Kárašjohkii fal

Vuolggan odne Kárašjohkii. Háliidan veahá vuoiŋastit Guovdageaidnus. Go lean meastá guokte mánu dáppe, de lean veahá dolkán dás. Vahkkoluohpa šaddá Kárašjogas, Beaskenjárggas. Nu logai okta olmmái, meastá olgoriikas. Go dieppe Beaskenjárggas meastá ii doaibmá giehta dahja mátketelefovdna. :D

De logi minuhtta geahčen mun gal vuolggan. Beasan veahá vuoiŋastit!

P.S. Buori vahkkoluohpa dutnje maid!

Waka-waka :D

In gal dieđe manne nu, muhto goit liikon ieš dán lávlagii.

in cevzen

Dat gal lea loahppa. In mun gille šat eambbo moivvet allaskuvlas. Juo lean dolkan dakkár oahpahusas. Odne in mun cevzen máhppaeksámen sámegielas. Logaiga guovttos mus lea beare heajos čállálašgiella. Várra seammá ja njálmmálašgiella ii orru dohkkehuvvot.Manne galggan givsidit iežan dakkár oahpahusan? Lean nu vuollánan juste dál.

Muhto juste dál boađan oahppoháldahusii ferten čállit váidalusa. Mu oaidnu mielde mun čálen visot riekta dán máhppaeksámenis.  Dál duođai háliidan dadjat: Sámi allaskuvla lea máilmmi jallasskuvla!!! 

Vuolgašin baicce ruoktot, Lujávrái. 

www.saami.su

áidna Guoladágasámiid neahtta-siidu ii leat šat doaibmámis. Mii lea dasa sivva mun in dieđe. Suddu lea go dakkár ávkkálaš neahtta-galdu lea heaitán....

Giela jearaldat

Viimat lean geargan čoahkkimiin odne. Dál lea veahá áigi lohkat ihttá njálmmálaš sámegieleksamenii. Áidna diŋga sámegielgrammátihkas mii orru oalle eahpečielgas mu oaidnu mielde lea passiivahámi-vearbbat geavaheapmi. 

Mun muittan ahte juo lean čállán bloggas dán birra. Muhto goitge namuhastan fas. Mii lea earáhus diekkár passiiva geahčosiid gaskas: 

- juvvot 

- hallat

- šuvvot 

Vai leago daid gaskas seammá mearkašupmi ja geavaheapmi?  

In dieđe manne lea nu, muhto fuobmájin dasa ahte sámegielčeahpit muhtuimin leat oalle čuorbi čilget mii lea passiivahápmi ja mii lea earáhus daid geahčosiid gaskas maid namuhin easke. In mun gávdnan dakkár oahppogirji mas livčče buore sihke čilgehus ja ovdamearkat. Suddu lea. 

Muhto juste dál viegan hárjehállamii. :D

Ikte goitge lei buorre beaivi! Ledjen sihke duddjomin guvssi ja fitnen Áltás. Dá lei oalle somás tuvrra!  Ievttá plána ollašuvvai bures. 

Dál lean fas Guovdageaidnus. Galggan lohkat eksámeanii sámegielas. Muhto vuos boradit. :D

Sotnabeaivi. Háliidan mátkái

Sotnabeaivi lea odne. Livččen várra oađđit guhká odne. Muhto lihken bájas oalle árrat, diimmu 9.30 sullii. Ráhkadin álkes salata. Muđui in obage dieđe maid bargat odne. Lea miella veahá duddjot, galggan gárvistit guvssi. Álgen dainna juo diibma, čávčča. Dán jagi gal ferten geargat guvssi duddjomis.

Lea plána Áltas fitnat odne maid. Muhto dá lea dušše plána. In vuos mearridin vuolggango dohko vai ii. Háliidan vuoiŋŋastit Guovdageaidnus. Lean veahá dolkan leahkit dušše Guovdageaidnus. Ferten veahá mátkoštit vai oaivvi lihkka bájas.


 

muhtin filbma

Dál gal manna bures. Veahá váibban maŋŋel harjehállama. Muhto maid mun smiehtan dál? Odne facebooka bokte oččon buore liŋka. Dá lea dokumentára filbma mii leaba rahkadeame guokte olbma Frankariikas. Filbma lea Beassašfestivála birra dáppe, Guovdageaidnus. Muhto báicce geahččá dán.

ours 0
Uploaded by tomtomdrunk. - Explore exotic destinations and travel videos.
Maiddái smiehtan fitnat riegadanbeaivái. Mii bat livččii buore skeaŋkan? Lea váttis mearridit. Jurddašan skeŋket ovtta duojji. Muhto in leat sihkkar heive go sutnje dá skeaŋka.

GLR

Gula don maid min journalistastudeanttaid sáddega ihttin (23 b.) diimmu 16.40 Guovdageainnu Lagasradio bokte! Várra šaddá somá! :D Muhto dál galggan juoidá boradit danne go veahá nealgon. Leimme Denisain veahkkime daidda jakutskanieiddaide.

Ush

Vuoi, diet radioreportáša, smihten rahkadit dán jakutska nieiddaid birra. Muhto ii dát lihkastuvvan, sivva dasa  heajos gulahállan min gaskkas.  Soai eaba máhtte vástidit mu álkes jearaldagaide. Soai leaba hárjanan hupmat jakutskagillii.... Ihttin ferten juoidá eará hutkát vai cevzet dán bargobihttá. Vuoi-vuoi.

 

Otná ságat

Heia mu blogga lohkki! Gal dat otná ja ihttá beaivvit leaba (leat) oalle lossat. Ollu barggut leat dán beaivvit: čoahkkimat, jorgalanbarggut ja buot dehaleamos dá lea radio reportáša mii galggán gárvistit ihttažžii dii. 15.00. Muhto gal die lea somá!

Ja odne lei buorre čoahkkin, muhto eanet dieđut dán čoahkkima birra ii mus lea riekti muitalit. Nu leat njuolggadusat Sámi allaskuvlas  :D

Na dál fal boradit ja de fas bargat dán radio reportášain.

Gielavásáhus

Leaba boahtán guokte nieidda deike Sámi allaskuvllii vai oahpat sámegiella. Vahkku juo leaba dáppe. Oalle ollu sudno mielas lea ammas: biebmu, kultuvra, oahpahus. Leaba imaštallame.  Ja soai leaba baohtán lonuhallan studeanttan Jakutskas mii lea hui guhka eret Guovdageainnus. Das sáhttá geahččát gokko sudno ruovttubáikki lea.

Muhto mii bat lea imaš munnje? Dat lea sudno ruoššagiella. Mun lea juo fuobmán dasa ahte sudnos lea čielga akseanta.  Muhto ieš ruoššagiella orru dego áibbas ammasgielan, go guldalan sudno. Ja mus  álo boahtá jearraldat sudnoide: leago dá lei jakutskagillii maid don leat lohkan dál? Soai vástideaba: ii leat. Dat lea ruoššagiella. Ja go soai leaba lohkan: dá lei ruoššagillii, de mun álggan smiehtat manne nu lea? Go in goassige gulen diekkár sánit ruoššagielas inge ruovttus, inge Murmanska universitehtas, inge gávpogiin. Vuoi-vuoi.

Juo, mun dieđan Ruoššas leat suopmanat muhto hui unnán. Ja mun ipmirdan daid suopmaniid ja dadjanvugiid. Ovdamearka dihtii oalle dávjá gullo Ruoššas diekkár earáhusat maid mun ipmirdan:
MOLOKO dahje MALAKO - Mielki sámegillii.

Muhto sudno suopmana in ipmirdan nu bures:
Mu guovlus ja Ruoššas dadjet nu:
OČEN ja soai lohkaba ŽOOŠKI - HUI sámegillii

Go soai hupmaba dá gullo muhtumin dego soai atniba jakuska sámit. Muhto soai oaivvildeba ahte die lea čielga ruošša sámit. Vuoi-vuoi.

Ja mun galggan sudnuide leaihkit giellaviehkin. Várra mun galggan gáibidit buorre bálkka dakkár barggu ovddas.

---

Ii lea ásttu blogget dán beivvit, go leat nu ollu barggut skuvlas. Muhto geahččalan čállit juoidá eahkedis.

Yes!

Várra juo gergen dain máhppain. Lihkkus! Muhto in obage dieđe leango riekta čállen dien barggu man birra lei sáhka easka. Muhto dál háliidan vuoiŋŋastit, geahččat muhtin humorafilbma dahje TV-prográma. Iđđes fas várra geahččastan čáđa daid buot golbmá barggu sihkkarvuođa dihte. Dasto sáhtan ráffiváibmuin sáddet dán máhpa skuvlii.

Buorre idja dahje buorre iđđit vai mii bat dus lea dál? :D

Máhppaeksámen

Diibmu lea 20.30. Lean ain allaskuvlas čohkkán ja geahččalan čálligoahtit váddaseamos barggu: "guorahallan giela ráhkadussii gullevaš áššiid dihto journalisttalaš teavsttas". Ja dál mun smiehtan mainna lágiin mun galggan dán barggu dáhkat. Makkár vuogi mielde galgá dahkat dán barggu? Galggango mun guorahallat juohke sáni teavsttas? Vai galggango beare čállit ahte lea bures čállon vai ii? FUCK!  

Gii bat livččii guorahallat mu ovddas juornalisttalaš teavstta? :D

Dulká

Dá oanehis video lea hui somá, mu mielas! Ieš mun boagustin oalle guhká! Geahčá don maid! ;)

Somá gullat!

lean easke lohken Sámi radio ruovttusiidus, Árdna programma vuolde ahte Wimme vuolgá Kiinái.
Lea sihkkarit šaddá miellagiitevaš tuvra diehko, gos orrot nu ollu olmmoš! Mun ieš várra livččen vuolgit dohko, muhto dušše vahkui. In gal liiko diekkár báikkiide gos orrot nu ollu olmmoš. Muhto suohtasa dihte ja amas kultuvra oahpásnuvvama dihte livččii somá fitnat.

Na Wimme, buori mátki dutnje! Lihkku konseartaiguin ja skearuid vuovdemin!  :)

Ale stresse

Hirbmat lossat beaivvit álget mus dál. Galggan ollu ráhkadit skuvla oktavuođas. Veahá lea stresseme. Vaikko Norgas hárjanin "ikke stresse". Muhto juste dál go galgá 3 čálálaš barggu ráhkadit ja gárvistit bearjadahkii. Dasalásiin  dát dutkanaviisa....  Muhto ieš mun logán álo "ale stresse Sergey" ...

Takk for hjelp

Galggan giitit mu olbma ja skuvlavielja veahkkis. Jus son ii livččen odne skuvlas, de in oba ge dieđe movt mun birgešin otná skuvlabarguin! Giitu Máhtte olmmái! :)  

Moivi

Vuoi, dát otná skuvlabeaivi. In gal ipmir maidege maid galgášin bargat skuvlas. Oba moives oahpahus juste dál. Birru. Mii galgašeimet oahpat mo ráhkadit ášši jus olmmoš hupmá ámasgillii. Mo galgá jorgalit ja heivehit áššái jna. Muhto go mun lean okto Ruoššas min luohkás, šaddá váttaseabbo čoavdit dán. Šaddán ieš hupmat sihke dán "olbmo" ovddas gii hupmá ámasgillii ja journalista ovddas gii hupmá sámegillii. Muhto gii bat ipmirdá dán maid mun jorgalan ruoššagielas sámegillii. Mun gal veahá vuollanan dakkár oahpahusas. Áidna buorre ođas lea ahte bođiiga guokte nieidda Jakurskas, Davvi-Ruoššas. :D

Háliidivččen fitnat Ruoššas boahtte vahkku go Mari Boine doalla konsearta Arkhangelskas Norga beaivviid oktavuođas. 17 b. dán mánu dá galgá leat.

\/\/\/

Hárjehállat gal lei buorre odne. Vihken 20 minihta, de suhken 15 minuhta ja de fas eará bargen.
Dál go veahá vuoiŋŋastin galggan várra ráhkadit biebmu. Mii bat livččii njálggat dál? Muhto sihkkarit ferten fitnat gávpis vuos vai beasat kohket.  :D

Mun ieš ;)

Muhtin "spiona" lea válddan mus gova. In mun dieđusge fuobmán dálle.

gergen

Nu viimat! lean geargan bargat Ijahis idja festivála govaiguin. Dál bidjen daid fecebookai ja lean bidjame flickr:ii.
Dál ii leat báhcan eará go geahččat filmma ja oađđit. Ihttin fás lea skuvlla.  

Feasta

In dieđe movt, muhto dábálaš kultuvralaš eahket nuppástuvvai stuorra feastii munno Denisain geahčen. Dievva olmmoš fáhkkestaga šattai. Lihkkus ii lean leamaš ránnjá ruovttus. Muđui son livččii váidalit munno, nogo son láve dábálaččat dáhkat go munnos lea váikko unni feasta. Feastain manái bures. Muhto šattai fas čorget, bassat lánjas. Vuoi-vuoi.

Juste dál barggan govaiguin, háliidan bidjat daid Flickr:ii ja facebookai. Ferte fas ráhkadit biepmu. :)

Buorre iđđit olmmái! :)

Vuoi-vuoi! Diibmu lea 17.30. Ja mun áiddo lihken bájas. Mo dá dáhpahuvvái? Muhto áidna jurda mii lea oaivvis juste dál lea nie: Galle áige dasto vuolggan oađđit dán ihku vai lihkat árrat ihttin.... vuoi-vuoi.

Juo, galggan dadjat ahte fas álgen snuvssa borrat... Oktiibuot 8 beaivvi ledjen snuvssa haga.   Dá lei diekkár unna boddu.

Soaitán eahkedis vuolggan geahččat dán teahterbihta Biff oktan Kultur Thon hotellas. Muhto in leat sihkkar vel.

Čorgenbeaivi

Gal odne lei čorgenbeaivi mus. Várra lei vuosttaš dakkár čorgenbeaivi manimuš 3 vahkku siste. Vuoi-vuoi. Maiddái ikte juo heŋgejin seaidni vuostta govat mat osten juo 4 mánu aigge.  Rievtti mielde dat lei goalmmát geardde go mun hengejin daid govaid seaidni vuostta. Jáhkkan dál govat galget heŋgejit  oalle guhká dán rádjá go vuolggan ruoktot, Lujávrái.

Duorastat

Konferánsa nogai. De odne várra garvistan dán portreahta. De dán bargu maŋŋil ferten fas earát skuvlabargut čállit. Nu lea skuvlla. Álo ferte juodá čállit. Dál vuolggan ruoktot borradit ja divvut dán ártihkkála.  

Suddu go in ástta fitnat hárjehállmis dán ártihkála dihte. Muhto ihttin juo fitnan dohko maid. 

Aviisa boahtá fargga

Bures mu blokka lohkki! Várra galggan dieđihit ahte min aviisa, dahje dutkanaviisa eamibáikenamaid konferánsa birra ferte almmuhuvvot Ávvir aviisa mielde 23 b. Čákčamánus.
Juste dál lean bargame ovtta portreahttain. Lea veahá váttis, dannego olmmoš gean birra lean čállime ii leat dutki. Ja mun ferten čátnat dát buot oktii. vuoi-vuoi. :)

Bargat, bargat ja bargat dál. Muhto eahkedis várra fitnan muhtin doalluide konferánsa oktavuođas.

lean suhtan

Vaikko lohpidin muitalit ivtta mátki birra. Muhto várra šaddá máŋŋelaš čállit. Daningo dál galggan dadjat ahte oččon pássa ja visuma! Hurra! Dán jagi oalle jođanit sii ledje dahkan visuma. In lean vuorddan nu árrat. Smihten ahte oažžun dán mánu geahčen. 

Muhto nubbi maid galggan dadjat ii lea nu somás ášši. Lávordaga fitnen Bákteharrjji konsearta máŋŋil Marasii. Ja dieppe deivven ovtta oahpes olbma, gii barga Guovdageainnubáikkalašradios. Son logái munnje ahte lea suolladan mus gova. Jerren diekkár gova mas son lea? Son vástidii: - ii, Egil Keskitallo gova.  - Manin? jerrahállan sus. - Kauto Live plákahtii. Birru, iige jerrái mus lobi, iige mávssan dán ovddas. Dasa lásiin mun ieš lean mávssan dalle 500 ruvnno festiválapássa ovddas. 

Dál smiehtan válddit bájas dát ášši. Dát ii orru nu buorre. Ingoassege jurdilin, ahte dakkár sáhttá dáhpahuvvat Norggas. Mun gal lean suhtan.  Dán gova lea viežžan facebookas. 

---

Vuoi-vuoi. Dá gal ledje lossát beaivvit. Váikko lei vahkkoluohppa, muhto šattái bargat dán dutkankonferánsa oktavuoađas. Earenamažžii otna beaivi lei oalle guhkki. Álggus mii vulgiimet Mazii. Dieppe váldiimet fánasa. Ja fátnasiin joga mielde vuojašeimet 29 km Mazes Áltá guvllui. Muhto eambbo dieđut dán somás mátkki birra boahtá ihttin. Juste dál ferten vuolgit oađđit. :D

Konferánsa álgii

vuosttaš konferánsa beaivi lea, muhto juo dál mus lea dovdu ahte lean váiban. Vuoi vuoi. Muhtumin dutkit nu hupmet ahte dárbbaša sierra dulkon: dutkangielas dábálašgillii. :D Ja mii gal galgat juo čállit dán birra. Uff, gal dá šaddá lossát nágodit čilget dábálaš lohkkiide dutkanbarguiid birra.

web-shop

Dál easke facebooka bokte oččon dieđu ahte ráhpái ođđa ja várra dál lea áidna Ruoššabealsámeduojáriid neahtta-gávpi! Dasa gal illudan. Sávan buore boahtte áiggi dán gávpái! :D

Siidu lea sihke ruoššagillii ja eaŋgelasgillii. Fina don maid dohko! Ja merke favorihta siidun. :D

http://www.kildinsaamishop.ru/ 

dutkanaviisa

De dál min luohkka lea oččon bargu. Mii galgat ráhkadit dutkanaviisa dan konfearansa birra mii álgá jo ihttin. Várra galgá leat somá ja miellagiitevaš. Olles 16 siidu galgá leat šaddat. Justše dál mis lea redakšunčoahkin. :D
Mus gal lea jáhku ahte mii birget bures dainna.

Dá lei somá!

Dii várra juo lehpet čeahčan  dán oanehis bihta TV bokte. Muhto ii fal mun. In mun liiko TV geahččat.  Neahttas dála áigi sáhttá gávdnat viehka olu, nugo dán bihta mii NRK Sámi radio lea dáhkon.

Muhto dál ferten skuvlii vuolgit.

www.saami.su

Ikte eahkedis fitnen Ruoššasámiid neahtta-siidui. Ja ledjen hibmastuvvojin go lohken ahte fargga dát ávkkalaš siidu šaddá gittejuvvot. Váldo sivva lea finansakrisa, heajos ruhtadeapmi. Mun lean čállán Ávvirii moadde jagi aigge dán neahtta-siidu birra. Dalle Aleksandr gii lea rahkkadan dán siidu ja gii lea váldoolmmoš dán siidus. Dalle son logái ahte oaidná buore, čuvges áigi dán neahtta-siidui. Suddu lea, jus dat buore neahtta-galdu ruoššasámiid birra ii šat doaimmat.  Dieppe gal várra gávdno measttá visot maid dárbbašit diehtit sámiid birra. Dát neahta-siidu lei ástobargun Aleksandris, bargai dainna go lei ástu ja dilli.

Doaivvun ahte Ruoššabealde sámit gávdnet čovdosa dan čuolbmii.