Sunday, October 9, 2011

Ja-ja..

Bargat vahkuluohppa lea veahá artet. Artet bargat olgobáikis, go buohkat juhket, ja don fas galggat leat áibbas  čilggas. :)  In dieđe vuos man galle vahkuluohpa nágodan dainna lágiin bargat. In gal dan dihte barggan vai dinet hirbmat olu.  Mun lean jo maŋga vahkku smiehtame biila bira. Háliidan Juovlaide dahje maŋŋel Juovlaid oastit Toyota Corolla. Ii fal ođđa, báicce diekkár dábálaš boares Toyota Corolla. Vuosttaš biilla galgá leat veahá boares, vai oahpat álbma ládje vuoddjit. Mus lea goit doaivvu ahte nágodan oastit. Šadda ollu álkit mátkoštit. Ja muđui biilla lea oba vuogas diŋga. 

Muhto várra vuos galggan vuodjinkoarta oažžut. Diehtalas dán mun dagan Murmanskas go dieppe lea ollu hálbbit go Norggas. In gille máksit badjel 20 duhat ruvnno vuodjinkoarta ovddas. Dat gal lea oalle stuorra supmi.   

 Muhto juste dál háliidan vuoiŋŋastit. Lean váibban. Livččii máilmmi buorre jus muhtin gillešii ráhkadit biepmu munnje,  go jur dál in orru nágodeame dahkat ieš dán. Juo, mun lean veahá láikkes diŋga juste dál. :p  

Ok, na gal mun ferten juoga álkkes biepmu ráhkadit. Hás mun basán čuovža. Ii dát galgá ádjanit nu guhka. 

Jeep. Vi snakkes. God smake til meg, og god natt til deg. :p 
   

Friday, October 7, 2011

Noen tanker om literatur

Lea dovdu ahte vájalduhtišgoađan muhtin ruoššasániid. Muhtumin šadda váttis gávdnat rievttis sániid vai nágodit bures čilget dahje muitalit. Bággu eambbo lohkat ruoššagielgirjjiid. Ja muđuige galggan eanet ja eanet lohkat.

Ruošša mediain lei sáhka ahte ruoššanuorat eai viššal šat lohkat girjelašvuođa. Lohke ahte logi jagi das ovdal gaskkamearalaš nuorra olmmoš olii lohkat 40-50 girjji ovtta jagis. Dál lea buorre jus nuoraidskuvllain okta oahppi lohká 10 girjji jagis. Áššedovddit ákkastallet  dainna lágiin ahte interneahtta dihte nuorat eai obage gille šat lohkat dábálaš girjjiid. Mun ieš in leat dakkár olmmoš gii láve lohkat girjji juohke beaivvi.  Dat gal lea váivvi, mu mielas goit. Juo, mun logan aviisaiid, artihkkaliid interneahtas, muhto eai dat nágot dahkat olbmo "rikkisin". Juo, dát veahkkehit viežžat muhtin dárbbášlaš dieđuid vai čállit skuvlabarggu dahje juoga eará. Muhto eai dakkár dieđut leat "fundamentála", bissovaččat.

Na, gal áigi mielde oainnán masa mun ieš boađán.




  

Thursday, September 29, 2011

ingen sover...

Diibmu lea oalle máŋŋit. Nahkkarat eai obage boahtán. Váikko lean leamaš hárjehallame odne. Vihken 40 minuvtta. Dan áiggis nágodin gávcci kilomehtera. Boahtte mánu rájes lea áigumuš lássanit viehkanáiggi 10 minuvttain. De šadda somá oaidnit nágodan go 50 min. siste ollet 10 kilomehtera.

Maiddái dán vahku rájes lean barggus Sámi allaskuvllas. Barggan giellaveahkin ruoššastudeanttaide. Oktiibuot 125 diimmu galggan bargat. Váikko lean jo goalmmát jagi barggan dainna lágiin, muhto lihkla váttis lea. Stuorra váttisvuohta lea nágodit čilget vuođđu sámegrámmatihkas oahpponeavvuid haga. Ferten álo ieš fuobmát mo, maid, man birra beren muitalit.

Vissa lea áigi juoidá čállit nu go smavvvá oahpponeavvu mas sáhtášin oanehaččat čilget sámegiela grámmatihka.

Maiddái olbmot lávejit jearrat mus sáhtán go doallat smavvá ruoššagiela kursa. Livččii dieđus somá ja hástaleaddji dakkár hommá. Muhto mo dán čoavdit praktihkalaččat? Go mus ii leat makkárge fitnodaga, iige lea sierra gelbolašvuođa? Vai dohkke go jus dušše ráhkkadan "event" facebookas ja dákko bokte bovden olbmuid?

Hmm...
De dál ferten fas geahččalit oađđit.

  

Tuesday, September 20, 2011

Dološ govvamuittut






























Dát govva vissa lei govven jagis 2003s. Dalle go mun jo vázzen Murmánska Universitehtta.
Várra mii leimmet ávvudeame Halloween. :D

Thursday, September 15, 2011

From Jakutsk

Diekkár smávva skeaŋkaš mun lean ožžn dán vahku. Bođii Ruoššas, Jakutskas. Nu mo oainnát dies leat bohccot ja beaivváš. Ja lea ge dás namma "Kharyshal" . Ná Giitu! :)

Tuesday, September 13, 2011

Muhtin vásáhusat ja oaivilat

Skuvlabargu 
Dán ija olles fárttain čállen skuvlabarggu - esseja, logisiidosaš čállus "Eamiálbmogat našunála mediain". Váikko lean ožžon dán bargobihtá easká borgemánu loahpas. De ii lean vejolaš čállitgohtit dán barggu ikte. Go dán ovdal lean čállán fas eará skuvlabarggu maid galgášin rievtti meilde gárvet jo meissemánus.

In gal muite goas lei máŋimuš háve ná oanehis áigis ledjen čálleme skuvlabargguid. Vissa go lean vázzán alitoahpui Murmánskas. Dalle mis ledje juohke áidna vahku sullasaš ruovttubarggut. Maid ii sáhttá dadjat Sámi allaskuvla birra.

Muhto goit mun nágodin ja sáddejin sisa dán skuvlabarggu.


Válgat 
Seammás ikte ledje iešguđetlágan válgat. In mun leat vuos guhká orron Norggas, dan sivas ii ge leat rievtti jienástit. Ná jus livččii diekkár riekti ja vejolaš gean ovddas galgášin jienástit? Váttis dadjat. In mun ge goit oaidnán ii ovttage beallodatorográmma, ii mihkkige diekkára maid sáhttášii áddit vejolaš oahppasnuvvat bellodagaidprogámmaiguin ja sin áigumušaiguin.

Ruoššas válgakámpanijaid oktavuođas iešguđetge dásis bellodahkain ja evttohasain lea buorre diehtojuohkin, jna. Dán dáfus lea stuorra erohus mo lágiduvvojit  válgakápmanijat dáppe ja dieppe.

Soaitá stuorra gávpogiin leat iešguđetlágan diehtojuohkin doaimmát bellodahkain. Muhto dáppe davvin diekkár in oba ge vássihin.


Ođđasat
Ikte maiddái oidnen ođđa Š-bláđi. In leat vuos lohkán dán. Veahá dušše guovlustin ja oidnen ahte Niilas Holmbergis álmmuhuvvui unná skerroš guovtti vai njealle lávlagiin. Maiddái Duolva Duottar álmmuhii skearru.
In leat oaidnán dáid vuos.

Niilas Holmberg skearru mus han lea miella guldalit ja oastit. Duolva Duottar, naaaaa.... In gal gosssige lean leamaš rap-misihka stuorra fánan. Galggán vuos guldalit movt dát orru. Ja jus mun riektá ipmirdin eanáš oassi lávlagiid leat boarrasat. Na, juste dál mun in leat gearggus oastit diekkár skearru.

Muđui háliidan čađa lohkat dán Š. Seammás mus bođii millii jearraldat: manne bat ii oidno sámi allaskuvlas NUORAT bláđi studeanttiad váras? Livččii oba buorre oaidnit sihke Š ja NUORAT.

Vahkkoluohppa
Rievtti mielde galgášin čállit duon skuvlabarggu, muhto ii dat leamaš miella. In ge diehtán maid galgen čállit.
Muhto lean fitnan HØSTFEST:ii Bottus. Ná dát gal lei buorre. Diehtálas mun bohten SomBY dihte go in leat govven ovdal sin ja maiddái danne go liikon sin musihkkii. Eará jovkkuid bearjdaga in leat guldalin ge. In ge dieđe dáid jovkkuid nammaid.
Lávvordaga váikko ledje beare rap-artistat, de buori miellain vulgen Boddui. Váikko in liiko rap seamma ládje go rock ja eará šlájaid, de liikojin maid guldalin sihke Áivvan, Amoc ja SlinCraze. In ge sáhttá dadjat gii lea buoremus dain. Sii ledje buohkat čeahppit.
Livččii áinnas buorre dávjábut doallat sullasaš konsearttaid Guovdageainnus, go eai leat beare ollu ástoáigifálaldagait dáppe.

Ná sullie nie. :)

Sunday, September 4, 2011

Gos leat olbmot?

Sotnábeaivi. Mun lean ain Guovdageainnus. Pássa haga ja vissuma haga. Doaivvumis fárgga oaččun dáid ruovttoluotta. De go oaččun, de vuolggán gosa nu gos leat olbmot. Gos oidno olbmuid márkanis.

Mun lean jo máŋga jagi orrun dáppe, Guovdageainnus. Muhto ain munnje lea imáš go eai oidno olbmuid márkanis. Dušše biilat diehko ja dohko vudjet. Birru, in goassige várra sáhtán hárjanit dása ahte eai obage oidno olbmuid. Juo, máŋga olbmot vissa leat meahcciin, duottariin dahje gos nu. Vai leatgo buohkat oktanaga leat vuolggán gosa nu?

In dieđe. Man guhká sáhtán ná orrut. In goassige Lujávrris dahje Kárášjogas sáhttášii ná dáhpahuvvat  go eai oidno olbmuid márkaniin.  Mii bat galgá dáhpahuvvat Guovdageainnus vai olbmuid livčče vejolaš deaivvadit márkanis vázzime dahje sihkkelastime juohke beaivi?

Dál lean skuvlas. Lean čállime skuvlabarggu. Ii fal dán dihte go lean hirbmat mielas čállit dán barggu. Muhto baicce dan dihte vai mánnodat láhkonišgoađii. De muhtin ládje Guovdageaidnu fas ealaskahtta. Mun jáhkkán dása.

Vuoi-vuoi.