Showing posts with label facebook. Show all posts
Showing posts with label facebook. Show all posts

Monday, February 14, 2011

diet jurdagat...

In gal dieđe, leango ieš fuobmájin vai leango lohkán ovdal gos nu.... Muhto jorrá mu oaivvis okta jearaldat: Manne bat facebookas lea dát boallu "Mun liikon", muhto seammás ii leat "Mun in liiko"?
Vai galggan go mun dulkot dán dainna lágiin ahte buohkat facebook-ustibat geat eai leat deaddilan boallu "Mun liikon". de eai liiko dán vai duon?! Nei, dát gal livččii oalle ártet.

Man dávjá don lávet deaddilit  dán boalu "Mun liikon"? Man dihte dán galgá deaddilit? Juo, mun maid láven oalle dávjá deaddilit dán "Mun liikon". Muhto leago son álo nu ahte "Mun liikon" diesa vai dosa? Leat várra guokte dili go mun sáhtán deaddilit "mun liikon", vuos jus govas omd. oainnán čáppa nieidda dahje jus govva lea bures govvejuovvon, de gal - "mun liikon".  Muhto "mun liikon" sáhttá deaddilit váikko man vuolde: gova, státusa jna...

Vuoi-vuoi... :D
Báicce álggán filbma geahčat ja de oađđit.

Tuesday, November 23, 2010

virus?

Vuoi-vuoi... mii bat geavai dan ija mu facebooka profiilain? Soames geahččalii suoládit mu profiila. Sáddii dievva dieđu mu olbmáide. Lei baggu rievdadit beassansáni odne.

Sunday, September 12, 2010

gergen

Nu viimat! lean geargan bargat Ijahis idja festivála govaiguin. Dál bidjen daid fecebookai ja lean bidjame flickr:ii.
Dál ii leat báhcan eará go geahččat filmma ja oađđit. Ihttin fás lea skuvlla.  

Monday, September 6, 2010

lean suhtan

Vaikko lohpidin muitalit ivtta mátki birra. Muhto várra šaddá máŋŋelaš čállit. Daningo dál galggan dadjat ahte oččon pássa ja visuma! Hurra! Dán jagi oalle jođanit sii ledje dahkan visuma. In lean vuorddan nu árrat. Smihten ahte oažžun dán mánu geahčen. 

Muhto nubbi maid galggan dadjat ii lea nu somás ášši. Lávordaga fitnen Bákteharrjji konsearta máŋŋil Marasii. Ja dieppe deivven ovtta oahpes olbma, gii barga Guovdageainnubáikkalašradios. Son logái munnje ahte lea suolladan mus gova. Jerren diekkár gova mas son lea? Son vástidii: - ii, Egil Keskitallo gova.  - Manin? jerrahállan sus. - Kauto Live plákahtii. Birru, iige jerrái mus lobi, iige mávssan dán ovddas. Dasa lásiin mun ieš lean mávssan dalle 500 ruvnno festiválapássa ovddas. 

Dál smiehtan válddit bájas dát ášši. Dát ii orru nu buorre. Ingoassege jurdilin, ahte dakkár sáhttá dáhpahuvvat Norggas. Mun gal lean suhtan.  Dán gova lea viežžan facebookas. 

Wednesday, August 25, 2010

00.45

Hmm. Lean fuobmán dasa, ahte dolkagoađan facebookas. Dá válddo nu ollu áigi, mii livččen earáládje gollahit. Ovdamearka dihte dudjot, govvet, lohkat girjjit, hárjehállat, hupmat olbmuiguin (ii lea seamma go čátta).

Dalle go ráhpen dát facebook-kontu dahje profiila, de jurddašin giella birra. Facebook lei dego muhtin muttui oahpponeavvun. Dieđus dat  veahkehii hui bures sihke oahpat ođđa sánit ja maiddái veahkehii álggit  geavahit daid sániid.

Muhto mii bat geavvái dál? Lean várra dolkán facebookas. Ja iešge lean fuobmán ahte máŋimuš áiggit in leat nu davjá facebookas. Dahje lean dušše fitnamin dohko 5-10 minuhta dihte.

Dieđusge leat olbmát ja oahppasat dán facebookas. Maiddái leat facebook-oahppasat geaiguin in goassige deaivvadin eallimis, inge čátten facebookas. Mákkar ávki dás lea? Juo, jus sus lea ášši munnje, de beare válde oktavuođa muinna. Muhto ii son daga nu. Son dušše bija mu skihparlistui. Manne? Jus ii áigu maidege jearrat.

Vuoi, áibbas jallajurdagat leat  oaivve siste dál. Berren vuoiŋŋastit ja oađđit.

Buorre idja dahje buorre iđđit!