Maŋimuš beaivi dán mánus ja maŋimuš čálus dán mánus.

Juo, de gal lea nohkame maŋimuš beaivi ođđajagimánus. Oalle jođanit dát mánu nogái gal. Ja lea ge dovdu ahte in ge lean álgán bargat maidege dán jagis. Muhto veahá feara maid mun lean goit bargan. :D 

Ja odne mun ge lean leamaš ovtta deháláš čoahkkimis. Muhto in gal sáhtte maidege dán čoahkkima birra muitalit. Dán háve goit. 

Eará diŋga fuobmájin otne go veaháš  surfejin "sámi neahtas" . Já dán fuomášumis bođii olggos jearaldat: Manne bat ii gávdno oktasaš media neahttasiiddu gos livččii vejolaš gávdnat ođđasiid  mat leat dáhpáhuvvan  miehta Sámi? Ja válddogiella gal dán neahttasiiduin berrešii leat SÁMEGIELLA. Dahje dieđus sáhttá leat ja máŋgagielaidsiidu: sámegiella+dárogiella dahje ruoŧŧagiella + suomagiella + eaŋgalasgiella.  Muhto dát gal leat juste dál dušše niegut. Várra dasa ge leat duođálaš sivat ja ákkat  otna "sámi mediamailmmis". Várra jus livčče návccat ja vejolaš, de gal várra juo dál livččii oktasaš media neahtta siidu. Eará ášši lea fás gilvu dahje konkuranse sámi mediaid gaskas. 

Dála áigi gal mu mielas goit buorin neahtasiidun sámegiela ektui leat YLE Sápmi  ja Ávvir-neahtasiidu. 

Suddu, muhto NRK Sápmi ii nágot áin ordnet iežas neahtta-siiddu seamma  malle dahje vuogi mielde nu go YLE Sápmi lea bargame sámegiela ektui.  Ale fal váldde dán nu lahka iežas váibmui, NRK Sápmi journalista! :)

Map of Europe

ingen kommentar :D

Govva iskadeapmi

Odne eahkedis ledjen olggun govvema dihte. Fertejin iskat mo lea govvet olggun eahkedis. Go lea nu seavdnjat olggun, de gal statiiva haga ii son livččii obanassiige vejolašvuođa govvet.  Muhtin láhkái lean duhtavaš dainna mo dát govvenproseassa manái. Sullii guokte diimmu ledjen olggun. Loahpas lei dovddu ahte lea ge veahá buolaš olggun odne. Ja sihke mun ja govvenapparahta leimme veahá gálbmon loahppa loahpas. Ihttin lea plána fas olggun govvema dihte, fas eahkedis maŋŋil skuvla, muhto ovdal hárjehallama.

Dakkárat dát leat šaddán govat.

 

 

   

Dieđus dáid govaid stuoradat mun heivehin neahttii. Muhto originála gova "deaddu" lea sullii 60 Mb. Lea áigumuš čállit olgos muhtin daid govaid A3 formatas.    Áidna jearaldat mus lea: guđemuš govva lea buoret: ivdnejuvvon dahje ivdnekeahtes govva?  

Oažžu go oastit Norggas dát šáttu?

Mu miellas lea oalle imaš go ii gávdná dakkár šáttu vuovddimasii dáppe Guovdageainnus. Vai? Jus livččen gávdnan dán, de livččen áigga jo ráhkadan ovtta ruošša málisa.

Leat máŋga lágan jurdagat mu oaivis dábálaččat. Leat máŋga ášši maid galggan gárvistit:
- oahpponeavvu ruoššabeal studeanttaide
- guokte oanehis dokumentára filmma. Ovtta dain lea áibbas oanehis galgá leat (2-3 min). Lean jo bargame daiguin vai ollet ovdanbuktit daid Sámi filbma festiválii.
- Ja lea ge jurdda ahte galggan juoidda hutkat govaiguin. Muhto ii son lea vel boahtán inspirašuvnna.
- Maiddái ferten buoridit iežan sámegielmáhtu. Máŋimuš árvosátni skuvllaeksámenis hui bures čájehan manne beren dahkat dán.

P.S. Odne oaidnigođii beaivvaš. Beaivi šaddá guhkit beaivvis beaivái.
  

From Murmasnk

Has dá lei somás mátki Ruššii. Dán gova lean ožžon ikte eahkedis. :) Olgešbealde mu buorre olmmái guhte lea jo náitalan. Muhto šattái goit somás govva. Dalle mii leimmet bowlingas. Leimmet ávvudeame ođđa jahki.  :)

Saint Peterburg dát lea

Dát gal lea máilmmi buorre oanehis filbma! Liikon dasa!

:)

Duostilis bussá lea. Mun ge álo jáhkken ahte bussá ii goassige ieš boahtá čázi vuollai. Várra sus lea issoras goiku.  


Maid muđui? Na juste dál ii nu ollu. Lea áigumuš fitnat fas hárjehallamis. Galggan veahá viehkat - 30 minihtta várra. Ja dieđusge válddan sávnnji maŋŋá hárjehallama.  Dá šaddá jo njealját gearddi dán vahkus go lean hárjehallame. Muđui ge in leat leamaš hárjehallamis golbma vahku danne go in leat leamaš dáppe, Guovdageinnus.

Diet čálmmit!

Dáidda čálmmiide liikon olu! Ráhkkis čálimmit!

Otna ságat

Ihttin mii vuolgit Hammerfestii, skuvlamátkái.
Ikte eahkedis ožžon buorre e-boasta Sámi allaskuvla rektoris. Son lea váldán bures mu smiehtamuša ráhkadit gihpaga sámegielgrámmataihka birra ruoššagillii. Dasa lasiin boahtá unná sátnegirji "sámegiela-ruoššagiela".
Doaivvumis áigi mielde boahtá olggos dakkár oahponeavvu\veahkkeneavvu ruošša studeanttaide.

Na ruoššatuvra birra. Sáhtán lohkat ahte dát manái hu bures. Lean fitnan ruovttus, eatni luhte. Lean fitnan Murmanskas bátnedoavttira luhte. Ja dieđusge ovtta ráhkkis niedda luhte. Ja su dihte lean leamašnu guhka Murmanskas. In mun gille eará muitalit. :D

Ođđa jahki ja ođđa čállus

Dál mun lean fas dáppe Norga bealde Sámis, Guovdageinnus. Ikte eahkedis ollejin deike. Lea buorre dovdu. Muhto eanet dieđuid Juovlaid ja luomu birra čálan máŋŋelaš, várra ihttin. Odne in gille, go áiddo bohten hárjehallamis ja leange váibbas dan dihte.