Ruoktomiella

Dás mun orun, Lujávrris, unná sámebáikkis illá stuorit go Guovdageaidnu dahje Kárašjohka. Fargga vuolggán ruoktot. 18 b. dán mánu. Meastá guokte vahku geahčen.

Dáid govaid lea govven mu buorre olmmái ja govvejeaddji Andrey Bezlepkin. Dá lea linka su facebook profilii.
Muhto vuos geahčá govaid! Fuom! Ii son atná photoshopa nu ollu. Ja daid govaid govven jo dábálaš govvenaparahtain, iige digitála. Vuosttáš govas oidno Lujávri - jávri.

Seidjávrri oidno.

Lujávrri city - Bures boahtin!

Lujávris leat guokte oasi viesuid. Vuosttáš lea nu go dán govas. Ja nubbi oassi - dekkár blokkaviesut, nu go leat Oslos.

Otná jurdagat

Vuoi-vuoi! In sáhtte eará sániiguin čilget makkár dovdut leat dan skuvlaeksámeniin. Jus dus livčče muhtin buorre cavgileamit kulturjuornalistihka birra, de beare sáddes munnje daid. Oainnát dát mii lea váttis, dá lea bággu čujut pensumii, muhti ii son gávdna sámegillii. Makkár pensumii galggan čujuhit?

Muhto ii fal dan birra háliidan čállit. Ikte eahkedis fuobmájin ahte mu olmmái ja blogger Ville leage maid čeahppi musihkkar. Lei somá guldalit su musihkkaprošeavttaid "The ođđasat" ja nubbi in muitte namma das, muhto dá lea dakkár jazzprošeakta. Lea hirbmat buorre go olmmoš duostá nu ollu bargat iešguđet suorgiin.

Gii diehtá soaittan munge ieš álggan musihkkasuorgis juoidá bargat, galgá dušše bidjat eambbo návccaid dasa. Ii son lea nu várálaš, várra... :D

Nu lea beaivi. :D

Vuoi dát beaivi ii vel gal nogái, muhto gal leat vel iešguđetlágan doaimmát. Dat gal lea buorre. Go olmmoš bargá, de son eallá. Nu de ferte.

Váikko in leat morridin odne nu árrat, go galgášin vai ollet skuvllii, muhto goitge ollejin dohko. Sáhttán dadjat ahte lea buorre beaivi odne gal.  Skuvlas oččuimet juo bárgobihtat kulturjournalistihkas. Galgat árvoštállat ovtta filmma, nammalássii "The Tundra settlers", mii lei dáhkkon Anne Lajla Utsi:in.

Maiddái min luohká ferte ráhkadit ovtta aviisa Eamibáikenamaid riikkaidgaskasaš konferánsa oktavuođas. Olles 16 siidu galget leat, lihkkus ovtta oasi dás galgá leat jorggaluvvo eaŋgelasgillii.

Viimát boahtá mu olmmái ja rannjá Denis! Váikko odne galggan čállit dán árvoštállama filmmii, de jugistan ovtta smávva lásežža ruošša vodka su boahtima ovddas. Nu lea árbivierru Ruoššas.

Maiddái lean fitnan hárjehállamis. Lei buorre ja lossát oktanaga.

Dál bidjen johtui  Wimme "Mun"-skearru. Liikon dán musihkii. Muđui liikon Wimme musihkii. Sus lea juoidá earenoamáš, sihke su jienas ja šuoŋas, masa in goassige dolkán.  Muhto dán skearus sus lea buorre ovttasbargu, mu miellas goitge, Ulla Pirttijarvi:in.

"O, Paris!..O, Paris!.." nu jorret sánit mu oaivvis dan lávlaga maŋŋil. Galggan ođđassii  bidjat dán johtui.