Thursday, May 5, 2011

Niehku dahje plána lea :)

Lean pláneme mátki olgoriikii. Vuos smihten Amsterdama birra, livččii dieđus somá doppe fitnat. Muhto ii fal dán háve. Muhtin eará háve sihkkárit finan. Dál mus leat jurdagat fitnat Barselonas. Ovddit vahku lea leamaš doppe okta oahppes nieida ja nu lei movttet ja illus go finái doppe. Ja musge šattái miella dohko!  Moadde beaivi juo lean  studereme hotellaid, olgobáikiid, muđui gosa sáhttá ja galgá fitnat. Dieđus ii fal okto vuolggan dohko, muhto ovtta čáppa nieiddain. :) Dá galgá šaddat dego dakkár romántalašmátki. :) Jus visot ordnešuvvo, de gal dán mánu máŋimuš vahku mielde vuolggan návddašit fiina dálkin, vuojadit lieggamearas jna. :)













Muhto dát gal lea veahá boahtteáigi. Dássažii galggan bargat skuvlabargguid. :)


Monday, May 2, 2011

Sapmi sessions

Easke gehččen dán ođđa prográmma "Sapmi sessions". Orru hui miellagiddevaš. Muhto galggan čáđa geahččat buot 6  prográma ovdal go sáhtán  árvvoštallat ja bukutit iežan jurdagiid. Dál juo sáhtán deattuhit ahte nuppi prográmmas boađus - lávla "Háliidivččen" orru leamen ahte Niko Valkeapaa stiila mielde dáhkon. Soaitán mun boastut jurdašan, go nuppi olbmo -Kristian Anttila in mun gal goassige gullan ovdal, inge dovdan su musihka. Galggan veahá googlestit su birra. Soaitá sus lea maid sullii seammá stiila go Nikos. Gii diehtá dán...   :) 

Saturday, April 30, 2011

Ođđa čalbmeláset

Odne iđđes finaime ovtta olbmuin Áltái. Son áiggui oaggungilvui mii lei Joatkajávrris. Mun gal maid šadden searvvat dasa. Váikko leat searvan oalle ollusat, de várra dušše soapmasat leat goddan guliiid. Stuoramus  guolli lei 162 grámma!!! Inge vuorbadeamis ožžon maidege. Dalle vulgiime čalbmelásetgávpai. 15 minuhtta ja visot lea ortnegis. Váljejin vuogas čalbmelásiid ja diŋgojin daid. Boahtte vahku galget boahttit boasta mielde. Muhto ii dát ledje ná hálbbi. Oalle divrrasat dát čalbmelasset ledje. Muhto lea go son riekta go olmmoš álgá smiehtat "dát lea divrras" go sáhka lea dearvašvuođa birra? Ii dát orru riekta. Danne fal mun osten daid.

Dál áigi bargat veahá govaiguin, jus gilen. :)
Dahje várra válddan dárogielkursa (NRK1 neahtta badjel) 

Thursday, April 28, 2011

Nuorvu

lean buozagoahtan. Lea dakkár dovdu mus jo nubbi beaivi.
Mii livččii veahkkin nuorvu vuostá dáppe Norggas, dahje dáppe Guovdageinnus?

Dieđan lea Strepsils vai juogalágan dakkár diŋga. Muhto ii dát lea álbma dálkas nuorvu vuostá.

Don gii orru dáppe Guovdageinnus galggat veahá veahkehit mu.

Tuesday, April 26, 2011

govat aviisas

Oidnen otná Finnmark Dagbladas iežan 5 gova. Ja maiddái ovttá ártihkela dárogillii. Dát gal lea veahá somá :D 

Monday, April 25, 2011

Beassáš doalut

Dát lei buorre Beassášvahku. Mun lean duhtávaš dainna barguin maid mun lean bargan. Bessen govvet meastá buot Beassášdoaluid, meastá buot ártistaid. Lávvordaga lea leamaš oalle lossa beaivi. Ledjen issoras váibban. Hui unnán oađđin. Várra 4 diimmu juohke beaivi.  


Sotnábeaive in mun gillen streasset ja govvet. Sotnábeaive mus leat leamaš návddašanbeaivi. Dán beaivi ollejin geahčat Min duoddarat III/Våre vidder III. Duođai in leat vuordan ná buori bihtá! Fádda, neavttarat, dánsejeaddjit, dát mo lei ovdánbuktan bihtá... Ollu humora, ođđaáigasaš teknologiját. Visot, visot lei nu buorre. Lea miella oktii vel geahčat dán. 


Maiddái Thon hoteallas bessen návddašit buori ártistaiguin, sin čehpodagaiguin. Dát ledje dego čiegusártistat eai lean álmmuhuvvon sin námmat prográmmas. Surprise ártistat dát ledje.   
- Issat Sammol Hætta!!!
- SlinCraze!!! - Dát gal lea máhttá doallat šovva ja lea ge albma rap sus. 
- Ivvar!!! 
- munhit altalaš artista (in dovdá su, in ge muite su námma) 
- Sánčuari!!! - dat gal lea álo šovva! 


Muđui illudan go bessen gullat: 
- Intrigue!!! - Váikko ledjen dán konseartas barggus, de lihká bures čuvvon musihkii! Maiddái Kaias ožžon lobi govvet lávdi alde. 
- SlinCraze!!! - su dihte bohten lávvordaga Báktehárjái. Go nogái konseartá, de vulgen njuolgá ruoktot, vuoiŋŋastit. 
- Mari Boine!!! - lei somá oaidnit lávdi alde olbmá Niilasa Beaska. Soai guovttos leigga čeahppi.
- Ivniiguin!!!
- Georg Buljo!!! - Dán háve mun ráhpen su eará čehpodaga. Osten su  CD-skearu SAX APA HAW.     
- Ja dieđus Niko-Mihkal Valkeapää!!! 


Sullii nie. :) 

Thursday, April 21, 2011

Beassážat 2011

Beassážat?! Ha, de gal áigi bargat, bargat ja bargat! Vuoiŋŋásttit mun gal sáhtan maŋŋil. Seammás maŋŋil sáhtan váldit moadde vuolaga :D
Muhto, buriid Beassážiid dutnje!