Friday, August 9, 2013

Nu dat lea

Vahkku vel lea báhcán mus vuoiŋŋastit dáppe Beskkenjarggas ovdal go boađán fas Guovdageaidnui. 

Dál de IndigenousTweets ja IndigenousBlogs siidduid bokte (http://indigenoustweets.com) isken stitistihkalaš dieđuid. Muhtumin dat lea oba somás homma lohkat dahje geahččat statishtihkadieđuid.

Dan siidduid dieđuid mielde statistihkka lea ná: 
Twitteris mus leat 635 civkkáleami sámegillii mii lea fas 27,8%. Ja civkkáleddjiid searvvis lean fas ovccát sajis. :D  Oktiibuot mii leat 131s. Dat leat dat geat leat duolle dalle ledje čállán Twitteris sámegillii. 

Bloggáriid searvvis mun lean fas goalmmát sajis. Mu ovdalis leaba: viva la musica nammasaš blogga ja Suoma sámedikki ságadoalli nammasaš blogga. 

Muhto dieđus dat gal leat beare muhtun dieđut, eai ge leat beare objektiivalaččat dát statistihkadieđut leat. Muhto áŋke lea somá lohkat daid ja oaidnit iežan nama buorremusaid gaskal. 

:D 

Fargga

Fargga lean fas Guovdageainnus. Muhto ovdal dan lean ain návddašeame eallima dáppe Beskkenjarggas. Nu dat lea. 

Tuesday, July 23, 2013

Beare vuoiŋŋastan, ingen stress. :)

Dat lea juo nubbi beaivi go in máhte fuobmát man birra livččii miella blogget. 
Vissa go lea luopmu, de lea erenoamážii váttis fuobmát maidege... Luomus lea miella beare vuoiŋŋastit, ii bargat maidege. Dušše fal vuoiŋŋastit. Na mun dagan maŋemuš golmma vahku, in bargga maidege. In ge beroš das nu ollu. 
Go áigi boahtá, de dat doaimmat lássanit ieža. Fárgga jo lássanit. Nu mun jáhkkán. Muhto dássážii gal mun beare vuoiŋŋastan ja návddašan eallima. 

Buorre idja! :) 

Saturday, July 20, 2013

Moadde sáni festiválaid birra.

Lean ain Beskenjarggas.  Mus lea hui somá dáppe. Boađán fas Guovdageaidnui maŋŋá Márkomeanu festivála. Buohkat dadjet dan jágaš festivála lea áibbas maŋemuš festivála. Muhto gal mun in jáhkke dasa. In jáhkke mii birget Márkomeanu haga. Sápmelaččat, eaige dušše mii, sápmelaččat, muhto dážat jna. leat jo hárjanan dasa ahte gávdno dan máilmmis unná Márkomeannu nammasaš festiválaš. Nu ahte jáhkkán ovtta jagi bottu maŋŋá mii boahtit buohkat Márkomennui suohtastallat ja ohcalit dan maid juohke olmmoš háliida gávdnat festiválas ;) Danin ge boađán dan jagi Márkomennui. 

Muhto dál dat lea jo meastá vahkku golai go bohten Riddu-Riđus. Duohtavuođas in obage jurddašin dan jagis dohko. Muhto plánat ja áigumušat lávejit dávjá rievdadit. Nu ge dan háve geavai mus. Iđđes jurddašin viehkama ja vahkkoluohpa plánaid birra, go fáhkka čohkkan billas olbmuiguin ja humadit ge áigumušaid birra Riddu-Riđus. De leat mii jođus Riddui. 

Riddu-Riđus gal lei viehka somá. Vaikko dálki ii lean álo nu mo háliidivččiimet. Muhto áŋkke somá lei. Dieđus konsearttaid dáfus Buffy Sainte-Marie konsearta eahpekeahta lei nummir okta. Dasto mu listtus lei Moana&The Tribe konsearta. Bronsamedállja mus oažžo Lovisa Negga konsearttain. 

Festivála govaid áinnas lea vejolaš oaidnit dan siiddu vuolde: 
facebook.com\gavrilovmedia 

Dál de áigi loahpahit otná čállima. 

Buorre idja!  :) 



Wednesday, July 10, 2013

Okta, guokte, golbma...

Áigi golla, áigi manna...

In muite, muhto gos nie gullen goit dakkár sániid. In muite man oktavuođas. Vai ledje go dat muhtin lávlaga sánit? 

Muhto, muhto... Leat ollusat geat ávžžuhit  "Maid dál?" bachelordokumentára sáddet filbmafestiválaide. Livččii somá dieđus ná dahkat. Muhto ovdal dan berren doaimmahit eaŋgelasgiel "subtitiles"...daid haga in duostta gosage sáddet. Nu ahte dál lea mus oalle stuorra bargu - ráhkaidt daid "subtitiles". Dan barggu oktavuođas sihkkarit boađán dárbbašit veahki...

Muđui gal dat manna bures. In leat hohpuid siste. In leat váivášuvvan makkárge áššiiguin. Hui ráfálaš eallin lea juste dál mus. Luopmu. Geassi. Muhtumin fas lea miella "filosoferet" eallima birra. :) 

Áŋkke sávan buorre geasi dutnje! :) 





Saturday, July 6, 2013

Midnight Sun Marathon 2013

Dat gal lei historjalaš sihke dáhpáhus ja vásáhus mus! :D 

















Thursday, July 4, 2013

Lean buori mielas. :D

Lea nu fiinnis leahkit dáppe Beskkenjarggas. Go lean dáppe Beskkenjarggas, de dovddan iežan dego ruovttus. 

Odne fas vihken. Šattái measta miila. Dál de mus lea áigumuš searvat bealemaratonii mii lea Levis čihčet beaivvi čákčamánus. Ferten oaidnit movt dat šadda. Lea ollu áiggi dieđus dasa. Muhto aŋke boađán hárjehallat, dahje háliidan hárjehallat gitta boahte jagi Saami Ski Race gilvuide. 

Lean hui duhtávaš go logi jagi maŋŋá álgen hárjehallagoahtit fas. Dat lea oba somá. Mun jáhkkán dasa váikkuhedje hui ollu válláštallansáddegat maid NRK láve ordnet. Namalássii hui ollu váikkuhedje čuioggangilvuid oktavuođas sáddegat. 

Mii vel? 
Vaikko lean juste dál dakkár muttus go in hálit maidege vuos bargat, de goit jurddagiid siste lean pláneme iešguđetge doaimmaid maid galgašin čađahit dan jagi.. 

P.S. Muite fal duolle dalle geahččat govaid maid lean almmuheame dan siiddu vuolde - www.gavrilovmedia.com