De dál mus lea ge áigi čállit dása. Nu movt lean čállán facebooka statusas mus lea vel okta eksámen, de dán maŋŋá vuolggan ruoktot, Ruššii. Muhto ii fal dán birra lea miella čállit. Baicce áibbas eará ášši birra.
Iežan ruoššabloggái lean čállán oalle vuođđulaš smiehtamuša Guoladága sámiid kongreassa birra. Dábálaččat eai leat nu máŋgasat geat komenteret mu čálosiid, muhto ollusat gehččet dán ja lohkat.
Muhto maid mun smiehtan jearrat. Makkár ávki don oainnát Sámedikkis? Movt dát váikuha du? Movt dát buorranii du eallindili? Dahje leatgo du dilit Stuoradiggi buoranan ja ovdanan?
Oktii mun gulen gos nu: ii son váikuha mu, iige buorana dili. Manne mii álgoalbmot miehta máilmmi dárbbašit "Sámedekki"? Iigo son dábálaš eiseváldi sáhtá bargat sámiáššiiguin?
Fertem smiehttat. Oainnát mii ruoššasámit maid áigut ásahit Sámedikki. Ja lea ge jearraldat mo ja mainna lágiin son buorana sámiid dili, jus buot olbmot leat sullii seammá eallidiliin? Iigo son šaddá nu áhte oidnosii bohtet gádašvuođajurdagat. Stuorra searvodat álgá gáibidit máid muhtin rievttiid....
Vuoi-vuoi. Gal ferten veahá vuoiŋŋastit. Mun várra boasttut jurddašan....
No comments:
Post a Comment