Wimme vs Máddji

Álggos eará jurdagiid birra. :D
Fuobmájin go in leat čállime bloggai, de blokka lohkiidlohku fáhkka gáhčča vulos. Na ii son lea nu váralaš. Mu mielas goit.

Ihttin mis han álgá njuolggasáddagat Nilut cupa oktavuođas. Muitibehtet fal čuovvut 18.40 rájes. Muhto in gal dieđe makkár neahta siidu vuolde: www.nilut.no dahje www.samiskhs.no Dán háve lean govvejeaddjin. Eará in sáhtte muitalit dán birra. Baicce čuovvu min sáddagiin. ;D Oainnát, galgá leat somá geahččat!

Ikte fas guldalin Wimme CD-skearru "Mun". Oktii vel sáhtán dadjat Wimme lea čeahppi! Hui liikon lávlagii "Paris".
Máiddái guldalin Máddji CD-ckearru "Dobbelis". Várra dá lei goalmmát geardde dán rájes go osten skearru.
Fiinna musihka sus maid. Muhto in duosta namuhit goappa lea buoret. Máddjis gal lea čielga pop-musihkka. Mu oaidnu mielde goit. Wimmes lea fas áibbas eará stiila. Mun lean hutkan iežan namma su stiilii - psycho-electro joik.  
Muhto lea oktasaš diŋga masa liikon hui ollu. Soai guovttos leaba lávlume sámegillii. Dat gal lea máilmmi buorre.
Sámi musihka lea juogá eará, masa várra álohii liikon. 







   

Somá gullat!

lean easke lohken Sámi radio ruovttusiidus, Árdna programma vuolde ahte Wimme vuolgá Kiinái.
Lea sihkkarit šaddá miellagiitevaš tuvra diehko, gos orrot nu ollu olmmoš! Mun ieš várra livččen vuolgit dohko, muhto dušše vahkui. In gal liiko diekkár báikkiide gos orrot nu ollu olmmoš. Muhto suohtasa dihte ja amas kultuvra oahpásnuvvama dihte livččii somá fitnat.

Na Wimme, buori mátki dutnje! Lihkku konseartaiguin ja skearuid vuovdemin!  :)

Nu lea beaivi. :D

Vuoi dát beaivi ii vel gal nogái, muhto gal leat vel iešguđetlágan doaimmát. Dat gal lea buorre. Go olmmoš bargá, de son eallá. Nu de ferte.

Váikko in leat morridin odne nu árrat, go galgášin vai ollet skuvllii, muhto goitge ollejin dohko. Sáhttán dadjat ahte lea buorre beaivi odne gal.  Skuvlas oččuimet juo bárgobihtat kulturjournalistihkas. Galgat árvoštállat ovtta filmma, nammalássii "The Tundra settlers", mii lei dáhkkon Anne Lajla Utsi:in.

Maiddái min luohká ferte ráhkadit ovtta aviisa Eamibáikenamaid riikkaidgaskasaš konferánsa oktavuođas. Olles 16 siidu galget leat, lihkkus ovtta oasi dás galgá leat jorggaluvvo eaŋgelasgillii.

Viimát boahtá mu olmmái ja rannjá Denis! Váikko odne galggan čállit dán árvoštállama filmmii, de jugistan ovtta smávva lásežža ruošša vodka su boahtima ovddas. Nu lea árbivierru Ruoššas.

Maiddái lean fitnan hárjehállamis. Lei buorre ja lossát oktanaga.

Dál bidjen johtui  Wimme "Mun"-skearru. Liikon dán musihkii. Muđui liikon Wimme musihkii. Sus lea juoidá earenoamáš, sihke su jienas ja šuoŋas, masa in goassige dolkán.  Muhto dán skearus sus lea buorre ovttasbargu, mu miellas goitge, Ulla Pirttijarvi:in.

"O, Paris!..O, Paris!.." nu jorret sánit mu oaivvis dan lávlaga maŋŋil. Galggan ođđassii  bidjat dán johtui.

Ijahis idja

Fas lean Guovdageaidnus. Dat lei buorre tuvra, buorre festivála - Ijahis idja, mii lei Ánaris.
Ii dá sáhttá dadjat ahte dá lea stuorra festivála nugo Riddu-Riđđu, muhto lihkká lei buorre lágiduvvojin. Lei vuosttaš geardde go fitnen doppe. Maiddái lei vuosttaš geardde go guldalin Amoc lávdi alde.

Nubbi somás dáhpáhus festivála oktavuođas lei go deivven ovtta oahppes nieidda Ruoššas, Komi republihkas. Son gal lei lávddis lávlume.

Ostten Wimme ođđas skearru "Mun". Muhto lei váttis mearridit Wimme vai SomBY. Oalle guhka smihten ja ostten  Wimme.  :)

Maiddái ostten T-báiddi "Ijahis idja" :D  Gal lean meastá lihkolaš olmmoš.  Livččen illudan jus livččen deaivvan čáppa nieidda. :D

P.S. Ijahis idji gálga fitnat jus liikot álgoálbmogiid musihkii ja unná festiválaide.