Thursday, June 23, 2011

Moskow DC

Dát lea muhtin olbmá niehku. Son geahččala govvahallat dan dili, go Moskvas sirdit buot stáda ássahusaid.
Dakkár Moskva mun liikon buorebut, go dán Moskva mas ledjen miessemánu loahpas.


Wednesday, June 22, 2011

Fitnen Ságat kantuvras

Vuossarga lean fitnan doppe. Oidnen moadde gova maid Kárášjoga sátnejodiheadji lea govven ja skenken Ságat aviisii.

Dál mun veahá smiehtan soaitá galggan maid čállit olggos muhtin fiinna gova ja skeanket muhtin kantuvrii vai iežan govat livčče eambbo oidnosis. Dát livččii várra buore diehtojuohkin. Vai? ;)

Juo, mus gal lei buorre mátki Ruššii, Lujávrái ja Murmanskii. Vahku geahčen lea áigumuš fas fitnat Ruoššas. 

P.S. Sámegiela eksámen várra in goassige boadan ceavzit...Birru.

Thursday, June 16, 2011

meastá on the road

Ihttin lea máŋemus eksamen Sámi journalistagielas. Doaivumis birgen bures dainna. Maŋŋá go gearggan eksameniin, de njuolgga vuolggan Lujávrái, doppe galget leat dán lávordaga Geasseriemut. Muhto mus han ledje veahá eará plánat. Smihten báicce bargat dán vahkoluohpa... Bargagoahtan mánodaga rajes NRK Sámis. Galgá šaddát somá!


Tuesday, June 14, 2011

Canon-gohpu

Odne lea leamaš čálalaš skuvlaeksamen Guorahallan journalistihkas. Dál ii leat eará go vuordit bohtosiid.
Maiddái odne lea boahtán munnje diekkár fiinna Canon-gohpu. Liikon dása! :)






Friday, June 10, 2011

dáppe lean

Ollejin Norgii. Lean Kárášjogas dál. Dán vahku goit sihkkarit lean dáppe. 
Lean leamaš vahku Ruoššas: Murmanskas-Moskvas-Murmanskas. 
Moskvas lei hirbmat báhka munnje. Sullii +28 gráda. In leat hárjanan dása. 
Deivven ustibiid. Guhkes áigái in leat oaidnán sin. Lei somá oaidnit, gullat ođđasiid. Máilmmi buorre konsearta doalái Mari Boine Moskvas. Govvejin su. Muhto vuos háliidin oaidnit movt moskvaolbmot váldet su vuostá. 
Ruoššas liikojit Mari. Buorre ođđasášši lea ráhkadan okta stuoramus ruošša TV-kánala Mari Boine birra. Musihkkaáššedovdit leat hui bures árvvoštallan  su musihkka. 

Meastá visot manái bures. Ovdal go vuolgit fas Murmanskii ožžon váivves dieđu. Jámii okta mu buoremus olmmái Murmanskas. Son lei dušše 28 jagi boares. Mu plána fáhkestaga rievdái. Mus lei aigi gárvestit skuvlačálalaš barggu, muhto juste dalle in sáhtán. Ledjen moraša siste. Murmanskas fitnen su eamida luhte.   Guhká humaimme....

Muhto eallin joatka. Dál mun lean illolaš olmmoš, go deivven ovtta čáppamus nieidda. Dát lei juoga buorre. Fárgga, go geargan eksamenaiguin vuolggan fas Ruššii, ruoktot ja Murmanskii. 

Na juo, sullii nie. 

Friday, May 27, 2011

On the road

Lean jođus Ruššii. Odne lean Kárašjogas. Ihttin plána mielde galggan leat Murmanskas. Sotnábeaivvi vuolggan viidáset Moskvai. Guhkes áigái in leat fitnan doppe. Dál lea miella gálledit ustibiid ja dieđus, oahpásnuvvat ođđa olbmuiguin. Muhto ii fal dušše suohtása dihte vuolggán Moskvai. Seamás go návddašan eallimin ja vuoiŋŋástan doppe, lea plána fitnat Mari Boine konseartas. Mii galgá leat 31 b. dan mánu. Áiggun oaidnit movt moskvalaččat váldet vuostá Mari Boine. Ja muđui ge Riđđu-Riddu áigu ráhpat iežas kantuvra Moskvas. Doaivvun beasan govvet dalle.

Ja maiddái mun in leat vájaldahtan skuvlabarggu. Lean čállime. Gávccat siidu jo lean čállime. Galgá vel sullii seammá ollu.

Na juo. God natt! :)    

Thursday, May 19, 2011

Vuoi, dat muhtin nieiddat in gal sáhtte ipmirdit daid. Muhtin beaivvi dán ovdal čállen ahte lea plána vuolgit olggoriikkii   Muhto fáhkka plána lea rievddan. Ii fal mu dihte, nieidda dihte. Ii son hálliit šat vuolgit gosage. Ii ge čilgen manne.... Na dat lea maid su riekti dahkat maid son ieš háliida.

Ná mun goit lean vuolgime farga  Ruššii. Dat gal lea sihkkarit. Ovdal go vuolgit galggan dahje dál jo ferten čáligoahtit dan dutkanbarggu. Lihkkus, muhtin muddui gávdnen neahtas girjjiid ruoššagillii. :D Ii leat eará go čáligoahtit! :D