Tuvra Osloi vihta minuvta dihte

Lean eake dál bohten Oslos. Na in ge suohtasa dihte lean fitnan dohko. Muhto boahtevaš skuvlamátki oktavuođain. Na jo manodaga rájes álggen hommet min skuvlamátkiin. Min luohka galggá vuolgit Amerihkkii, New-Yorkai dien álgoálbmot bistevaš forumii mii gullo UN.  Dat galggá leat varra somás ja miellagiitevaš tuvra.

Muhto ovdal go vuolgit galggašin ordnet visuma dohko. Sámi allaskuvla čehppes olmmái John A. Sikku lea veahkehan munnje dan áššiin. Álgus moai leimme deavddan visuma ohcamuša interneahta bádjel. Maiddái John lea čálan e-boasta reivve Amerihkka ambasadorii, mas čilgii ášši. Masa lea ožžon vástadusa ahte MUN FERTEN PERŠUVDNALAČČAT LEAHKIT AMBASADORAS. Juste dan dihte go lean Ruoššas eret. Na juo Sámi allaskuvla lea ordnen dán tuvra (girdibilehtat, orunbáiki jna.)

Ikte moai vuolggiime Guovdageinnus Altai. Ante Palojavri lea doalvvun munno dohko. Alttas Osloi girdiin. Oalle máŋŋit leimme Oslos. Maiddái diet busse ádjanij bádjel 40 minuvta vel. Na eat moai leimme feastime, go ihttin dahje jo odne galggá Ambasadorii.

Iđđes sullii diibmu ovccis vuolggiime Ambasadora guvlui. Ii lean leamaš váttis gavdnat Amerihkka Ambasadora visti.  Reives Ambasadora bárggi čilgii ahte ferte leat Ambasadora visti luhte jo kvarta vájle logi.  Na juo, moai bođiime dohko. Oalle ollu olmmoš ledje visti olgobealde ja buohkat áigot sisa. Ean beasan álgus sisa. Vakta logai lávkaigiun ii ábut sisa. Son sáddii munno muhtin kafeai doalvvut diŋgat dohko. John lea mávssan dán ovddas.  De fas Ambasadorii. Vakta fas logai maid mun ferten válddit Ambasadora sisa: babirhámis ohcamuš, passagova, reivve mas čilgejuovvot manne vuolggan Amerihkkii ja 800 nok...Hm...Lihkkus ledje 800 ruvnnot.

Vakta čáđa ja kontrola čáđa beassaime sisa. Leimme vuorddime munno vuorru. Eai orun nu ollu olmmoš dalle. Norgga konsulatas Murmanskas viehka ollu olmmoš. Juo, mu vuorru áddit bahpirat sisa dien lasseráikis oččon nummar eará lasseraikkii. Dat veahá ádjanij ovdal go bođii mu nummar. Juo, galggan dadjat ahte John lea vuolggan mu mielde ofelažžan ja dulkan. Ja viimat bođii mu vuorru dien nuppi lasseraikkii. Lei imaš go ambasadorabárggi álgii hupmat ruoššagillii. Moadde jearaldaga son lea jearran mus: Gosa mun vuolggan Amerihkkas? Man guhka mun lean Norggas? Maid mun logan dappe? Makkár gillii? Dat lei vissot. Dušše 5 minuvta! Uff... Oalle ártet dat lea. Measta olles riika čáđa 5 minuvta dihte.  Dán máŋŋil fas Guovdageinnui girdiin.  Oalle lossá mátkoštit dušše 5 minuvta dihte.  Nu movt ambasadorabárggi logái boahtte váhkku manodaga sii sáddejit vissuma boasta mielde. Dasa maid leimme máksan 120 ruvno.

Muhto buorre go visot lihkastuvvai bures! :)