Wednesday, April 22, 2015

"ON-beivvit"

Árbevirolaččat cuoŋŋománu loahpageahčen  sápmelaš johtá ja budalda New-York gávpogis álgoálbmot áššiid lokten ja čálmmustahttin dihtii Bistevaš Forumas. 

Ja árbevirolaččat ge NRK Ođđasat​ dahje muđui ge sámemediat čuvvot dán sápmelaš johtima duon bealde ábi.

De das ge jurddašan filosofalaččat, iigo son dasto heivešii kálendariidda merket lássi merkabeaivin, dahje olles mearkavahkun dan vahkku go sápmelaš johtá Bistevaš Forumas? Ii dárbbat politihkkii čatnat, muhto báicce dálkái dahje jáhkeáigodahkii.  Dán vahkkus sáhttašii leat namma  "ON-beivvit" (FN-dagene) ja oanehis čilgehus sullii ná: "Go leat ON-beivvit, de mearkkáša dat ahte fárgga giđđa-geassi  ja ruonas boahtiba Sápmái" 

Friday, March 20, 2015

Guokte

Aiddo odne gullen ahte bloggen šattai dološ lágan vuohkin ovdanbuktit/juogadit jurdagiid. Ná... dahje nu mo livččii dadjan dáža: "tja..." 

P.S. Livččii gusto somá diehtit gallis eai leat almmuhan govaid otná beaivvi dáhpáhusas namalassii go sevnnjodii beaivváš. Mun goit in leat dahkan dan. In ge govvejin. In ge ollu beroštin dán dáhpáhusas. 





Monday, March 9, 2015

Saturday, May 31, 2014

Ilmmai čálus

Hui ollu sáhttášin muitalit muhto in astta. Leat ollu áššit maid galggašin doaimmahit. 

P.S. Čállen amas ii jurdil ahte heaittihin bloggemis. ;) 

Tuesday, April 29, 2014

Jus beroštat koserijjas....

...maid mun doaimmahin, de deaddil dákko. (muhto neahtas leat golbma, eaige vihtta. In dieđe manne.)  

Tuesday, April 1, 2014

Vuosttáš beaivi cuoŋománus

Mus lei vissa lihkku go ii oktage leat dájuhan mu odne. In ge mun dan dahken :) 

Gal soaitit boahtte jagi fuomášan/hutkkan suohtasiid. :)

P.S. Fitnen geahččame teáhterbihtá Áillohačča birra "Beaivvi bardni" man nekte Beaivváš Sámi Našunálateáhtera ja Ruska Ensemble neavttárat. Jáhkán boađán vel nuppes geahččat go dan čájehuvvo Guovdageainnus  Beassášvahkus.  

Monday, February 17, 2014

Grámatihka tearpmaid birra

Klusiillat. Nasálat. Frikatiivvat. Laterálat. Tremulánttat. Affrikáhtat. <3 <3 <3 

Jáhkán dáid sániid sáhttá geavahit muđuige njálmmalašgielas. Ii ge dušše go háliidat čilget muhtin áššiid sámegielgrámatihkas. (Dál gal dieđus mun dieđán masa dát sánit gullet, muhto in daja dutnje :p ) 

Omd., - Gal don leat frikatiiva odne! 
dahje: - Gal dus dat klusiillat leat nu guhkki! 

Dieđus jus olmmoš máhttá dáid sániid ovdalaččas, de dieđus dalle dát ovdamearkat eai mearkkaš ii maidege rievtti mielde sutnje. (Dál gal dieđus mun dieđán masa dát sánit gullet, muhto in daja dutnje :p )  

Dieđus dál go álgen vuđoleabbo lohkat sámegiela, de álgen ieš ge oahpat dáid sániid mearkkášupmi. Muhto ovdal gal in gulan ii Ruošša girkkus ge dáid sániid birra: klusiillat, nasálat....   Munnje dát sánit eai livčče mearkkašan maidege... dahje jus mun gulašin omd.: - Gal dus dat klusiillat leat nu guhkki! De vuosttaš signála oaivis livččii: - hæ????!!!! Oja! Mahkaš olmmái geahččala čájehit iežas jierbmi! Mahkaš dat máhttá ollu. (Dá livččii dakkár dovdu go humadat profesoriin dahje fágalašolbmuin geat lávejit dávjá geavahit dakkár sániid mat dábálaš  olmmoš ovtta ládje  dovdá muhto eai geava juohke áidna beaivi, ja álgá veahá smiehtastit, jurdilit gullon sáni birra. ...) 

Muhto daid "frikatiivvat" ja "klusiillat" sániid oktavuođas, dá lea beare somá! Livččii somá dadjat muhtin beaivi gos nu dáid cealkkagiid:  - Gal don leat frikatiiva odne! 
- Gal dus dat klusiillat leat nu guhkki!