vuorru nuppi mánáidgárdi oažžut dáid.

Maiddái  odne leat boahtán visitkoartat ja 4 T-báidi maid diŋgojin neahtta bádjel. Muhto in gal diehtán ahte dat fitnodat lea Ođđa Zelandas,  danne fertejin máksit lássiruđaid... :(

Ale fal boagusta! :D  Dál mun smiehtan maid galggan bargat daiguin T-báidiiguin... 

Miellagiddevaš govat dahje sárgumat

The big brother
Nomerz / 2010 / Nizhniy Novgorod



The tower man 
Nomerz / 2011 / Perm



Open your eyes 
Nomerz / 2011 / Irkutsk



The faces 
Nomerz / 2011 / Perm 


Eanet diekkár miellagiddevaš govaid gávnnat dán siidus: http://nomerz.blogspot.com/p/living-wall.html
Dáid govaid dahje mo dáid sárgumiid gohččodit... gávdno muhtin ruošša gávpogiin. 

Ságat Lujávrri gielddas

Odne lohken oba váives ođasášši. Guoladátnjárggas, Lujávrri gielddas "Olenevod" nammasaš boazofitnodagas ávžžuhit dahje baggejit boazodoliid gođđit ieža bohccuid.  Fitnodaga váldoolmmoš ja jođiheaddji A. Reizvih čálii dokumeanta maid sáhttá jorgalit eŋgelásgillii dainna lágiin: "Establishing the fees for  grazing private reindeer".  Váldoulbmil dáinna báhpiriin lea stuoridit  boazofitnodaga oktasaš eallu ja lássihit bierggu buvttadeapmi, ná čilgehuvvo dokumeantas ja dan čállá b-port. 

Jus boazodoalli háliida átnit Olenevod  nammasaš fitnodaga eatnamiid ja guohtumiid ieža eallu dihtii dahje varas, de dát boazadoalli ferte máksit mánosaččat fitnodohkii 1000-2000 rubela juohke áidna bohccos (200-400 ruvnno).   Jus boazodoalli lea mielbargi Olenevod nammasaš boazofitnodagas, de oažžu diktit 12 bohcco (!!!)  nuvttá fitnodaga eatnamiin ja guohtumiin. Muđui ferte máksit.  Fuom.! Boazodoali bálká lea sullii 10000 rubela dahje 2000 ruvnno mánnui.  Dát gal lea menddo unnán.   

Seammás rievddadusat gusket boazodolliidda - penšuanistaide. Go ođđa njuolgadusaid meilde  sis lea lohpi dušše 6 bohcco diktit nuvttá Olenevod nammasaš boazofitnodagas. 

Gáldu: B-port. 

Historjállaččat Sovjet áige rájes lei nu ahte boazodolliin lei lohpi áibbas nuvttá diktit ieža smávvit ealluid kolhoza ja sovhoza eatnamiin ja guohtumiin.  Vissa ođđa váldoolmmoš Olenevod nammasaš boazofitnodagas ii gille joatkit dološ vierru. 

Galggan vel čilget ovtta ášši dát olmmoš lea gávppeolmmái. Sutnje boazodoallu ii leat makkárge árbivierru ja son ge ii goassige ovdal gullan boazodollui sogalaččat.  

Lihkus Tundra boazofitnodagas jođiheaddji ja stivra čuvvot goit boares vieruid. 

  

Okta-guokte-golbma...

Mun in goassige govvejin guovssahasaid.  Dieđus mun lean máŋgii oaidnán dáid sihke ruovttuguovlluin ja dáppe Guovdageainnus. Muhto in goassige govvejin. Váikko dál lean veahá oahppan mo galgá govvet, de liikka  mus eai leat guovssahasaid govaid. 

In mun gal dan dihte stresseluvvon, dahje váivvašuvvon. Muhto lea juogá iežan oaivvi čihkosis maid dego savkala: 

"Ná, goas  vuolggát govvet daid guovssahasiad? Orut olles eallima davviguovlluin ja ii leat makkárge gova..."   

De fas lea eará dego jietna maid savkala áibbas nuppeladje: 

"Na manne bat don galggat govvet daid guovssahasaid? Don gal leat máŋgii oaidnán dáid iežan eallimis. Maiddái neahttas leat váikko man ollu guovssahasa govaid..."    

Hm, hm.... Manne bat mun álgen guovssahasaid čállit? Iigo gávdno eará man birra livččii vejolaš muitalit?  Juo-juo. 

Jurdagat gal jorret oaivvis nu go álo, ja nu go buohkkain...   

Na juste fal! odne gal mus leat guokte buorre ođđasa. Vuosttaš - mun ožžon stipeandda, nubbi - bođii Rica Hotealla miellahttukoarta. Juste dál in gal áibbas sihkkar man dávjá boađán atnit dan koarta go in gal láve nu dávjá bissánit Rica hoteallain ja muđuige hoteallain... 

Diibmu lea juo badjel gávcci iđđida. Fárgga diibmu ovccis galggán skuvlii, čoahkkimii... 

Ja-ja...Buorre iđđit dutnje gii gillejit lohkat dán jierbmakeahtes čállosa :)