Buriid Juovlaid!

Dá lea mu máŋimuš čálus dáppe dan dihte go jo manodaga vuolge Denisain ruoktot, Lujávrái. Ja ruovttus in mun gille dádjut ja golahit dárbbašlaš áiggi neahta dihte. Danin galggan juo dál dadjat dán:

Sávan dutnje mu lohkki buriid Juovlaid ja buore Ođđa jagi!
Sávan don oaččut juovlaskeaŋkan dán maid háliidivččet oažžut.
Sávan ahte don joatkat lohkat mu blogga viidaset maid.
Sávan mun beasan govvet du.
Sávan ráfalaš eallima sihke dutnje ja alccesan
Sávan hutkalaš eallima, hutkalaš jurdagiid.
Sávan alccesan ahte oasttán govvenapparahtta CANON EOS 7D ja objektiivaid.
Sávan buore mokttá sihke dutnje ja alccesan.
Sávan......

De várra galggan veahá konkluderet dán maid leat leamaš dán jagi.
- dán jagi mun lean álgán govvet. Govvejin ollu. Liikon dán bargui.
- dál go jahki lea loahpame sáhtán dadjat ahte mus gal leat olbmát ja sin haga mu birgejupmi ja eallin dáppe ii livčče nu buorrin ja somán.
- Mu nuora oappas riegadii unná nieidaš. Dál son juo leat 9 mánu boaris. Su namma lea Nastja.
- Mun lean álgán hárjehallat.
- lean álgán oahpat dárogiela.
- lean beasán veahá mátkoštit miehta Sámi
- lean fitnán Ođđa-Yorkas. Doppe fal lean oažžon buori oahppu.
- Lean duhtávaš dainna go lean šattán Guovdageinnu sámiid searvvi stivra várrelahtun.
- Lean muhtin láhkái váikuhan dasa ahte Sámi allaskuvla direkteavran šattái buorre ja čeahpes olmmoš.
- ja máŋga eará.
 
Juo, loahpahan vel dainna lágiin.
Giitu dutnje go leat lohkán mu blogga dán jagi.
Giitu fecebook, mu lohkkidlohku lea lássanan du dihte maid.:D

P.S. Jus dus gal livččii munnje juovlaskeaŋka, de dus gal vejolaš áddit dán maŋŋá go boađan ruovttus.
P.P.S. Jus dus han lea miella oažžut ođđa portreahttagova, de áinnas váldde oktavuođa muinna. Mun govven du, ja du ruhta bohtet mu ođđa kamera oastimii. Dahje jus dus lea miella veahkehit mu ruđalaččat, de váldde oktavuođa muinna maŋŋel Juovlaid, ođđajagimánus vaikko facebooka bokte.

Giitu. Oaidnaleapmái boahtte jagis.